Tímarit hjúkrunarfræðinga - 01.04.2010, Blaðsíða 16

Tímarit hjúkrunarfræ›inga – 2. tbl. 86. árg. 201012
Gísli hefur fjölbreytta starfsreynslu.
Hann byrjaði á sjónum suður með sjó
en starfaði svo sem slökkviliðs­ og
sjúkraflutningamaður á Akureyri. Eftir útskrift
úr hjúkrunarfræðideild Háskólans á Akureyri
starfaði hann á slysa­ og bráðadeild
Landspítalans, vann svo á sjúkra húsinu á
Siglufirði og var um tíma í Bosníu á vegum
íslensku friðargæslunnar. Eftir heimkomuna
leysti hann af sem deildarstjóri á Landspítala
og var einnig valinn í hóp sem fór til Tælands
eftir flóðbylgjuna miklu.
Á þessum tíma tók hann þátt í upp byggingu
á fyrirtækinu Inpro sem sérhæfði sig í
vinnuvernd og heilsuvernd hjá fyrirtækjum.
Á vegum þess starfaði hann á Reyðarfirði
þar sem hann sá um sjúkraskýli á vegum
Bechtel, verktakafyrirtækisins sem byggði
álver Alcoa. Á meðan hann vann þar rann
Inpro inn í Heilsuverndarstöðina ehf. og
þegar Gísli kom aftur suður kom hann
á laggirnar hjúkrunar­ og læknamóttöku
fyrir ósjúkratryggða. Á þessum tíma
unnu margir útlendingar á Íslandi og
Gísli hafði á Reyðarfirði fengið mikla
reynslu af því að sinna útlendingum. Í
kjölfar efnahagshrunsins 2008 hætti
Heilsuverndarstöðin ehf. rekstri og leitaði
Gísli því að öðrum starfsvettvangi.
Leist strax vel á starfið
„Ég frétti að starf forvarnarfulltrúa fyrirtækja
hjá VÍS væri laust og hringdi í einn stjórn­
anda VÍS. Mér leist mjög vel á hugmyndir
þeirra að nýrri forvarnarstefnu sem svo var
byrjað að vinna eftir í lok 2008. Ég tók hins
vegar ekki starfið fyrr en ég var sannfærður
um að æðstu stjórnendur ætluðu að standa
að baki þessari viðhorfsbreytingu meðal
starfsmanna með nýrri forvarnarstefnu
félagsins.“ Eitt af því sem Gísli hefur lært
í meistaranáminu „Stjórnun heilbrigðis­
þjónustu og lýðheilsu“ (MPH­Ex), sem
Christer Magnusson, christer@hjukrun.is
„VIÐ ERUM ÖLL FORVARNARFULLTRÚAR“
Viðtal við Gísla Níls Einarsson hjá VÍS
Menntun hjúkrunarfræðinga nýtist á mörgum stöðum. Fáum dettur þó í hug að
leita hjúkrunarfræðings í tryggingafélagi. Gísli Níls Einarsson hefur hins vegar unnið
hjá VÍS síðan í október 2008 og tímabært að athuga hvað hann er að gera þar.
hann stundar í Háskólanum í Reykjavík,
er að það þýðir ekki að reyna að breyta
vinnuaðferðum eða hugsunarhætti í
heilu fyrirtæki nema æðstu stjórnendur
taki virkan þátt í þeim breytingum. „Áður
voru tveir forvarnarfulltrúar hjá VÍS –
fulltrúi fyrirtækja, sem er ég, og fulltrúi
einstaklingsviðskipta. Sú viðhorfsbreyting,
sem nú hefur orðið hjá VÍS, er að nú eru
allir starfsmenn VÍS forvarnarfulltrúar. Meira
að segja forstjórinn,“ segir Gísli.
Í starfi sínu á Reyðarfirði kynntist Gísli
öryggisviðhorfum og öryggiskröfum
Bechtels en þær eru taldar á
heimsmælikvarða og boðuðu algjörlega
nýja hugsun fyrir Íslendingum sem þar
störfuðu. „Það er þessi hugsunarháttur
sem við erum að koma á hjá VÍS. Áður
þegar sölumaður ræddi við viðskipavin var
talað um hvað stóð til að tryggja og svo
farið yfir iðgjöldin. „Nú á að byrja á að tala
um forvarnir og öryggisatriði. Ef til dæmis
forstjóri okkar fer í fyrirtækjaheimsókn
byrjar hann strax á bílastæðinu að skoða
umhverfið, hvort þar leynist einhver bruna­
eða slysahætta. Á leiðinni inn í fundar­
sal tekur hann eftir hvort til staðar eru
slökkvitæki, hvort brunahurðir eru lokaðar
og svo framvegis. Svo eru forvarnir það
fyrsta sem hann fer að tala um á fundinum,“
segir Gísli.
Gildi VÍS eru frumkvæði, áreiðanleiki og
umhyggja og á þjónusta félagsins að
snúast um þessa þætti. Gísli segir gildið
umhyggju hafa sérstaklega mikla þýðingu
fyrir sig. „Ég fór í hjúkrun vegna þess að
ég vildi sýna umhyggju. Forvarnir eiga að
vera birtingarmynd umhyggju okkar fyrir
viðskiptavininum.“
Í VÍS er hugsað um forvarnir á sama hátt
og í heilbrigðisgeiranum. Gísli segir að í
raun sé vinna hans sambærileg við starfið
á heilsugæslustöð. Forvörnum er skipt í
þrjú stig eftir eðli þeirra. „Fyrsta verkefni
okkar er að veita almenna fræðslu um
forvarnir. Markmið fræðslunnar er að koma
í veg fyrir slys og tjón. Næsta skref er
að huga að sértækum áhættuþáttum í
ákveðnum atvinnugreinum. Það má bera
saman við að huga að einstaklingum þar
sem sykursýki eða hjartasjúkdómar eru
í fjölskyldunni. Þriðja forvarnarskrefið er
að koma í veg fyrir aukinn skaða með
því að aðstoða einstök fyrirtæki þar sem
tjón og slys eru tíð. Á heilsugæslustöðinni
felast þriðja stigs forvarnir til dæmis í að
fylgjast með fólki sem hefur sykursýki eða
hjartasjúkdóm.“
„Allir starfsmenn VÍS eiga að huga að
forvörnum og öryggi í sínum samskiptum
við viðskiptavini og hjálpa þeim að forðast
að lenda í tjóni eða slysum. Þá stuðlum
við einnig að því að fækka slysum og
óhöppum í samfélaginu í heild og stuðla að
öruggari samfélagi,“ segir Gísli. „Við viljum
öll vera forvarnarfulltrúar. Þetta er eins og
á sjúkrahúsi, þar ættu allir starfsmenn að