Tímarit hjúkrunarfræðinga - 01.04.2013, Blaðsíða 42

Tímarit hjúkrunarfræðinga – 2. tbl. 89. árg. 201338
Það er erfitt hlutskipti að búa við geðröskun. Við fáa aðra sjúkdóma finna
sjúklingar fyrir jafn miklum fordómum og félagslegri útskúfun, hvort sem það
eru þeirra eigin eða samfélagsins.
GEÐÞJÓNUSTA Í SAMFÉLAGINU
Bataferlið er oft flókið, oft með síendur­
teknum sjúkrahúsinnlögnum. Gagn rýnt
hefur verið að einblínt sé á vandamál og
sjúkdómsgreiningar frekar en heildræna
meðferð eða lausnir (Hummelvoll, 2012),
þjónustan sé brotakennd og skortur sé á
þekkingu á aðstæðum og þörfum fólks.
Reynsla sumra sjúklinga er eins og þeir
verði að sjúkdómnum, áherslan sé lögð á
veikleika en ekki lausnir þeirra og bjargráð
og að þar sé um of einblínt á vandamál
Guðbjörg Sveinsdóttir, gudbsvei@landspitali.is
og greiningar (Hummelvoll, 2012). Jafn­
framt telja sumir að eftirmeðferð og
þjálfun við hæfi líði fyrir þetta viðhorf og
að í sumum tilfellum útskrifist sjúklingar
því heim í óviðunandi aðstæður þrátt fyrir
góða lyfjameðferð.
Í kjölfar breytingavinnu á Landspítala
árið 2009 var ákveðið að koma til móts
við kröfur geðsjúkra og ættingja þeirra
um bætta og samhæfðari þjónustu auk
þess að taka tillit til nýjunga í geðheil­
brigðisþjónustu. En breytingar í geðheil­
brigðis þjónustu á alheims vísu gera kröfur
um heildræna bata hvetjandi meðferð og
stuðning við aðstandendur. Ákveðið var
að stofna þver faglegt samfélagsgeðteymi
á geðsviði LSH og hóf það störf 1. mars
2010 að Reynimel 55.
Markmið teymisins er að veita fólki
með alvarlega geðröskun þverfaglega