Tímarit hjúkrunarfræðinga - 01.04.2013, Blaðsíða 51

Tímarit hjúkrunarfræðinga – 2. tbl. 89. árg. 2013 47
sjóðs, vísindasjóð og styrktar­ eða
sjúkra sjóð. FÍH er eitt fárra stéttarfélaga
sem er enn þá með vísindasjóð í sínum
kjara samningum en hann veltir um 140
milljónum kr. árlega. Nánast allar tekjur
hans eru greiddar beint til félagsmanna
og er upphæðin nánast hin sama og
félags maðurinn hefur greitt í félags­
gjöld sl. ár. Sjóðurinn úthlutar einnig
rannsóknar styrkjum til félagsmanna
vegna rannsóknar verkefna, doktors­
og meistara verkefna og í ár eru um 9
milljónir króna til úthlutunar. Orlofssjóður
veltir samtals um 66 milljónum króna
sem skiptast nokkuð jafnt í tekjur vegna
iðgjalda og vegna orlofs kosta. Eignir
sjóðsins nema um 150 milljónum og eru
þá íbúðir og orlofshús talin með. Rætur
sjóðsins má rekja til fjórða áratugar
síðustu aldar og hefur hann byggst upp
smám saman. Starfsmenntunarsjóðurinn
úthlutaði í fyrra um 30 milljónum kr. og er
því mikilvægur hlekkur í endurmenntun
hjúkrunar fræðinga. Um styrktar­ og
sjúkra sjóð má lesa í grein um BHM­
málið hér í tölu blaðinu. Samtals námu
afgreiddir styrkir úr sjóðum FÍH um 320
milljónum króna árið 2012. Allir þessir
sjóðir eru í umsjón starfs manna félagsins
og borga þeir því umsýslugjöld til félag s­
sjóðs sem aftur borgar laun starfs manna.
Í umsjóninni felst að starfsmaður tekur
á móti umsóknum og fylgigögnum og
undirbýr fundi sjóðsstjórnar. Einnig þarf
að greiða út styrki og halda utan um
fjárhag sjóðanna, sinna fjárstýringu og
endurskoða. Þá fer framlagið einnig í
húsnæðisrekstur, kostnað við símakerfi
og tækjarekstur og annað það sem þarf
til að reka skrifstofu. Þá er mikil vinna í
afgreiðslu á vegum orlofssjóðs, vegna
leigu sumarhúsa, afgreiðslu gjafakorta og
þess háttar.
Það er mikilvægt að muna að hver
og einn sjóður í umsjá félagsins hefur
kjara samnings bundið hlutverk og
þiggur framlag launa greiðanda á þeim
forsendum. Þannig er fjár munum hvers og
eins sjóðs haldið alge rlega aðgreindum.
Félaginu er óheimilt að nýta til að mynda
fjármuni orlofs sjóðs til að styrkja félags­
menn í starfs menntun þeirra þar sem það
bryti í bága við kjara samninga.
Stærsti einstaki liðurinn í rekstri félagsins
er launakostnaður en hann nemur
um 50% af heildarútgjöldum. Hjá FÍH
starfa 10 manns og eru stöðugildin 7,9.
Þá stafar hluti kostnaðarins af launa­
greiðslum til stjórnar og nefnda félagsins
auk þess sem greiðslur vegna lífeyris­
skuld bindingar fyrrverandi starfsmanna
félagsins falla hér undir.
FÍH er þekkingarfyrirtæki líkt og önnur
stéttar­ og fagfélög. Í slíkum rekstri
mæðir mest á hæfu starfsfólki, ólíkt til
að mynda í framleiðslufyrirtækjum þar
sem kostnaður liggur að stærstum hluta
í vélum og hráefni. Ef horft er til annarra
félagasamtaka má nefna að í rekstri
BHM fer yfir 70% af kostnaði í laun og
launatengd gjöld.
Lýðræði fæst ekki ókeypis
Í stéttarfélagi vilja menn koma saman
og ræða málin. Stundum þarf að panta
húsnæði og veitingar. Aðalfundurinn
kostar að jafnaði 1,5­2 milljónir kr. en þá
er gert ráð fyrir að um 100 manns skrái
sig með kosningarétt og í hádegismat.
