Tölvumál - 01.02.2008, Qupperneq 30

3 0 | T Ö L V U M Á L
Margt hefur áunnist á þessum 10 árum. Ísland vermir oft eitt af efstu
sætunum í alþjóðlegum könnunum sem mæla þætti eins og tölvueign eða
notkun á tölvum og Interneti og eru landsmenn farnir að taka því sem
sjálfsögðum hlut. Þessi staða er fagnaðarefni en það er ekki sjálfgefið að
við höldum henni um aldur og ævi.
Reyndar sýna ekki allar kannanir góðan árangur því kannanir sem mæla
framboð á ýmiss konar rafrænni þjónustu sýna að þar stöndum við langt
að baki flestum Evrópuþjóðum. Á þeim vettvangi eigum við mikið verk fyrir
höndum.
Það er full ástæða til að benda bæði á styrkleika og veikleika Íslendinga
og vekja menn til umhugsunar um að engin þjóð getur haldið góðri stöðu
hvorki á þessu sviði né öðrum án þess að hafa fyrir því. Íslendingar þurfa
því að standa vel að verki, ekki hvað síst á sviði rafrænnar stjórnsýslu,
ef vilji og metnaður er til að vera í hópi fremstu þjóða ­ sveltur sitjandi
kráka en fljúgandi fær. Í nýrri stefnu um upplýsingasamfélagið þarf að nýta
styrkleikana og finna leiðir til að bæta stöðuna þar sem við erum eftirbátar
annarra þjóða.
Fljúgandi fær
Haustið 2007 voru 10 ár síðan málefni upplýsingasamfélagsins urðu að formlegu viðfangsefni
stjórnsýslunnar og hafist var handa við að innleiða fyrstu stefnu ríkisstjórnar Íslands um
upplýsingasamfélagið. Þegar fyrsta stefnan hafði runnið sitt skeið á enda var mótuð önnur
stefna sem gilti fyrir árin 2004-2007 og nú er hafin vinna við mótun þriðju stefnunnar sem
innleidd verður á árunum 2008-2011.
Hvar erum við best?
Guðbjörg Sigurðardóttir
skrifstofustjóri á skrifstofu upplýsinga-
samfélagsins í forsætisráðuneyti
Upplýsingasamfélagið 2006*
*Hagtíðindi: Ísland í evrópsku upplýsingasamfélagi 2006, 2007:1)
• Hæst hlutfall nettengdra heimila í Evrópu er á Íslandi eða 83%.
• Notkun á Interneti í löndum Evrópu er algengust meðal Íslendinga
eða 88%.
• Ísland er í hópi þeirra landa í Evrópu þar sem hlutfall þeirra sem
kunna lítið eða ekkert á tölvur er lægst.
• Hlutfall einstaklinga sem nota Internet til samskipta við opinbera
aðila er hæst hér á landi af Evrópulöndunum eða 61%.
• Notkun hraðvirkra Internettenginga hjá fyrirtækjum í Evrópu er al­
gengust meðal íslenskra fyrirtækja eða 96%.
• Í Evrópu er algengast að fyrirtæki á Íslandi og í Finnlandi hafi
átt í samskiptum við opinbera aðila um Internetið eða 93­95%
fyrirtækja.
• Árið 2005 voru íslensk fyrirtæki fyrir ofan meðaltal Evrópuríkja í
kaup um og sölu á vörum og þjónustu á Interneti.