Skírnir - 01.09.1990, Blaðsíða 195

SKÍRNIR
LÍFIÐ VERÐUR ALDREI...
447
og aukins frelsis Austur-Evrópu. Samskipti háskóla munu aukast
verulega og þá hreyfanleiki stúdenta og kennara. Harðnandi samkeppni
um vel menntað fólk mun leiða til atgervisflótta frá jaðarsvæðum
Evrópu til hinna auðugu Mið-Evrópulanda eða til Norður-Ameríku.
Irskur rektor tjáði mér að hjá honum væri staðan þannig að strax eftir
brautskráningu væru t. d. flestir rafmagnsverkfræðingarnir farnir því að
þeim væri boðnir betri kostir erlendis. Þessi atgervisflótti verður
vaxandi vandi hér á landi í framtíðinni ef ekki verður markvisst reynt
að spyrna við með ýmsum hætti. Islensk stjórnvöld og íslenskt atvinnu-
líf munu verða að keppa við erlenda aðila um vel menntað íslenskt
vinnuafl. Mið-Evrópulöndin og Bandaríkin munu bjóða betri laun og
aðstöðu til að laða að hæfileikaríkasta fólkið frá Islandi sem og Irlandi
og öðrum jaðarsvæðum Evrópu. í þessari baráttu um besta fólkið
verðum við einmitt að veita ungu fólki tækifæri til að takast á við
verðug verkefni, veita þeim tækifæri til að hagnýta þekkingu sína og
tækni, við verðum að virkja starfsorku þeirra og hæfileika. Þessi vandi
vex hvort sem Islendingar ganga í Evrópubandalagið eða ekki.
Samkvæmt skoðanakönnunum virðist fylgi unga fólksins við
inngöngu í Evrópubandalagið fara vaxandi. Aðildarríki Evrópubanda-
lagsins stefna að því að mynda eitt markaðssvæði þar sem fólk getur
búið og starfað í hvaða ríki bandalagsins sem er og engar hindranir
verða í vegi viðskipta með fjármagn, vöru og þjónustu á milli þeirra.
Menn eygja þar meiri atvinnutækifæri, stærri markaði fyrir íslenskar
vörur og fyrirheit um betra líf. Ég er sammála því að með inngöngu
Islendinga í Evrópubandalagið geta breytingar á viðskiptaháttum haft
úrslitaáhrif á viðskiptahagsmuni og velferð þjóðarinnar, en
afleiðingarnar geta verið ömurlegar þegar til lengri tíma er litið.
Kæri kandídat, íhugaðu málið vel og hugsa þú um framtíð íslands
sem fullvalda ríkis. Við höfum séð hugmyndafræði kommúnismans
hrynja til grunna í Austur-Evrópu og við sjáum aðra hugmyndafræði
koma í staðinn en það er trúin á frjálsa markaðinn. Nú er það frjálsi
markaðurinn sem mun gera okkur frjáls og fjárhagslega sjálfstæð, en
getum við treyst og trúað á alræði frjálsa markaðarins?
Sagan kennir okkur að menn hafa ætíð barist um auð og völd, lagt
undir sig lönd og heilar heimsálfur og ekkert hirt um líf, heill og
hamingju þeirra milljóna manna sem voru undirokaðir til að ná slíku
markmiði. Ætla má að slík barátta haldi áfram þótt aðferðir breytist,
29 — Skírnir