Þjóðmál - 01.06.2014, Síða 39

38 Þjóðmál SUmAR 2014
Ögmundur stóð við bandaríska sendiráðið
með gjallarhorn og mótmælti kröftuglega
hernaðaraðgerðum Ísraela á Gaza . Maður
spyr sig hvort þarna hafi verið mótmælt
á réttum stað af réttu tilefni, en gamlir
kommar láta ekki slíka smámuni trufla
sig . Ef Ögmundur þarf að afla sér atkvæða
skundar hann upp á Laufásveg með
lúðurinn og ef fyrrum samráðherra hans,
Össur Skarphéðinsson, telur kúfinn farinn
af fylginu hrærir hann í sama potti . Afstaða
beggja byggir á arfleifð kalda stríðsins,
þegar Bandaríkin og Sovétríkin skiptu með
sér heiminum . Í þá daga studdu Banda ríkin
Ísrael en Sovétríkin voru bakhjarl PLO
(Palestinian Liberation Organization) .
Skoðanir þessara tveggja fyrrverandi
ráðherra sitja fastar í skotgröfum þessarar
uppskiptingar . Fall Sovétríkjanna skildi
þá eftir á skeri og leiddi þá og aðra sem
aðhylltust alræðisstefnu sovétskipulagsins til
að beina eðlislægri óhamingju sinni í nýjan
farveg . Baráttan gegn kapítalismanum
heitir nú baráttan gegn alþjóðavæðingu
en óvinurinn er enn Bandaríkin og ekkert
af farangrinum hefur verið skilinn eftir .
Aðeins skipt um bandamenn . Vinstri menn
hafa tekið sér stöðu með jihadistum sem
lýst hafa yfir heilögu stríði gegn vestrænum
gildum hverra táknmynd er Bandaríkin .
En íslenskir vinstri menn fundu ekki upp hjólið . Leiðsögn þeirra hefur alla
tíð komið að utan og á það jafnt við um
„riddara réttlætisins“ í dag og forvera þeirra
á pólitíska sviðinu, þá Einar Olgeirsson og
Brynjólf Bjarnason, og alla hjörðina sem
með þeim hljóp . Franski heimspekingurinn
Pascal Bruckner gerir þeim leiðangri sem
nú er genginn nokkuð góð skil í bók sinni,
The Tyranny of Guilt; an Essay on Western
Masochism (Harðstjórn sektarkenndarinnar:
ritgerð vestræna sjálfspíslarhvöt),3 sem kom
út hjá Princeton-háskólapressunni 2010 .
Hann telur að þrátt fyrir yfirskin trúleysis
og hjúp sældarhyggju (hedonisma) sem
vestrænar heimspekikenningar tukta okkur
með þjáist þessir boðberar af miðaldapínu .
Söluvaran er sú sama og á miðöldum, þ .e .
frumsyndin . Iðrunin er málið, nú eins og
þá, enda bíta engin vopn betur í löndum
kristinna en sektarkenndin . Til að átta sig
á hversu tryggilega sektarkenndin hefur
skotið hér rótum þarf aðeins að horfa og
hlusta á það sem fyrir augu og eyru ber .
Blaða maður Morgunblaðsins, Sigurður
Bogi, ritaði pistil í blaðið þann 6 . maí sl .
sem súmm eraði þetta upp; hvernig hver sá
3 Frumútgáfan: La tyrannie de la pénitence: essai sur
le masochisme occidental, 2006, Grasset & Fasquelle,
París .
S koðanir þessara tveggja fyrrverandi ráðherra sitja
fastar í skotgröfum þessarar
uppskiptingar . Fall Sovétríkjanna
skildi þá eftir á skeri og leiddi
þá og aðra sem aðhylltust
alræðisstefnu sovétskipulagsins
til að beina eðlislægri óhamingju
sinni í nýjan farveg . Baráttan
gegn kapítalismanum heitir nú
baráttan gegn alþjóðavæðingu en
óvinurinn er enn Bandaríkin og
ekkert af farangrinum hefur verið
skilinn eftir . Aðeins skipt um
bandamenn . Vinstri menn hafa
tekið sér stöðu með jihadistum
sem lýst hafa yfir heilögu stríði
gegn vestrænum gildum hverra
táknmynd er Bandaríkin .