Tímarit hjúkrunarfræðinga - 01.04.2010, Blaðsíða 47

Tímarit hjúkrunarfræ›inga – 2. tbl. 86. árg. 2010 43
að gera það allan tímann. Okkur hefur
stundum verið bent á að byrja á einhverju
afmörkuðu sviði, eins og endurhæfingu,
en við höfum ekki viljað gera það.“
Í febrúar 2005 var skýrslan tilbúin. Í
henni var kynnt viðskiptahugmyndin og
einnig gert hagkvæmismat sem kom
vel út. „Við kynntum skýrsluna fyrir
landlækni, heilbrigðisráðuneytinu og
Krabbameinsfélaginu. Við fengum alls
staðar hvatningu til að halda áfram,“ segir
Ingibjörg. Þeim tókst að útvega loforð um
fjármagn hjá nokkrum einkaaðilum og
var vinnan við að koma miðstöðinni á fót
komin á góðan skrið þegar fjármálakerfið
hrundi haustið 2008.
Dýrmætar gjafir á leiðinni
Á meðan skýrslan var í smíðum gerðist
ýmislegt sem hjálpaði til við að skerpa
sýnina og styðja við þeirra hugmyndir.
Þær Herdís og Ingibjörg höfðu áður
kynnst Breast Institute í Nottingham í
Bretlandi og þeim leiðbeiningum sem
Evrópusambandið gerir kröfur um að
hafðar séu til hliðsjónar þegar stofnaðar
eru sérhæfðar brjóstameinsmiðstöðvar.
Einnig gáfu Samtök evrópska
krabbameinsfélaga út reglur um réttindi
krabbameinssjúklinga og leiðbeiningar
voru gefnar út á Norðurlöndunum
um hvernig endurhæfingu fyrir
krabbameinssjúklinga skyldi vera háttað.
Þessar leiðbeiningar og reglur um réttindi
studdu hugmyndafræði Herdísar og
Ingibjargar.
„Þetta var allt hvatning fyrir okkur og
sýndi að þessar hugmyndir væru ekki
órar í okkur,“ segir Ingibjörg. „Það er
alltaf talað um hvað heilbrigðiskerfi okkar
Íslendinga sé framúrskarandi og það
er rétt að mörgu leyti. Við höfum náð
langt í að lækka dánartíðni og halda
einkennum í skefjum en erlendis er farið
að horfa á aðra þætti. Nú eru margir
sem lifa lengi með langvinnan sjúkdóm
og þeir gera aðrar og nýjar kröfur til
heilbrigðiskerfisins.“
Starfsmannastefnan
Í hugmyndum þeirra Herdísar og
Ingibjargar er heildræna þjónustan önnur
grunnstoðin en hin er starfsmannastefna
miðstöðvarinnar. Þetta tvennt vinnur
saman að þeirra mati. Ef farið yrði
út í að stofna brjóstameinsmiðstöð
þyrfti að hugsa vel hvernig hlúð er að
starfsmönnum. Líðan starfsmannanna
endurspeglast í þeirri þjónustu sem þeir
veita. Herdís og Ingibjörg vilja búa til
vinnustað sem veitir starfsmönnum tilgang
og samkennd. Eins þurfa starfsmenn að
hafa skýra sýn á sitt þjónustuhlutverk.
Mikilvægt er að starfsfólk sé samhent og
bæði hæft og tilbúið til að vinna saman
yfir mörkum fagstétta. Rannsóknir hafi
sýnt að samvinna hefur jákvæð áhrif á
umönnun og veitir einnig starfsfólkinu
ánægju. Þá gætu samlegðaráhrif leitt til
þess að kostnaður minnkaði.
Samstarf við starfsfólk
Landlæknisembættisins
Í umræðum við starfsfólk Landlæknis­
embættisins kom upp hugmynd um
að gera rannsókn á Íslandi til þess
að sannreyna hugmyndir Herdísar og
Ingibjargar eða hugsanlega afsanna þær.
Mikill samhljómur virtist vera í erlendum
gögnum en lítið var vitað um viðhorf
íslenskra krabbameinssjúklinga. „Við
veitum þjónustu og þurfum að hlusta
á markhópinn okkar. Hvernig vill fólk
hafa þetta? Sérstaklega á það við um
fjölskylduna. Nú er mikið talað um
fjölskylduhjúkrun, meira en þegar við
fórum af stað. Það var eiginlega mest
í líknandi þjónustu sem fjölskyldan
var höfð með,“ segir Herdís. Í hennar
meistaranámi var hún beðin um að
ígrunda starf sitt og eitt af því sem hún
tók fyrir var aðstandendafræðsla. „Mér
brá þegar ég áttaði mig á því að fræðsla
mín fyrir aðstandendur hafði alltaf miðast
við þarfir hins veika. Ég hugsaði of lítið
Fallegt umhverfi skiptir máli fyrir reynslu þjónustuþega.
Hugmynd Herdísar og Ingibjargar hefur hlotið
nafnið Lífstré.