Morgunblaðið - 12.11.2015, Qupperneq 46

46 FRÉTTIRErlent
MORGUNBLAÐIÐ FIMMTUDAGUR 12. NÓVEMBER 2015
Jeb Bush, fyrrverandi ríkisstjóri í
Flórída, þótti standa sig ágætlega í
fjórðu kappræðum repúblikana sem
gefa kost á sér sem forsetaefni á
næsta ári en þær fóru fram á þriðju-
dagskvöld í Milwaukee. Bush hefur
átt mjög í vök að verjast í skoðana-
könnunum en nú gera stuðnings-
menn hans sér vonir um að hagur
hans fari loksins að vænkast.
Bush lagði áherslu á að gagnrýna
líklegan forsetaframbjóðanda demó-
krata, Hillary Clinton. En hann kom
höggum á auðkýfinginn Donald
Trump sem haft hefur forystu í
könnunum repúblikana, m.a. þegar
Trump tjáði sig um Vladímír Pútín
Rússlandsforseta og aðgerðir hans í
Sýrlandi. Sagði Bush að utanríkis-
stefna Trumps væri ekki í neinum
tengslum við veruleikann. Einnig
gagnrýndi Bush harkalega þá tillögu
Trumps að vísa 11 milljónum ólög-
legra innflytjenda umsvifalaust úr
landi. Margir þeirra hafa búið ára-
tugum saman í Bandaríkjunum.
Bush vill að þeir fái landvist ef
þeir borgi sekt fyrir að hafa komið
ólöglega inn í landið, læri ensku og
forðist glæpastarfsemi. Hugmyndir
Trumps væru í andstöðu við banda-
rísk gildi, sagði hann. „Umræður af
þessu tagi senda út af fyrir sig mik-
ilvæg skilaboð [til kjósenda],“ sagði
Bush. „Þeir fagna ákaft í herbúðum
Clinton núna þegar þeir hlusta á um-
ræðurnar.“
Bush hefur safnað mestu fé í
kosningasjóði af öllum frambjóðend-
unum og það gæti skipt sköpum
næstu mánuði þegar aukin áhersla
verður lögð á sjónvarpsauglýsingar,
sem eru rándýrar. kjon@mbl.is
Stuðningsmenn Bush
ánægðir með sinn mann
AFP
Ánægð Bush og eiginkona hans,
Columba, heilsa fólki í Milwaukee.
 Þótti standa sig
vel í kappræðum
Kristján Jónsson
kjon@mbl.is
Sýrlenski stjórnarherinn hefur náð
aftur tökum á mikilvægri flutninga-
leið og flugbækistöð í Kuwairis,
austan við borgina Aleppo, sem hafa
verið umsetnar um hríð en mikill
hluti borgarinnar er á valdi upp-
reisnarhópa. Kuwairis hefur um
langt skeið þurft að verjast árásum
af hálfu liðsmanna Ríkis íslams, IS.
Rússar hafa lagt fram til umræðu
friðartillögur í átta liðum hjá Sam-
einuðu þjóðunum þar sem lagt er til
að gerðar verið stjórnarskrárbreyt-
ingar í Sýrlandi og taki ferlið 18
mánuði, að sögn BBC. Síðan verði
efnt til forsetakosninga.
Ekki kemur fram hvort gert sé
ráð fyrir að Bashar al-Assad forseti
verði áfram við völd meðan unnið sé
að stjórnarskránni. Hann skuli ekki
stýra umbótaáætluninni heldur ein-
hver sem allir deiluaðilar geti sam-
þykkt. Hins vegar virðist Assad geta
boðið sig fram í kosningunum sem
andstæðingar hans segja að komi
ekki til greina ef ætlunin sé að koma
á friði. Assad og her hans eru sak-
aðir um margs konar hryðjuverk
gegn óbreyttum borgurum, þ. á m.
að hafa látið bana um 1.400 manns
árið 2011 með efnavopnum. Einnig
hafa þeir beitt svonefndum tunnu-
sprengjum gegn óbreyttum borg-
urum en það er bannað í al-
þjóðalögum.
Tekið er fram að forseti landsins
skuli vera þjóðkjörinn og vera
„æðsti yfirmaður herja landsins og
hafa á hendi yfirstjórn öryggismála
og utanríkismála“. Lagt er til að
sumar af hreyfingum stjórnarand-
stæðinga í Sýrlandi skuli fá að taka
þátt í mikilvægum viðræðum sem
fram eiga að fara um málefni Sýr-
lands í Vín á laugardag. Assad hefur
fram til þessa kallað hina ýmsu hópa
uppreisnarmanna „hryðjuverka-
menn“ og Rússar tekið undir.
Hverjir eru húsum hæfir?
Athyglisvert er að hinir síðar-
nefndu nafngreina ekki þá hópa sem
ættu að fá að senda fulltrúa til Vínar.
En talsmaður utanríkisráðuneyt-
isins í Moskvu sagði að mikilvægt
væri að nota næstu daga til að
ákveða hvaða hópa yrði um að ræða
og hverjir væru einfaldlega hryðju-
verkamenn og þess vegna bæði óal-
andi og óferjandi.
Rússar hvetja til þess að sér-
stakur sendimaður SÞ, Staffan de
Mistura, standi fyrir viðræðum milli
Sýrlandsstjórnar og „sameigin-
legrar sendinefndar andstöðuhópa“.
Notast verði við samþykkt frá 2012
sem kvað á um myndun bráða-
birgðastjórnar. Mistura sagði á
þriðjudag að brýnt væri að tækifær-
ið væri notað, nú þegar alþjóðlegar
viðræður eru hafnar, til að semja um
vegvísi að friði til að binda enda á
átökin. Þau hafa staðið yfir í fjögur
ár og kostað um 250 þúsund manns-
líf.
