Þjóðmál - 01.09.2011, Side 66

64 Þjóðmál HAUST 2011
Þetta er ekki smekkleg líking og nær
engri átt . Það á reyndar einnig við skrif
á athugasemdakerfi Eyjunnar um grein
hans . Þar sagði einhver að foreldrar
Karls hefðu gert mikil mistök þegar
þeir drekktu Karli ekki við fæðingu, og
því var bætt við að það hefði sennilega
misfarist vegna þess að foreldrarnir væru
hálfvitar . Óþverrinn í athugasemdakerfi
Eyjunnar kemur stöðugt á óvart . Það er
orðin áleitin spurning hvort það eigi ekki
að loka fyrir þetta athugasemdakerfi í eitt
skipti fyrir öll . Fólk getur þá einbeitt sér
að því að skrifa sóðaskap á Fésbókinni .
Og talandi um Fésbókina . Þráinn Bert-
els son nefndi þar Hannes í færslu og sagði í
annarri smekklausri samlíkingu: „Þjóð sem
gerir hægriöfgamenn að há skóla prófess-
orum hefur ekki efni á því að afgreiða
norska hægriöfgamenn sem geðsjúklinga .“
Hver er glæpur Hannesar, annar en
sá að vera á annarri pólitískri skoðun en
þessir menn? Hannes er fyrirferðarmikill,
tekur sterkt til orða og má vissulega
búast við að fá andsvör . Sennilega hefur
hann einhvern tíma móðgað þessa menn
illilega, kannski kallað þá Baugspenna,
sem þykir svívirðilegt skammaryrði . En
það réttlætir ekki að þeir ausi yfir hann
fúkyrðum . Hættið þessu, strákar mínir!
Lokaorð
Verknaðurinn 22 . júlí verður aldrei for dæmdur nógu harkalega . Ekki er
unnt að afsaka hann á nokkurn hátt . Lífið
heldur hins vegar áfram og þar á meðal
stjórn málastarf sem tekur mið af framvindu
líðandi stundar .
Fjölmenning og skipting innan þjóðfé-
laga milli manna með ólíkan menningar-
legan eða trúarlegan uppruna skýrir ekki alla
spennu í vestrænum samfélögum . Tilefni
óeirða og gripdeilda í borgum Bretlands í
byrjun ágúst 2011 verða seint skýrð til fulls .
Boris Johnson, borgarstjóri í London, lýsir
óeirðaseggjunum á þennan veg í The Daily
Telegraph 15 . ágúst:
Sumir — sárafáir — létu stjórnast
af græðgi . Sumir virðast hafa fyllst
mikilmennsku eða valdafíkn, þörf fyrir
að „láta taka eftir sér“ . Sumir, einkum
félagar í gengjum, gerðu þetta vegna þess
að einhverjir aðrir gerðu það í öðrum
borgarhverfum í London, þeir vildu ekki
verða skildir út undan . Sumir gerðu þetta
til að „skemmta sér“, eða af æsingi [ . . .]
Sumir eru örugglega sæmilega vel stæðir
og fjölmiðlar hafa réttilega staldrað við
dóttur milljónamærings og kennara sem
hafa verið kærð fyrir þjófnað .
Langflestir komu, auðvitað, úr hópum
á lægri stigum borgarbúa þegar litið er
til félagslegra aðstæðna og efnahags, úr
röðum þeirra sem hafa verið skildir lengst
að baki; og síðustu tölur sem ég hef séð
sýna að 69% þeirra sem hafa verið ákærðir
eru á sakaskrá vegna fyrri afbrota .
David Cameron, forsætisráðherra Breta,
segir að brotalöm sé í bresku samfélagi og
hann heitir því að takast á við þann vanda til
að tryggja betra jafnvægi, frið og stöðugleika
innan þess . Í Noregi glíma menn við annars
konar vanda eftir 22 . júlí . Tilraunir til að setja
hryllingsverk Anders Breivik inn í ramma
skoðanaágreinings um stjórnmál á líðandi
stundu má flokka undir fljótræði eða hreina
ósvífni sé á þeim alið í því skyni að ýta undir
trú annarra á eigið ágæti .
Þ