Tímarit hjúkrunarfræðinga - 01.09.2009, Blaðsíða 14
Tímarit hjúkrunarfræ›inga – 4. tbl. 85. árg. 200910
Vísindasjóður Félags íslenskra hjúkrunar-
fræðinga var stofnaður í janúar 1994.
Vinnuveitendur hjúkrunarfræðinga,
sem starfa samkvæmt kjarasamningi
félagsins, greiða árlega í sjóðinn sem
nemur 1,5% af föstum dagvinnulaunum
hjúkrunarfræðinga. Aðild að sjóðnum
eiga því allir þeir hjúkrunarfræðingar sem
eru félagsmenn í FÍH og voru starfandi
samkvæmt kjarasamningi félagsins fyrir 31.
desember árið fyrir úthlutun úr sjóðnum.
Vísindasjóði er ætlað að styrkja endur-
og símenntun hjúkrunarfræðinga
og stuðla að aukinni fræðimennsku í
hjúkrun með því að styrkja rannsóknir
og fræðaskrif þeirra. Þegar samið var
um Vísindasjóð ákvað þáverandi stjórn
FÍH að skipta sjóðnum í tvennt, A- og
B-hluta. A-hluti sjóðsins styrkir endur-
og símenntun sjóðsfélaga og er hann
greiddur, í einni greiðslu, beint til þeirra
á fyrsta ársfjórðungi ár hvert. B-hluti
er samkeppnissjóður, ætlaður til að
styrkja rannsóknir hjúkrunarfræðinga og
fræðiskrif. Til B-hluta renna nú 3% af
tekjum Vísindasjóðsins.
B-hluti Vísindasjóðs hefur styrkt fjölmarga
hjúkrunarfræðinga í rannsóknum og
fræði skrifum. Á þann hátt hefur sjóðurinn
stuðlað að aukinni þekkingu og fram-
þróun í hjúkrun. Samkvæmt reglum
sjóðsins er sérstök áhersla lögð á að
styrkja klínískar rannsóknir í hjúkrun og
rannsóknir meistara- og doktorsnema
þar sem aukin menntun stéttarinnar efli
fagleg vinnubrögð.
Styrkumsóknum og úthlutunum hefur
fjölgað jafnt og þétt frá stofnun sjóðsins
MIKILVÆGUR SJÓÐUR FYRIR FAGLEGA ÞRÓUN
Aðalbjörg Finnbogadóttir og Auðna Ágústsdóttir, adalbjorg@hjukrun.is
Í kjarasamningum 1994 var stofnaður vísindasjóður hjá mörgum félögum
háskólamenntaðra fagstétta. Í kjarasamningum 2008 afsöluðu öll aðildarfélög
BHM sér vísindasjóðnum nema FÍH og fengu þau í staðinn óverulega hækkun á
launatöflu. Félag íslenskra hjúkrunarfræðinga telur sinn vísindasjóð vera mikilvægan
fyrir faglegt starf og hefur ekki í hyggju að láta hann af hendi fyrir slík býti.
Nokkrir styrkþegar frá úthlutuninni 2006.
(sjá töflu 1). Síðustu ár hafa árlega verið
veittir milli 20 og 30 rannsóknarstyrkir til
hjúkrunarfræðinga úr B-hluta sjóðsins.
Ferli umsókna
Umsóknarfrestur um styrk úr B-hluta
Vísindasjóðs er til 15. mars ár hvert og er
styrkjunum úthlutað í kringum 12. maí. Til
að tryggja að peningunum sé vel varið lítur
stjórn sjóðsins til þess að rannsókn, sem
styrkja á, verði örugglega framkvæmd og
henni lokið. Því þurfa styrkumsækjendur
að hafa öll tilskilin leyfi fyrir rannsókninni
þegar þeir sækja um styrk í sjóðinn og
rannsóknin þarf að vera komin af stað.
Hjúkrunarfræðingar, sem fá synjun vegna
þess að þeir uppfylla ekki annað eða
bæði ofangreind skilyrði, geta sótt um
aftur að ári jafnvel þó rannsókn þeirra sé
þá lokið. Algengustu styrkveitingarnar eru
vegna rannsókna í meistaranámi enda
hefur þeim hjúkrunarfræðingum, sem
fara í meistaranám, fjölgað ört. Styrkir til
rannsókna vegna meistaranáms er ákveðin
föst upphæð sem tekur mið af umfangi
verkefnis og fjármagni í sjóðnum ár hvert.
Í ár voru umsóknir í sjóðinn 40 talsins.
Veittir voru 24 styrkir og var heildarupphæð
styrkja um níu og hálf milljón króna.
B-hluti Vísindasjóðs styrkir
• Laun: Laun til rannsakanda taki
hann sér launalaust leyfi á meðan á
rannsóknar vinnu stendur. Almennan
launakostnað aðstoðar fólks. Hámarks-
laun, sem sjóður inn viðurkennir, eru
hin sömu og hjá Rannís (sjá www.
rannis.is).