Tímarit hjúkrunarfræðinga - 01.04.2010, Blaðsíða 51

Tímarit hjúkrunarfræ›inga – 2. tbl. 86. árg. 2010 47
veitt heildræna hjúkrun og sagt frá nokkrum úrræðum sem eru
undirstaða annarra meðferðarforma. Átt er við hvernig hægt er að
styrkja sjálfan sig til að geta miðlað meðferð og beitingu virkrar
hlustunar. Annar hluti fjallar um tíu meðferðarform sem hafa áhrif
á hug, líkama og sál, en þekking á slíkum meðferðarformum
og mikilvægi þeirra er sífellt að aukast. Þar eru fjallað um
sjónsköpun, tónlist, gamansemi, jóga, líftemprun (biofeedback),
hugleiðslu, bæn, frásögu, ritun minninga og meðferð með dýrum.
Orkumeðferðarform eru tekin saman í þriðja hluta. Þar eru
kaflar um ljósameðferð, segulmeðferð, læknandi snertingu, reiki,
þrýstipunktanudd, svæða meðferð og hvernig hægt er að móta
læknandi umhverfi. Í fjórða hluta er fjallað um meðferðarúrræði
þar sem unnið er með líkamann og sagt frá meðferð eins og
nuddi, hreyfingu, tai chi og ýmiss konar slökunarmeðferð. Í
fimmta hluta bókarinnar er sagt frá fjórum tegundum meðferðar
sem eru lífrænar. Þar er átt við ilmolíumeðferð, jurtameðferð,
lífræna fæðu og bætiefni. Höfundar ljúka svo bókinni með þremur
köflum um tengsl þessara meðferðarúrræða við hjúkrunarstarfið,
hvernig hægt er að taka þau upp í menntun hjúkrunarfræðinga
og loks leggja þeir áherslu á mikilvægi þess að rannsaka ýmis
viðbótarmeðferðarúrræði.
Ég mæli sérstaklega með þessari bók og hvet hjúkrunarfræðinga,
sem áhuga hafa á viðbótarmeðferð, til að kynna sér hana
þar sem hún veitir góðar og gagnreyndar upplýsingar um
viðbótarúrræði sem þeir geta nýtt sér til að draga úr verkjum og
kvíða og öðrum einkennum sjúklinga sinna.
Bókin er tileinkuð hjúkrunar fræðingum sem
nota viðbótar meðferð í starfi sínu.
Jeanne Mance var fyrsta hjúkrunarkonan í Norður­Ameríku sem ekki var
nunna. Hún var fædd 1606 og kom til Montreal 1642 til þess að annast
veika í nýlendunni. Hún telst vera einn af stofnendum Montreal og stofnaði
1644 sjúkrahúsið l´Hotel Dieu de Montréal. Jeanne Mance hafði enga
formlega þjálfun í hjúkrun en hafði reynslu af því að annast slasaða og
veika í þrjátíu ára stríðinu. 1657 fór hún til Frakklands og réð þar þrjár
heilbrigðismenntaðar nunnur. Eftir langt og strangt ferðalag gátu þær
tekið til starfa í Montreal 1659. Jeanne Mance lést 1673 eftir erfið veikindi.
Sjúkrahúsið var fyrst opnað 1642 á heimili Jeanne Mance en formlega
stofnað tveimur árum seinna. Það brann og var endurbyggt þrisvar,
fyrsta steinhúsið var byggt 1688. 1861 var sjúkrahúsið flutt á nýjan stað þar
sem það stendur enn. Sjúkrahúsið hefur átt sinn þátt í sögu læknisfræðinnar en
1868 var þar í fyrsta skipti í heiminum tekið nýra úr sjúklingi og 1981 var þar í fyrsta
sinn bjargað sjúklingi með 90% brunasár. Hotel Dieu de Montréal tilheyrir nú Centre
hospitalier de l’Université de Montréal sem er samsteypa þriggja sjúkrahúsa.
Frímerkið á myndinni var gefið út 18. apríl 1973
í tilefni að því að þá voru 300 ár síðan Jeanne
Mance lést. Fyrstadagsumslagið er gjöf frá
kanadíska hjúkrunarfélaginu.
Hjúkrunarfræðingar á frímerkjum
AUGLÝSING 1/4
Fréttapunktur
ÚTFARARSTOFA
KIRKJUGARÐANNA
Vesturhlíð 2 • Fossvogi • Sími 551 1266 • www.utfor.is
REYNSLA • UMHYGGJA • TRAUST
Önnumst alla þætti útfararinnar
Þegar andlát ber að höndum
Arnór L. Pálsson
framkvæmdastjóri
Ísleifur Jónsson
útfararstjóri
Frímann Andrésson
útfararþjónusta
Svafar Magnússon
útfararþjónusta
Hugrún Jónsdóttir
útfararþjónusta
Guðmundur Baldvinsson
útfararþjónusta
Þorsteinn Elísson
útfararþjónusta
Ellert Ingason
útfararþjónusta