Rússar kynna
friðartillögur
í Sýrlandi
 Vilja að gerð verði ný stjórnarskrá
og efnt til kosninga eftir 18 mánuði
AFP
Sigur Sýrlenskir stjórnarhermenn í
Kuwairis-bækistöðinni.
Flókin vígstaða
» Um 20 ríki og alþjóða-
samtök munu eiga fulltrúa á
fundinum í Vín á laugardag um
málefni Sýrlands.
» Bandaríkjamenn hafa stutt
með hangandi hendi nokkra
hópa uppreisnarmanna sem
berjast gegn Assad.
» En erfitt hefur reynst að
skilgreina hvaða hópar séu
raunverulega skipaðir mönn-
um sem ekki stundi hryðju-
verk.
Kristján Jónsson
kjon@mbl.is
Fulltrúar um 60 Evrópu- og Afríku-
landa sitja nú tveggja daga fund á
Möltu og reyna að leysa flóttamanna-
vandann. Fullyrt er að reynt verði að
tryggja að Afríkulönd taki við þeim
sem ekki hafa af ýmsum ástæðum
fengið hæli í ríkjum Evrópusam-
bandsins og fái fyrir það háar
greiðslur. Í fréttum BBC er sagt að
framkvæmdastjórn ESB vilji leggja
fram 1,8 milljarða evra, yfir 250 millj-
arða króna, og gert sé ráð fyrir að að-
ildarríki sambandsins heiti að leggja
fram enn meira fé. Bent er á að
geysilega hröð mannfjölgun í Afríku
og Mið-Austurlöndum valdi því að
vandinn muni enn vaxa á næstu ár-
um. Ennfremur herja nú miklir
þurrkar í sumum Afríkulöndum, eitt
þeirra er Eþíópía, með um 90 millj-
ónir íbúa. Æ fleiri muni kjósa að
komast til Evrópu.
Donald Tusk, forseti fram-
kvæmdastjórnar ESB, sagði í gær í
yfirlýsingu sinni að Afríkulöndin
yrðu að taka við þeim sem ekki full-
nægðu enn skilyrðum fyrir því að fá
landvist í Evrópu eða þyrftu ekki al-
þjóðlega vernd sem flóttamenn. „Við
munum aðstoða afrískar ríkisstjórnir
við að taka aftur við löndum sínum og
bjóða þeim viðunandi efnahagsleg og
félagsleg skilyrði,“ sagði Tusk.
Það sem af er árinu hafa um 150
þúsund Afríkumenn farið yfir Mið-
jarðarhafið, að sögn Sameinuðu þjóð-
anna. Flestir sem hafa náð landi hafa
farið til Ítalíu eða Möltu. En þúsund-
ir hafa á síðustu árum drukknað,
enda bátarnir oft lélegir og yfirfullir.
Athygli Evrópuþjóða hefur síðustu
vikur og mánuði beinst meira að
Balkanskaga. Um hann hafa hundr-
uð þúsunda manna frá Mið-Austur-
löndum, margir þeirra frá Sýrlandi,
farið í von um að komast til auðugra
og friðsælla ESB-ríkja. Þessi mikli
mannfjöldi veldur því að sum ríki
hafa þegar sett upp ýmsa tálma til að
reyna að hafa einhverja stjórn á því
sem margir kalla nú
þjóðflutninga frá fá-
tækum átakasvæð-
um til auðugra
landa Evrópu.
Ungverjar
hafa þegar
reist öfluga
girðingu á
landamærun-
um og Slóvenar
hófu í gær að reisa
sams konar girðingu
á landamærunum
að Króatíu.
AFP
Tálmi Slóvenskir hermenn reisa girðingu á landamærunum að Króatíu til að stöðva straum farand- og flóttafólks.
Taki aftur við þeim
sem ekki fá landvist
 ESB býður Afríkuríkjum mikla fjárhagsaðstoð í staðinn
Peningasendingar margra far-
and- og flóttamanna í vestræn-
um ríkjum til ættingja og vina í
heimalandinu skipta oft geysi-
miklu máli fyrir efnahag þeirra.
Fram kemur í Jyllandsposten
að í fyrra hafi fjárhæðin sem
þannig rann til fátækra landa
frá Danmörku numið alls fimm
milljörðum danskra króna, um
95 milljörðum ÍSK. Er þá miðað
við upplýsingar frá Alþjóða-
bankanum.
Dæmi eru um að 50% af er-
lendum gjaldeyristekjum
þjóðríkis séu slíkar
peningasendingar. Í
Evrópu treystir Alb-
anía mjög á tekjur
af þessu tagi og á
Filippseyjum nema
slíkar tekjur um
10% af landsfram-
leiðslu.
Miklar tekjur
frá farandfólki
FÁTÆK RÍKI
„Hundurinn minn var búinn að
vera í meðferðum hjá dýralækni
í heilt ár vegna húðvandamála
og kláða, þessu fylgdi mikið
hárlos. Hann var búinn að vera
á sterum án árangus. Reynt
var að skipta um fæði sem bar
heldur ekki árangur. Eina sem
hefur dugað er Polarolje fyrir
hunda. Eftir að hann byrjaði að
taka Polarolje fyrir hunda hefur
heilsa hans tekið stakkaskiptum.
Einkennin eru horfin og hann er
laus við kláðann og feldurinn
orðinn fallegur.“
Sigurlín Birgisdóttir, hundaeigandi
Sími 698 7999 og 699 7887
Náttúruolía sem
hundar elska
Við Hárlosi
Mýkir liðina
Betri næringarupptaka
Fyrirbyggir exem
Betri og sterkari fætur
NIKITA
hundaolía
Selolía fyrir
hunda