Tímarit hjúkrunarfræðinga - 01.09.2009, Blaðsíða 15
Tímarit hjúkrunarfræ›inga – 4. tbl. 85. árg. 2009 11
• Efniskostnað: Kostnað við kaup á efni, prentun spurningalista,
sendingarkostnað. Efni getur verið ýmiss konar, til dæmis
sáraumbúðir.
• Tækjakaup: Tæki sem þarf að kaupa vegna rannsóknarinnar svo sem
öndunarmælir og blóðþrýstimælir. Sjóðurinn styrkir ekki tæki sem
teljast til eðlilegs skrifstofubúnaðar, svo sem tölvur og prentara.
• Aðkeypta þjónustu: Greiðsla til dæmis til ritara, fyrir tölfræðiþjónustu
eða kennslu.
• Annan kostnað: Annar kostnaður sem til fellur, svo sem ferðir,
veitingar og þess háttar.
B-hluti Vísindasjóðs styrkir ekki
• Klínísk þróunar- og gæðaverkefni.
• Kostnað vegna kynningar á niðurstöðum: Ráðstefnugjöld, fargjöld á
ráðstefnur, gerð veggspjalda.
• Laun meistara- eða doktorsnemanda í umsókn leiðbeinanda ef
viðkomandi nemandi sækir einnig um laun í sinni umsókn fyrir sömu
rannsókn/verkefni.
Helstu ástæður synjunar
• Nauðsynleg leyfi fyrir rannsókn liggja ekki fyrir.
• Ófullnægjandi umsókn.
• Bókarskrif sem ekki eru fræðiskrif.
• Rannsóknin telst vera þróunar- eða gæða verkefni en ekki
vísindarannsókn.
• Gildi rannsóknar fyrir hjúkrun er lítið.
• Vísindalegt nýnæmi er lítið.
Skipuð hefur verið ný stjórn Vísindasjóðs Félags íslenskra
hjúkrunarfræðinga. Í stjórninni sitja dr. Auðna Ágústsdóttir formaður,
Aðalbjörg J. Finnbogadóttir, sviðstjóri fagsviðs FÍH, Ragnheiður
Gunnarsdóttir, gjaldkeri stjórnar FÍH, og Guðbjörg Guðmundsdóttir,
sérfræðingur í hjúkrun á LSH.
Aðalbjörg J. Finnbogadóttir er sviðstjóri fagsviðs FÍH og Auðna
Ágústsdóttir er formaður stjórnar vísindasjóðs.
Tafla 1. Yfirlit yfir fjölda úthlutaðra styrkja og heildarupphæð hvert ár.
Ár Fjöldi styrkja Upphæð
1997 14 2.970.000
1998 12 2.865.000
1999 7 1.570.000
2000 15 2.950.000
2001 16 4.550.000
2002 17 4.667.000
2003 21 6.112.804
2004 23 7.460.000
2005 22 8.500.000
2006 29 10.085.000
2007 22 9.983.000
2008 23 9.966.000
2009 24 9.495.000
Fr
ét
ta
pu
nk
tu
r
Forsala bókarinnar
Saga hjúkrunar
á Íslandi á 20 öld
18. nóvember 2009 verða 90 ár liðin frá
því að hjúkrunarkonur stofnuðu fyrsta
félag sitt hér á landi, Félag íslenskra
hjúkrunarkvenna. Þeim tímamótum
verður fagnað með ýmsum hætti í ár
og efnt til sérstakrar afmælishátíðar í
tengslum við ráðstefnu Félags íslenskra
hjúkrunarfræðinga sem haldin verður í
nóvember næstkomandi.
Einn stærsti liður afmælisársins verður
útkoma bókar um sögu hjúkrunar
hér á landi á síðustu öld. Margrét
Guðmundsdóttir sagnfræðingur hefur
unnið að sögurituninni undanfarin ár
og mun ljúka því verki í haust. Bókin,
sem verður um mjög umfangsmikil,
verður einstök heimild um þróun
hjúkrunar hér á landi. Hún mun fjalla
um sögu, menntunarmál og félagsstörf
hjúkrunarfræðinga auk þess að bregða
upp áhugaverðum og persónulegum
myndum af lífi hjúkrunarfræðinga og
hjúkrunarfræðinema fyrr á tímum.
Hjúkrunarfræðingum og öðrum lesendum
gefst tækifæri til að festa sér bókina
í forsölu og fá um leið nafn sitt ritað
í heillaóskaskrá bókarinnar, Tabula
gratulatoria. Þeir sem kaupa bókina í
forsölu fyrir 1. október næstkomandi fá
25% afslátt af bókarverðinu og greiða
því aðeins 4.500 kr. fyrir þessa einstöku
bók. Verð miðast við að bókin sé sótt
á skrifstofu FÍH. Hægt er að skrá sig á
vef félagsins, www.hjukrun.is eða hafa
samband við skrifstofu félagsins.