Tímarit hjúkrunarfræðinga - 01.04.2013, Side 16

Tímarit hjúkrunarfræðinga – 2. tbl. 89. árg. 201312
Starf skólahjúkrunarfræðinga snýst mikið um fræðslu og forvarnir. Það þarf að
spyrna við offitu barna en einnig einnig veita fjölskyldum stuðning ef barnið er
þegar of þungt. Þórdís Rósa Sigurðardóttir gefur hér ráð við því.
ÞEKKING OG ÁHUGI
SKÓLAHJÚKRUNARFRÆÐINGA
SKIPTIR SKÖPUM
Í nútímaþjóðfélagi eru gerðar miklar
kröfur til grunnstoða samfélagsins.
Heilsugæsla og grunnskólar eru tvær
helstu grunnstoðirnar sem snúa að
börnum. Þegar kemur að heilsuvernd
og heilsueflingu verða þessar tvær
grunnstoðir ekki svo létt aðskildar
í mínum huga. Kennarar, starfsfólk
grunnskóla og skólahjúkrunarfræðingar
Þórdís Rósa Sigurðardóttir, heilsulund@akmennt.is
þurfa að standa saman og sinna þeirri
mikilvægu fræðslu sem snýr að heilbrigði
ungmenna. Með því að grunnskólar taki
upp hugmyndafræði um heilsueflandi
grunnskóla næst frábært tækifæri til að
sameina störf þeirra sem vinna innan
veggja skólans. Markmiðið er að auka
heilbrigði og vellíðan bæði nemenda og
starfsfólks og ættu hjúkrunarfræðingar
að kynna sér vel hugmyndafræði heilsu­
eflandi grunnskóla.
Forvarnir og heilsuefling er stór hluti
af starfi hjúkrunarfræðinga heilsugæslu
í grunnskólum og ætti að mínu mati
að vera enn stærri. Fræðslan mótar
hugmyndir og hefur áhrif á lífsstíl
nemenda og fjölskyldna þeirra, með það