Tölvumál - 01.02.2008, Page 6

Þróun
upplýsingatækninnar
Fengnir voru þrír sérfræðingar á mismunandi sviðum innan upplýsingatækninnar til að svara
tveimur spurningum um þróun hennar ásamt því að meta helstu ógnanir sem hafa hamlandi
áhrif á vöxt upplýsingatækninnar á Íslandi.
Hvernig sérð þú framtíð upplýsingatækninnar fyrir þér á Íslandi?
Það má líta á upplýsingatæknina á Íslandi á tvo vegu, annarsvegar sem hluta af þeirri þjónustu
sem upplýsingatækniþjóðfélagið bíður upp á, allri atvinnu­og þjónustustarfssemi ásamt daglegu
lífi okkar Íslendinga sem er í dag meira og minna tengd upplýsingatækninni á einn eða annan
hátt. Hinsvegar eru það framtíðarsóknarfærin erlendis fyrir íslensk upplýsingatæknifyrirtæki
sem hafa og eru að hasla sér þar völl en dæmi um það eru m.a. CCP og Marel svo fátt eitt sé
nefnt. Hvort sem um er að ræða upplýsingatækni hérlendis eða erlendis þá er notkun hennar að
aukast og stefnir eingöngu í þá átt að verða stærri og stærri hluti af daglegu lífi okkar.

Hverjar telur þú vera helstu ógnanirnar í þróun upplýsingatækniiðnaðarins
á Íslandi?
Stærsta ógnunin í upplýsingatækni á Íslandi er skortur á starfsfólki. Það er einfaldlega of lítið
framboð af fólki miðað við þau verkefni sem eru til staðar og einnig þau sem framundan eru og
því er hætt við að það hamli vexti greinarinnar nema að til komi aðstoð erlendis frá.
á Íslandi
Hvernig sérð þú framtíð upplýsingatækninnar fyrir þér á Íslandi?
Upplýsingatækni verður ein af helstu útflutningsvörum okkar í framtíðinni, fyrirtæki verða
þar af leiðandi ekki bundin ákveðinni staðsetningu og launþegar fá frjálsara val á búsetu
þar sem UT er alþjóðlegt umhverfi og tækifæri Íslands í að skapa okkur betri lífsgæði.

Hverjar telur þú vera helstu ógnanirnar í þróun upplýsingatækni­
iðnaðarins á Íslandi?
Helstu ógnanir UT­iðnaðarins í dag eru skortur á fagmenntuðu fólki hér á landi, stöðl­
uð ímynd á UT hjá fólki, of lítið fjármagn til UT­menntunar í grunnskólum lands­
ins, og háskólanámið er ekki í takt við þarfir atvinnulífsins, þá sérstaklega tölvunar­
fræðimenntunin.
Frosti Bergsson
Stjórnarformaður, Opin Kerfi ehf
Sigrún Þöll Þorsteinsdóttir
Tölvunarfræðingur BSc, Kögun ehf
6 | T Ö L V U M Á L
Viðtöl: Elín Gränz