Skírnir - 01.04.1993, Side 291

285
FREGNIR AF BÓKUM
SKÍRNIR
leitni hans við að tjá og túlka sérleik innlendrar menningar og táp ís-
lensks mannlífs fyrr og síðar.
Halldór hefur ævinlega myndast vel, enda frábærlega fjörlegur í til-
burðum og öllu hátterni. Þær eigindir ríma vel við stílsnilldina og gera
bókina einkar eigulega þráttfyrir minniháttar hnökra sem vel hefði mátt
sneiða hjá með vandaðri prófarkalestri. I yfirlitstexta á bls. 58 segir um
árið 1929: „Tuttugu og fimm ár eru þar til lýðveldi verður stofnað á
Þingvöllum." Þarna virðist vera ríflega reiknað. Á bls. 145 segir að Sag-
an af brauðinu dýra hafi komið út „í Sviss árið 1970-72“. Hvaða ár var
það? I heimildaskrá neðst á bls. 219 og efst á bls. 220 er getið um verk
Peters Hallbergs, Halldór Laxness (1975) og Hús skáldsins I-II (1970-
1971) og síðan eru talin upp undir nafni Hallbergs ýmis verk Halldórs á
árunum 1932-1992. Þar hefur eitthvað skolast til.
Að frátöldum þessum þarflausu hnökrum er bókin glæsilega úr garði
gerð, hönnun snyrtileg og prentun vönduð. Á hinn bóginn sakna ég
þess að hvergi er getið þeirra mörgu bóka sem út hafa komið síðasta ára-
tuginn hérlendis um skáldskap og áhrif Halldórs Laxness og eru til
marks um endurnýjað vægi nóbelsskáldsins í menningarumræðunni.
SigurðurA- Magnússon
Stefán Hörður Grímsson: Geahnter Fliigelschlag. Ausgewáhlte Gedichte;
zusammengestellt aus dem Islándischen von Franz Gíslason und Wolf-
gang Schiffer; Kleinheinrich Verlag, Munster 1992. 131 bls.
Ich hörte die Farbe blau. Poesie aus Island. Herausgegeben von Gregor
Laschen & Wolfgang Schiffer. edition die horen 1992. 192 bls.
Ekki eru ýkjamörg ár síðan nánast þótti vonlaust að gefa út norrænar
bókmenntir í Þýskalandi vegna misnotkunar nasista á hinum norræna
arfi, og átti Island þar erfiðast uppdráttar. Þegar ég bjó í Vestur-Berlín á
árunum 1979-80 var leitun að íslenskum bókum í þýskum þýðingum, og
vakti raunar talsverða athygli í borginni þegar efnt var til íslensk-fær-
eyskrar bókmenntakynningar sumarið 1980, að Islendingar og Færey-
ingar ættu sér eigin tungur og bókmenntir. Sex árum síðar tók ég þátt í
vikulangri norrænni bókmenntakynningu í Hamborg, og var í tengslum
við hana gefin út bókaskrá yfir þýdd verk af Norðurlandamálum. Hún
einskorðaðist að vísu við Sambandslýðveldið og var gloppótt, en af ís-
lenskum nútímabókmenntum var þar einungis getið Aðventu eftir
Gunnar Gunnarsson, átta skáldsagna eftir Halldór Laxness og skáldsög-
unnar Undir kalstjörnu eftir undirritaðan. Reyndar sá ég að ýmsar þýð-
ingar á íslenskum verkum vantaði í skrána.