Tölvumál - 01.02.2008, Qupperneq 78

7 8 | T Ö L V U M Á L
6. september
Undanfarið hafa verið miklar deilur í þjóðfélaginu um öran vöxt áliðnaðarins
hér á landi og telja margir að hægt sé að nýta íslenska orku til annarra nota
en til þess að vinna ál. Æ oftar er rætt um svokölluð netþjónabú í þessu
samhengi og Skýrslutæknifélagið hélt því ráðstefnu á Grand Hótel þar sem
spurt var hvort netþjónabú gæti verið valkostur við álver.

13. september
Þróun viðskipta í Evrópu byggir mjög á upplýsinga­ og fjarskiptatækni
og útfærslu á rafrænum lausnum í viðskiptum á milli aðila. Þörfin fyrir
hnökralaus samskipti milli aðila og milli ríkja er mjög aðkallandi, meðal
annars vegna samkeppnissjónarmiða. Á fjölþjóðlegri ráðstefnu ETeb og Ský
á Loftleiðum fjölluðu bæði innlendir og erlendir aðilar um stöðu rafrænna
viðskipta. Ráðstefnan var haldin á ensku.
20. september
Öldungadeildin hélt félagsfund í fundarherbergi skrifstofu Skýrslutækni­
félagsins þar sem aðalefni fundarins var ný yfirstaðin ráðstefna um sögu
upplýsingatækninnar HINC2, sem haldin var í Finnlandi, en þrír félagar
öldungadeildar Ský sóttu þá ráðstefnu. Öldungadeildin hefur áætlanir um
að halda slíka ráðstefnu hér á landi árið 2009.

2. október
Á ráðstefnu Skýrslutæknifélagsins á Nordica um útflutning og útrás
íslenskra UT­fyrirtækja og verðmætasköpun á Íslandi var spurningunni
um gildi íslenskrar upplýsingatækni á erlendum mörkuðum kastað fram.
Forsætisráðherra setti ráðstefnuna en mörgum lék forvitni á að vita
raunverulega stefnu ríkisstjórnarinnar varðandi vöxt íslenskrar upp­
lýsingatækni. Reynt var að svara spurningum eins og: Er íslensk upp­
lýsinga tækni markaðsvara erlendis? Hvernig getur íslenskur UT­iðnaður
best vaxið? Liggja tækifærin í útflutningi og útrás á Internetinu?
10. október
Stofnfundur faghóps um öryggismál í upplýsingatækni var haldinn á Grand
hótel í kjölfar hádegisfundar sem bar heitið: Heimur hakkara. Öryggi í
upplýsingatækni skiptir æ meira máli. Sá tími er löngu liðinn að eldveggir
og veiruvarnir ein og sér sé nægjanlegt til verndar. Tæknin er orðin
margbrotnari og að sama skapi þær leiðir sem tölvuþrjótar nýta sér en eitt
af aðalmarkmiðum faghópsins er að stuðla að bættu öryggi og öryggisvitund
í fjarskipta­ og upplýsingatækni.
11. október
Fókus, félag um upplýsingatækni í heilbrigðisþjónustu, stóð fyrir fundi um
orðasöfn fyrir rafrænar sjúkraskrár, notkun þeirra og innleiðingu í tölvukerfi.
Fundurinn var haldinn í Eirbergi og var öllum opinn. Fyrirlesari var Theo
Bosma aðstoðarforstjóri Health Language fyrirtækisins í Bandaríkjunum
sem sérhæfir sig í innleiðingu og tengingu orðasafna og kóðunarkerfa í
klínísk skráningarkerfi til að auka samvirkni þeirra.
30. október
Vefráðstefna Ský fjallaði að þessu sinni um „mobile“ aðferðafræði og
um þær áskoranir sem fylgja því að gera vefi aðgengilega fyrir lófatæki.
Síðan síðast...
Yfirlit yfir fundi og atburði hjá Skýrslutæknifélagi Íslands seinni hluta árs 2007