Skírnir - 01.04.1993, Qupperneq 253

SKÍRNIR
MEÐ ÍSLAND Á HEILANUM
247
„Hunting for Quarters" sýnir til dæmis lágreistan íslenskan torfbæ í nið-
urníðslu. Samuel Edward Waller (1850-1903) var listmálari sem varð
þekktur fyrir raunsæismyndir sínar af hefðbundu ensku sveitalífi. Hann
sýndi reglulega í sölum The Royal Academy. Ekki er útilokað að þar
hafi verið hengdar upp einhverjar myndir af Hlíðarenda.
E.J. Oswald. By Fell and Fjord, or Scenes and Studies in Iceland.
William Blackwood and Sons, Edinburgh og London 1882, viii + 282
síður. Nokkrir kaflanna höfðu birst áður í breska vikublaðinu Good
Words 17 (1876), s. 472-78, 543-49, 632-37. Með teikningum og kortum
af söguslóðum. Oswald gerði teikningarnar sjálfur í þremur heimsókn-
um sínum til Islands.
William Lord Watts. Across the Vatna Jökull: or, Scenes in Iceland,
Being a Description of Hitherto Unknown Regions. Longmans and Co.,
London 1876, i + 202 síður. I bókarauka er Vatnajökli lýst og fjallað um
eldfjöll á Islandi. Tvö kort og tvær myndir, á annarri sjáum við menn
draga tvo sleða yfir jökulinn. Islensk þýðing Jóns Eyþórssonar: Norður
yfir Vatnajökul. Bókfellsútgáfan, Reykjavík 1962. Fróðlegur fimmtán
síðna inngangur fylgir þýðingunni, einnig eru prentaðar í bókinni teikn-
ingar og ljósmyndir úr bókum annarra Breta sem lögð leið til Islands á
árunum 1860 til 1880. Jón vekur athygli á því að fyrstu fimm leið-
angrarnir yfir Vatnajökul, á árunum 1875 til 1903, voru undir forystu út-
lendinga og að í hópi Watts voru fimm Islendingar. Þeir eru nafngreindir
í innganginum. William Lord Watts (1851-1877) var landkönnuður og
fjallgöngugarpur með próf í jarðfræði. Hann flutti fyrirlestur um Vatna-
jökul á vegum The Royal Geographical Society en þar lét hann meðal
annars í ljós áhyggur sínar yfir því að jökullinn skriði svo hratt til norð-
urs að til óheilla horfði. Sjá Proceedings of the Royal Geographical Soci-
ety XX/1 (31. desember 1875),-s. 21-32. Hann var einnig höfundur Snio-
lond: or Iceland, its Jokulls and Fjalls. Longmans and Co., London 1875.
Charles G. Warnford Lock. Home of the Eddas. Sampson, Low,
Marston, Searle, and Rivington, London 1879, xi + 348 síður. Bókarauki
A, „Explanation of Icelandic Words and Names Occurring in the Journal",
er orðalisti með 137 íslenskum orðum sem flest eru örnefni. Þeim fylgja
gagnorðar útskýringar á uppruna og framburði. Bókarauki B, „What the
Tourist Wants to Know“, geymir „hafsjó upplýsinga" fyrir verðandi
ferðamenn. I bókinni er ennfremur grein um Sprengisand, „Across the
Burning Sand in 1876“ eftir Dr. C.L.N. Foster. íslandskort The Royal
Geographical Society, sem byggt var á rannsóknum Watts, er prentað á
opnuauka. Leið Locks er merkt inná kortið með rauðu. Engar myndir.
Anthony Trollope. How the ‘Mastiffs’ Went to Iceland. Virtue and
Company, London 1878, 48 síður. Með sextán myndum eftir eftir Mrs.
Hugh Blackburn, en hún skrifaði einnig um ferðina. Grein hennar birtist
í Good Words 20 (1879), s. 429-32, 480-86, 559-65, 622-28. Teikningar
hennar eru skoplegar á köflum og þannig í fullu samræmi við hnyttinn