Tímarit hjúkrunarfræðinga - 01.04.2013, Blaðsíða 30

Tímarit hjúkrunarfræðinga – 2. tbl. 89. árg. 201326
Edda Arndal, earndal@gmail.com
Bókin er samansafn 15 kafla sem ritaðir
eru af 30 hjúkrunarfræðingum frá sex
löndum. Ritstjórar hafa með þessari
bók tekið saman gagnreynda þekkingu í
fjölskylduhjúkrun sem skapast hefur með
rannsóknum og klínískri vinnu á síðustu
25 árum á alþjóðlegum vettvangi. Eiga
þær mikið lof skilið fyrir þetta framlag sitt
til kynningar á faginu meðal íslenskra og
erlendra hjúkrunarfræðinga.
Fjölskyldueiningin er viðfangsefni fjöl­
skyldu hjúkrunar og hlutverk hjúkrunar­
fræðingsins er að hlynna að, upplýsa
og efla heilbrigði þessarar einingar.
Bent er á að nútímasamfélagið krefur
í auknum mæli fjölskyldueininguna um
þátttöku og ábyrgð á heilsu meðlima
sinna og að hjúkrunarfræðingar
beri þarna ákveðna ábyrgð, einkum
vegna miðlægrar stöðu sinnar í
heilbrigðiskerfinu. Hjúkrunarfræðingar
eru hvattir til að sinna þessu hlutverki á
hinum ýmsu þjónustustigum, hvort sem
er í heilsugæslu eða á sjúkrahúsum,
og að beita gagnreyndum aðferðum í
fjölskylduhjúkrun.
Bókinni er skipt í 3 hluta. Í fyrsta hlutanum
eru kynnt meðferðarkerfin í fjölskyldu­
hjúkrun „The Illness Beliefs Model“ og
„Triology Model of Family Systems“
en það er viðbót við hið fyrra. Þessi
kerfi byggjast á sjúkdómshugtakinu,
sjúklingahugtakinu og fjölskylduheilbrigði
og í seinna kerfinu bætist trúarleg vídd
við einstaklings­, fjölskyldu­ og sam­
félagsvíddir. Í öðrum hluta er fjallað um
nokkur rannsóknarverkefni í fjölskyldu­
hjúkrun, svo sem þjónustu við fjölskyldur
barna með athyglisbrest og ofvirkni
og innleiðingu fjölskylduhjúkrunar á
barnaspítala LSH. Í þriðja hluta er meðal
annars kynnt vinna með fjöl skyldum
sjúklinga með sykursýki og lungna­
sjúkdóma og með fjölskyldum barna
með krabbamein. Sakna ég kafla um
fjölskylduhjúkrun á geðdeildum en hún
er gífurlega mikilvægur þáttur af starfi
geðhjúkrunarfræðinga.
Fjölskyldueiningin hefur lengi verið
viðfangsefni hinna ýmsu fræðigreina (svo
sem mannfræði, sálfræði, félagsfræði,
lýð heilsufræði) sem hver skilgreinir fjöl­
skylduna út frá eigin hugmyndaramma.
Fjölskylduhjúkrun er, sem áður sagði,
enn í mótun og fær lesandinn það á
tilfinninguna að fagið sé að stíga sín
fyrstu skref sem sérfræðigrein innan
hjúkrunar. Bók sem þessi er því tímabært
og upplýsandi rit sem leiðir lesandann um
klínískan veru leika hjúkrunarfræðingsins
sem sinnir fjölskyldum á hinum fjölbreyti­
legasta vettvangi.
Þar sem höfundar koma frá ýmsum
löndum og verkefnin frá ýmsum
BÓKARKYNNING
MIKILVÆGT FRAMLAG TIL FJÖLSKYLDUHJÚKRUNAR
Fjölskylduhjúkrun hefur verið að mótast sem fræðigrein síðustu 25 árin. Bókin
Family nursing in action fjallar um tilurð fjölskylduhjúkrunar sem fræðigreinar,
framlag dr. Lorraine M. Wright til fræðanna, ýmsa skóla og námstækifæri í
faginu, rannsóknir og mótun gagnreyndra meðferðarkerfa og gefur innsýn í
klíníska vinnu í fjölskylduhjúkrun. Einnig er velt upp hvar greinin stendur nú sem
fræðigrein, rannsóknir og klínísk vinna gagnrýnd og rætt um hvert stefnir og hver
næstu skref eigi að vera.
Family nursing in action. Höfundar:
Erla Kolbrún Svavarsdóttir og Helga
Jónsdóttir (ritstj.). Útgefandi: University
of Iceland Press (Háskólaútgáfan),
Reykjavík 2011. ISBN: 978-9979-54-
881-2. Bókin er 375 bls.