Þjóðmál - 01.09.2011, Síða 63

Þjóðmál HAUST 2011 61
öflugan straum múslímskra innflytjenda,
getur vakið eyðileggjandi öfl eins og Breivik
hefur minnt okkur á með brjálsemi sinni .
Ég segi þetta ekki af því að ég sé þeirrar
skoðunar að allar skýringar sé finna með því
að skoða fjölmenningarsamfélagið heldur
vegna þess að það skiptir augljóslega máli,“
segir í síðari greininni .
Hún skýrir vanmat sitt á tilfinningum
fólks á þennan hátt:
Það stafar af því að þetta gerðist ekki í
landi okkar og vegna þess að menn eiga
helst að reyna að hugsa skýrt — jafnvel
þegar hörmulegir atburðir gerast . Það
skiptir máli að tilfinningar ráði ekki
öllum viðbrögðum heldur skýri menn
einnig og skilji . Þegar árekstur verður
á milli tilfinningaflóðs og tilraunar
til að beita kaldri rökhyggju ýtir það
auðveldlega undir misskilning og það
hefur einmitt gerst .
Það sé ekki af virðingarleysi gagnvart fórn-
arlömbum Breiviks sem hún reyni að gefa
pólitíska skýringu á glæpnum með því
að nefna til sögunnar hópa með tvö ólík
sjónarhorn á þjóðfélagið, stuðningsmenn
fjölmenningarsamfélagsins og hina borgara-
legu þjóðernissinna . Fyrir henni hafi ekki
vakað gera lítið úr hve hryllilegt verk hafi
verið unnið . Það þurfi í sjálfu sér ekki að
árétta eðli þess hvað eftir annað, því að
hvernig sem á málið sé litið hafi þarna verið
unnið hroðalegt ódæðisverk .

Aðalritstjórinn tekur til máls
Lisbeth Knudsen, aðalritstjóri Berlingske Tidende, tók til varna fyrir blaðið 4 .
ágúst vegna gagnrýni sem það sætti fyrir að
birta greinina eftir Sørine Gotfredsen . Hún
sagði að í greininni birtust alls ekki skoðanir
blaðsins á málinu eins og megi sannreyna með
lestri á leiðurum þess um hina hörmulegu
atburði í Noregi og Breivik .
Þetta breyti því hins vegar ekki að ögrun
Gotfredsen sé hluti af hinni opnu umræðu
og málfrelsinu sem Berlingske hafi í heiðri .
Þess vegna beri að leggja sjónarmið hennar,
skilningsleysi hennar og skort hennar á
fordæmingu á fjöldamorðinu í Noregi fram
til að skapa þá hörðu og áköfu umræðu sem
hafi orðið . Þá hafi Sørine Gotfredsen sjálf
lýst bakþönkum sínum og að sumt hefði
mátt betur fara .
Aðalritstjórinn tekur síðan til við að
rök styðja nýjar umræðureglur á vefsíðu
blaðsins, b.dk . Hún segir að aldrei hafi
komið til álita að banna birtingu á grein
Gotfredsen samkvæmt þessum reglum .
Þær eigi ekki að hindra að ögrandi skoðanir
birtist heldur að tryggja að umræður snúist
um málefni en breytist ekki í hatursfullar
árásir á einstaklinga eða meiðandi og
niðurlægjandi fullyrðingar . Þær séu til
að tryggja að allir viðmælendur standi
jafnfætis og menn skýli sér ekki á bak við
nafnleysi eða fölsk nöfn .
Í lok þessarar athugasemdar segir Lisbeth
Knudsen aðalritstjóri:
Lífsnauðsynlegt er fyrir heilbrigt og
stöðugt lýðræðisþjóðfélag að áfram sé
rætt um öfgar, gróðrarstíur þeirra og
ástæður . Því miður er einnig nauðsynlegt
að spyrnt sé við fótum og gerðar ráð-
stafanir gegn því að netinu og öðrum
opnum umræðuleiðum sé rænt af litlum
hópi umræðu-skemmdarvarga og breytt
í svað fyrir hatursfulla, harðsvíraða og
ónot hæfa umræðu .
Leitin að íslenskum sökudólgi
Ritstjóri Berlingske Tidende lýsir reglum um birtingu efnis á netinu og af orðum
hennar er auðvelt að ráða að í Danmörku