Stjórn félagsins myndi með ánægju
greiða fyrir enn fleiri fulltrúa.
Formannskosningin 2013 kostaði í fyrri
umferð um tvær og hálfa milljón króna. Í
því fólst útsending kjörseðla, framboðs­
fundur, netkerfi til þess að skrá atkvæði
og fleira. Þó tókst að halda kostnaði í
skefjum með því að vinna stóran hluta
af verkefnum innanhúss, til dæmis fór
öll hönnunar­ og umbrotsvinna fram
meðal starfsmanna. Gera má ráð fyrir að
kostnaðurinn vegna formannskjörsins
aukist þó eftir að kjörnefnd ógilti
kosninguna en hún verður endurtekin
í lok apríl. Útsending gagna til
félagsmanna kostar ein og sér um eina
milljón króna.
Skrifstofan
Kostnaður við að reka skrifstofu félagsins
er nálægt fjórðungi af heildarkostnaði
og þá eru laun starfsmanna undanskilin.
Halda þarf húsnæðinu á Suðurlandsbraut
við og borga fasteignagjöld, kaupa
rekstrarvörur og reka skrifstofutæki.
Leiga á tölvukerfi, internettengingu og
vefsíðukerfi kostar 12 milljónir árlega
og lögbundin endurskoðun 2,5 milljónir.
Tölvukerfi félagsins, eins og félagatal,
orlofskerfi, styrktarumsjónarkerfi og
bókhalds kerfi, eru bráðnauðsynleg
til þess að þjóna félagsmönnum vel.
Dagbókin, í huga margra félagsmanna
ein mikil vægasta útgáfa félagsins, kostar
2 milljónir kr.
Tímarit hjúkrunarfræðinga greiðir reyndar
fyrir útsendingu dagbókar en hvert
tölublað kostar um 1,6 milljónir kr. í
fram leiðslu og dreifingu. Tímaritið fær þó
eitthvað af því til baka í auglýsingatekjum.
Fagsvið
Rekstur fagsviðs kostar um 7 milljónir
króna á ári. Starf sviðsins er fjölbreytt
en snýst að mestu um fagmál og
menntunarmál. Sviðið sér um að skipu­
leggja vísindaráðstefnu og hjúkrunarþing
annað hvert ár. Ráðstefnan Hjúkrun
2013 er reyndar yfirleitt sjálfbær og rekin
fyrir þátttökugjöld og auglýsingatekjur.
Sviðið heldur einnig utan um siðamál
og úthlutanir úr vísindasjóði. Talsverð
vinna fer í að taka þátt í að semja
álit og umsagnir þó að formaður
félagsins sé ábyrgur fyrir endanlegri
útgáfu. Nefna má frumvörp til laga,
þingsályktunartillögur og reglugerðir
sem snerta hjúkrunarfræðinga en einnig
stefnuyfirlýsingar um heilbrigðismál. Þá
heldur sviðið utan um námskeiðahald
sem félagið á í samstarfi um, en þó
nokkur námskeið eru haldin árlega
fyrir hjúkrunarfræðinga í húsakynnum
félagsins. Félagið leggur þá til
skráningar kerfi, húsnæði, skipulagningu
og vinnu starfsmanna, reikningagerð,
veitingar og margt fleira, og er þessu
framlagi félagsins ætlað að halda
kostnaði félagsmanna við námskeiðin í
lágmarki. Félagsmenn geta svo nýtt sér
styrki úr starfsmenntunarsjóði til þess
að vega á móti kostnaði við að sækja
námskeið.
Innan Félags íslenskra hjúkrunarfræðinga
eru nú starfræktar 20 fagdeildir.
Fagdeildarstarfið er mikilvægur hluti
af félagsstarfinu og tekur stór hluti
félagsmanna þátt í því. Styrkir til
fagdeilda vegna verkefna þeirra nema
um 4 milljónum króna árlega. Sviðsstjóri
fagsviðs er tengiliður við fagdeildir og
heldur reglulega fundi með formönnum
fagdeilda.