Tímarit hjúkrunarfræðinga - 01.04.2013, Blaðsíða 37

Tímarit hjúkrunarfræðinga – 2. tbl. 89. árg. 2013 33
dæmi mætti nefna um sjúkling mikið veikan af alnæmi en hann
vildi ekki láta sjúkdómsgreininguna koma fram í sjúkraskrá. Hjá
honum var lokað fyrir blóðprufusvör sem sýndu að hann var
með alnæmisveiruna og sjúkdómsgreiningin var ekki skráð.
Árið 2011 greindist skurðlæknir á Landspítala með C­lifrar ­
bólgu. Í Læknablaðinu sama ár er áhugavert viðtal við hann
þar sem hann segir frá því að ekki hafi tekist að greina
uppruna smitsins og að hann hafi ekki orðið fyrir stunguslysi.
Það er vel þekkt erlendis að heilbrigðisstarfsfólk smitist af
C­lifrarbólgu án þess að hægt sé að rekja smitið og var
til dæmis í Tímariti hjúkrunarfræðinga árið 2011 viðtal við
norskan hjúkrunarfræðing sem fékk sjúkdóminn að minnsta
kosti 11 árum áður en hann greindist.
Stunguóhöpp eða líkamsvessamengun eru algeng
á Landspítala og voru 209 slík atvik skráð árið 2012 í
skráningarkerfi spítalans. Þegar það gerist fer fyrirframákveðið
ferli af stað þar sem meðal annars eru teknar blóðprufur.
Í fyrrnefndu viðtali kom fram að þriggja ára blóðprufur frá
Svíþjóð voru til úr íslenska skurðlækninum en þær sýndu
að hann var á þeim tíma ekki með sjúkdóminn. Engar slíkar
blóðprufur voru til á Íslandi og leiðir þetta hugann að eftirliti
með heilsufari starfsmanna á Landspítala.
Heilbrigðisstarfsfólk á rétt á upplýsingum
Öðru hverju spyr heilbrigðisstarfsfólk sig hvort takmörkun
á upplýsingum eða óljós skráning um smitandi sjúkdóma
í sjúkraskrá geti ógnað öryggi þess eða annarra sjúklinga.
Er það verjandi að sjúklingur, sem vitað er að gengur með
lifrarbólgu eða áþekkan sjúkdóm, geti haldið sjúkdómsástandi
sínu leyndu fyrir fagfólki sem er að hjúkra honum og lækna?
7. gr. laga nr. 55/2009 tekur einmitt á þessu en þar
stendur þetta: Sé það talið nauðsynlegt vegna meðferðar
að aðrir heilbrigðisstarfsmenn hafi aðgang að viðkomandi
sjúkraskrárupplýsingum skal upplýsa sjúkling um það og
jafnframt að synjun um að heimila nauðsynlegan aðgang
að sjúkraskránni geti jafngilt því, eftir atvikum, að meðferð
hafi verið hafnað, sbr. lög um réttindi sjúklinga. Þetta þýðir
að ef heilbrigðisstarfsmaður sér að lokað er fyrir ákveðin
rannsóknarsvör í sjúkraskrám getur hann farið fram á að
fá nánari upplýsingar enda geta þær verið mikilvægar fyrir
sjúklinginn og meðferðina sem hann hlýtur.
Snjókornið í Sögu
Vinnuveitendum ber skylda samkvæmt lögum um aðbúnað,
hollustuhætti og öryggi á vinnustöðum nr. 46/1980 að stuðla
að því að starfsmenn séu verndaðir gegn hvers konar
heilsuvá eða heilsutjóni sem stafa kann af vinnu þeirra eða
vinnuskilyrðum. Einnig er rík skylda til að upplýsa um hættur
sem starfsmaður stendur frammi fyrir. Það er því fagnaðarefni
að nú er kominn í sjúkraskrárkerfinu Sögu nýr möguleiki sem
gerir okkur kleift að merkja á skýrari hátt en áður aðvaranir
sem eiga við viðkomandi sjúkling. Hér er átt við snjókornið
svokallaða í sjúkraskránni. Ef einn angi þess er gulmerktur
þýðir það að smitgát sé í gildi.
Árvekni á alltaf við
Heilbrigðisstarfsfólk á alltaf að starfa með grundvallarsmitgát í
huga. Við þurfum öll að bæta árvekni á spítalanum og leggja
áherslu á vinnubrögð sem tryggja sem best öryggi okkar. Slík
aðgát kemur í veg fyrir að smit berist milli manna. Stunguslys
og líkamsvessamengun eru þó svo tíð að mikilvægt er að vita
hvort viðkomandi sjúklingur er með smitandi sjúkdóm skráðan
í sjúkrasögu sinni. Það þýðir þó ekki að við eigum að slaka
á örygginu þegar við erum með sjúklinga sem ekki hafa slíkt
skráð.
Eygló Ingadóttir er formaður hjúkrunarráðs
á Landspítala.
POWERCARE A/S
Sønderhøj 16
DK-8260 Viby J
Tlf.: (+45) 45 540 540
www.powercare.dk
Hjúkrunarfræðingar á skurðdeild
Hjúkrunarfræðingar á lyflækningadeild
Svæfingahjúkrunarfræðingar
Hjúkrunarfræðingar á skilunardeild
Hjúkrunarfræðingar á gjörgæsludeild
Hjúkrunarfræðingar á nýburðardeild
Hjúkrunarfræðingar á blóð- og
krabbameinslækningadeild
Hjúkrunarfræðingar á skurðlækningadeild
Ljósmæður
Við borgum fyrir allt og skipuleggjum
ferð þína og dvöl.
Við erum félagi þinn!
Með jöfnu millibili verðum við með ráðningarviðtöl
í danska sendiráðinu í Reykjavík.
Nánari upplýsingar:
Sími: (+45) 45 540 540
Hægt er að fylla út umsóknar-
eyðublað á heimasíðu okkar:
www.powercare.dk
Leitað er að hjúkrunar-
fræðingum og ljósmæðrum
til Noregs – á mjög
eftirsóknarverðum kjörum