Tímarit hjúkrunarfræðinga - 01.04.2013, Blaðsíða 31

Tímarit hjúkrunarfræðinga – 2. tbl. 89. árg. 2013 27
menningar heimum má segja að upp­
bygging bókar innar spegli á skemmti­
legan hátt nútíma hjúkrun í alþjóða sam­
félaginu og þá þann mikla vanda sem
hjúkrunar fræðingar standa and spænis
varðandi menninga r tengda skil greiningu
á því hvað sé fjölskylda.
Fjölskyldumeðferð sem slík hefur lengi
verið skilgreind sem sjálfstæð fræði grein
og er stunduð af hinum ýmsu fagstéttum
innan geðheilbrigðisgeirans og kennd á
háskólastigi nemendum með þverfaglegan
bakgrunn. Það kemur ágætlega fram
í bókinni að fjölskyldu hjúkrun spannar
breiðara svið en fjölskyldu meðferð sem
slík en hugtökin fjölskyldu hjúkrun, kerfa­
kenningamiðuð fjölskylduhjúkrun og
fjölskyldumeðferð eru notuð í bókinni
til skilgreiningar á mismunandi við­
horfum hjúkrunarfræðingsins til viðfangs­
efnisins. Það er hins vegar svolítið óljóst
hvenær höfundar telja að hjúkrunar­
fræðingar, sem sinna fjölskyldum,
stundi fjölskylduhjúkrun, kerfa kenninga­
miðaða fjölskylduhjúkrun eða fjölskyldu­
meðferð. Það er því þörf á að skoða
betur notkun þessara hugtaka innan
fjölskylduhjúkrunar. Einnig mætti koma
skýrar fram að fjölskylduhjúkrun nýtir
sér gagnreyndar aðferðir fjölskyldu­
meðferðarfræða í greiningu, samskipta­
tækni og meðferðarinngripum.
Lesturinn hefur að öllu jöfnu hvetjandi
áhrif á lesandann til að sinna fjölskyldu­
einingunni betur og fjölskylduhjúkrun
er gerð áhuga verð. Bókin gefur
ágætisyfirlit yfir hin margvíslegu störf
hjúkrunarfræðinga með fjölskyldum.
Rannsóknarniðurstöður eru kynntar
og gagnrýndar. Lesandinn er vakinn
til umhugsunar um eigið starf með
fjölskyldum og kynntar eru leiðir til að
nema fjölskylduhjúkrun. Lesandinn er
vakinn til umhugsunar um það hvort
fjölskyldum sé sinnt eins og skyldi, hvað
þurfi að breytast og hvað reynslan hafi
kennt okkur á þessari stuttu þróunarsögu
fjölskylduhjúkrunar.
Edda Arndal, MA­MFT, er hjúkrunar fræðingur
á göngudeild BUGL og para­ og fjölskyldu­
ráðgjafi (marriage and family therapist) með
eigin stofurekstur.
Formannskosning endurtekin
Kosið var í byrjun mars um nýjan formann Félags íslenskra
hjúkrunarfræðinga en sex félagsmenn voru í framboði. Úrslit urðu
þannig að Ólafur G. Skúlason hlaut flest atkvæði og því kosinn
formaður. Mjótt var á mununum en Ólafur hlaut 565 atkvæði og
Vigdís Hallgrímsdóttir 564 atkvæði.
Þrír frambjóðendur mynduðu næsta hóp en Margrét Guðjónsdóttir
fékk 249 atkvæði, Herdís Gunnarsdóttir 239 og Ragnheiður
Gunnarsdóttir 223. Að lokum hlaut Elín Hanna Jónsdóttir 45
atkvæði.
Vigdís kærði kosninguna til kjörnefndar þar sem hún taldi galla
vera á talningu póstatkvæða. Nokkrum dögum áður hafði stjórnin
að eigin frumkvæði leitað eftir áliti hæstaréttarlögmanns á lög-
mæti formannskosningarinnar af svipuðum ástæðum.
Kjörnefnd tilkynnti 4. apríl sl. að hún hefði ákveðið að ógilda
kosninguna. Kosningin verður því endurtekin í apríl. Til þess að
nýr formaður geti tekið við á aðalfundinum verður honum frestað
og mun fara fram 31. maí nk.