Tölvumál - 01.02.2008, Síða 14

1 4 | T Ö L V U M Á L
Upplýsingatækni er orðinn hluti af daglegu
lífi margra Vesturlandabúa í dag. Vegna örrar
þróunar á upplýsinga- og þekkingarsamfélagi
eru auknar kröfur um að allir geti unnið
með tæknina. Það að geta aflað og unnið úr
upplýsingum er orðin mikilvæg leikni til að
ná árangri í mörgum störfum og góð færni í
upplýsingatækni er jafnvel orðin nauðsynleg
til að taka virkan þátt í samfélaginu. Þessi
þróun hefur haft áhrif á menntakerfið, stefnu-
mótun, stjórnun, námskrá og daglegt starf
nemenda og kennara. Í dag þykir eðlilegt
að nýta upplýsingatækni í skólastarfi s.s.
við daglegan rekstur skóla, við undirbúning
kennslu, við kennslu og ekki síst við nám
nemenda. Upplýsingatæknin býður upp á
marg víslega möguleika við skráningu gagna,
vinnslu þeirra og framsetningu sem getur
nýst vel við nám og kennslu.
Ásrún Matthíasdóttir
lektor við Háskólanum í Reykjavík
Stefna stjórnvalda
Mikilvægt er að yfirvöld móti stefnu á hverjum tíma um upplýsingtækni í
þágu menntunar en ekki síður að þeirri stefnu sé fylgt eftir og þannig stutt
við framþróun á þessu sviði. Hér á landi má m.a. lesa um stefnu stjórnvalda í
eftirtöldum bæklingum sem hafa verið gefnir út af menntamálaráðuneytinu:
Í krafti upplýsinga (Tillögur menntamálaráðuneytisins um menntun, menn­
ingu og upplýsingatækni 1996­1999), Forskot til framtíðar (Verkefnaáætlun
menntamálaráðuneytisins í rafrænni menntun 2001­2003) og Áræði með
ábyrgð (Stefna menntamálaráðuneytis um upplýsingatækni í menntun,
menningu og vísindum 2005­2008).

Í stuttu máli má segja að stefna stjórnvalda hafi falist í því að nýta
upplýsingatæknina markvisst í skólastarfi, auka framboð á stafrænu
náms efni, efla símenntun kennara, setja viðmið og staðla svo eitthvað
sé nefnt. Ýmis verkefni hafa verið sett á fót undanfarinn áratug til að
fylgja stefnunni eftir s.s. UT­ ráðstefnur sem haldnar voru árlega frá
1999­2006, þróunarverkefni um framþróun upplýsingatækni í kennslu,
námi og skólastarfi sem stóð yfir frá 1999 – 2002 með þátttöku þriggja
grunnskóla og þriggja framhaldsskóla, styrkir til endurmenntunar kenn­
ara í upplýsingatækni, margvísleg þróunarverkefni í skólum s.s. um
dreif mennt, sem og styrkir til stafrænar námsefnisgerðar. Hér má einnig
nefna gagnaflutninganet, FS­net (sjá www.fsnet.is), sem tengir saman
alla framhaldskóla og símenntunarstöðvar á landinu. Flestir skólar
hafa byggt upp tölvuaðstöðu og þráðlaust net er algengt, sérstaklega í
framhaldsskólum. Fjölbrautaskóli Snæfellinga tók til starfa á þessu tímabili
og þar hefur frá upphafi verið unnið útfrá hugmyndum um dreifnám og
nýtingu upplýsingatækni í skólastarfi. Annað dæmi er Menntaskólinn
í Kópavogi sem byggir sitt starf á að nemendur séu með eigin fartölvur
og í Menntaskóla Borgarfjarðar fá nemendur fartölvur að láni til afnota í
skólanum og heima. Þá eru tölvur nýttar á margvíslegan hátt í grunnskólum
og flestir leikskólar hafa eina eða fleiri tölvur til afnota fyrir nemendur.

Á þessu tímabili hefur fjarnám einnig vaxið hröðum skrefum sem sést best
á því að árið 1996 voru 610 nemendur skráðir í fjarnám í framhaldsskólum
og háskólum landsins skv. Hagstofu Íslands, en árið 2006 var fjöldinn
kominn í 5.980 nemendur. Þessi aukning er í raun bylting og sýnir að
Upplýsingatækni
í skólakerfinu