Þjóðmál - 01.03.2010, Síða 58

56 Þjóðmál VOR 2010
þess þyrfti svo mikla gengisfellingu að nær
óhugsandi væri að nokkur ríkisstjórn treysti
sér til þess að framkvæma hana . Ranglát
kjördæmaskipan gerði Sjálfstæðisflokknum
ennfremur erfitt um vik . Það var ekki fyrr
en með kjördæmabreytingunni 1959 og
kúvendingu á stefnu Alþýðuflokksins eftir
strand siglingu vinstri stjórnarinnar 1958
að Ólafur Thors fékk loks tækifæri til að
að tryggja framgang grundvallarstefnumáls
flokks síns, frelsi einstaklingsins til athafna .
Allan sinn stjórnmálaferil og á hverju sem gekk hvikaði Ólafur Thors aldrei
frá þessu grundvallarstefnumiði . „Við Sjálf -
stæðismenn megum ekki gleyma stefnu
okkar, né nokkru sinni láta niður falla
baráttuna fyrir henni,“ sagði hann þegar
Íslendingar reyrðu allt athafnafrelsi í bönd
í sama mund og aðrar þjóðir tóku sem
óðast að höggva á haftaviðjarnar eftir heims-
styrjöldina síðari . En Ólafur var raun sæis-
maður . Hann vildi ekki að Sjálfstæðis flokk-
ur inn væri árum saman utan stjórnar eins
og á fjórða áratugnum . Frekar vildi hann að
flokkurinn léti höftin tímabundið yfir sig
ganga og reyndi að hafa góð áhrif á fram-
kvæmd þeirra . Ekki síst var það honum
kapps mál að gæta þess að fyrirtæki einka-
fram taksins bæru ekki skarðan hlut frá
borði . Í því fólst í rauninni hin svokallaða
„helmingaskipta-regla“ sem í seinni tíð hef-
ur fengið á sig blæ samsæris og spillingar .
Undi r stjórnarforystu Framsóknarflokksins