Morgunblaðið - 12.11.2015, Page 58

SÍMAR,SJÓNVÖRPog raftæki
Ásgeir Ingvarsson
ai@mbl.is
Um þetta leyti árs eiga margir það til
að reka nefið inn í raftækjaverslanir
og sjá hvað er þar að finna nýtt og
spennandi. Sumir eru í leit að gjöf og
aðrir að leita að einhverju handa
sjálfum sér til að gera jólamánuðinn
skemmtilegri.
Í versluninni Macland er að finna
margt áhugavert og má þar fyrst
nefna nýjustu kynslóðina af Apple
TV. Þessi litli svarti undrakubbur
kom til landsins fyrr í mánuðinum og
getur breytt sjónvarpi heimilisins í
kröftuga afþreyingarmiðstöð.
Hægt að tala við sjónvarpið
Sigurður Stefán Flygenring er
þjónustustjóri fyrirtækjasviðs hjá
Macland og segir hann að nýja Apple
TV skáki síðustu kynslóð á marga
vegu. „Tækið er orðið kraftmeira á
allan hátt, með sterkari örgjörva og
meira vinnsluminni. Þá var með nýj-
ustu útgáfunni kynnt til sögunnar
stýrikerfið tvOS sem byggist á iOS-
stýrikerfinu sem iPad, iPhone, iPod
Touch og fleiri Apple-tæki nota.“
Fjarstýringin hefur tekið miklum
framförum; er með innbyggðar end-
urhlaðanlegar rafhlöður, innbyggðan
hljóðnema, snertimús og hreyfiskynj-
ara sem nemur hvernig fjarstýring-
unni er sveiflað og snúið. „Nýr takki
er kominn á fjarstýringuna sem gerir
notandanum kleift að tala beint við
Siri-þjónustuforritið sem fyrir er í
Apple TV-kubbnum og t.d. biðja vél-
ina að leita að tiltekinni kvikmynd eða
þætti,“ útskýrir Sigurður.
Er þá ótalið það sem Sigurð grunar
að verði helsti styrkleiki Apple TV;
snjallforritin. „Upp á síðkastið hafa
litið dagsins ljós fjölmörg ný forrit
sem kaupa má í gegnum App Store
og hafa verið smíðuð sérstaklega með
Apple TV í huga. Úrvalið á bara eftir
að aukast en nú þegar er hægt að
finna í forritabúðinni fjölda lítilla
tölvuleikja sem spila má ýmist með
sjónvarpsfjarstýringunni eða hefð-
bundinni leikjatölvufjarstýringu.“
Hafsjór kvikmynda
Ekki má heldur gleyma því að nota
má Apple TV til að horfa á sjónvarps-
þætti og kvikmyndir. Minnir Sig-
urður þó á að framboðið af slíku efni
geti verið breytilegt milli landa og úr-
valið langmest ef Apple TV er notað
með notendaaðgangi
sem skráður er í
Bandaríkjunum,
sem þá kallar á að
fólk eigi banda-
rískt greiðslu-
kort. Banda-
rískur notenda-
aðgangur þýðir
að nálgast má
forrit eins og
Netflix sem og
finna heilan hafsjó af
þáttum, bíómyndum og tónlist í iT-
unes-búðinni. „Þeir sem eiga efni í
snjallsímanum sínum eða tölvunni
geta notað AirPlay, sem sendir tón-
list eða vídeó þráðlaust yfir í Apple
TV og upp á sjónvarpsskjáinn.“
En það má líka finna Netflix í
græjum á borð við PlayStation og
Xbox. Aðspurður hvað Apple TV hef-
ur umfram vinsælustu leikjatölv-
urnar nefnir Sigurður fyrst verðið.
Apple TV kostar 28.990 kr. með 32
GB geymsluplássi en 38.990 kr. í 64
GB útfærslu. „Þá er forritaheimur
Apple mjög opinn og getur nánast
hver sem er gefið þar út nýtt forrit og
dreift um allan heim. Berum þetta
saman við leikjatölvurnar sem eru
með lokað kerfi og varla aðrir en
stærstu leikjaframleiðendur sem
geta gefið út efni fyrir þessi tæki.“
Spjaldtölvan tekin á næsta stig
Önnur græja sem Sigurður reiknar
með að muni seljast vel þessi jólin er
iPad Pro „risa“-spjaldtölvan. Sala
hófst á iPad Pro á miðvikudag í
Bandaríkjunum og í um 40 löndum til
viðbótar, en Ísland fær að bíða um
sinn. Segir Sigurður að vonir standi
til að nýja spjaldtölvan komi í sölu
seinna í nóvember.
Verður merkilegt að sjá hvaða not
fólk mun finna fyrir stóru spjaldtölv-
una. Hún gæti reynst kjörin til að
horfa á sjónvarpsefni eða spila tölvu-
leiki, og líka orðið fyrirtaks teikni-
blokk fyrir listrænu týpurnar eða ný
og betri leið til að lesa bækur, blöð og
tímarit. „iPad Pro er gríðarlega öflug
og stór spjaldtölva. Spjaldtölvur hafa
oft verið flokkaðar sem einhvers kon-
ar aukahlutur fyrir aðrar tölvur, en
iPad Pro er öflug ein og sér. Sem
dæmi greindi Tim Cook, forstjóri
Apple, frá því í viðtali nýlega að í við-
skiptaferðalögum sínum léti hann sér
nægja að taka með iPad Pro og iP-
hone 6S. Þannig endasendist hann
um allan heim og þarf ekki meira
enda iPad Pro mjög kröftug tölva og
til margs brúkanleg,“ segir Sigurður.
„Samhliða útgáfu iPad Pro kynnir
Apple sjálfstætt lyklaborð, Smart
Keyboard, sem tengja má við stóru
spjaldtölvuna, fyrir þá sem þurfa að
skrifa mikið af texta, og einnig Apple
Pencil sem er sérlega nákvæmur
snjall-penni.“
Enn liggur ekki ljóst fyrir hversu
mikið iPad Pro mun kosta en Sig-
urður giskar á að miðað við verðlagn-
ingu á öðrum iPad-spjaldtölvum ættu
neytendur að búast við að grunn-
útgáfan kosti á bilinu 160.000-180.000
kr.
Öflugri sjónvarpskubbur sem tala má
við og fjölhæf spjaldtölva í yfirstærð
 Margir bíða spenntir eftir nýjustu vörun-
um frá Apple  Tækjafíklarnir finna margt
við sitt hæfi í verslun Maclands þessi jólin
Þarfaþing „Þeir sem eiga efni í snjallsímanum sínum eða tölvunni geta notað AirPlay, sem sendir tónlist eða vídeó
þráðlaust yfir í Apple TV og upp á sjónvarpsskjáinn,“ segir Sigurður hjá versluninni Macland.
AFP
Risi Ljósmyndarar gaumgæfa iPad Pro sem er öflug og stór spjaldtölva.
Morgunblaðið/Kristinn
Það er mjög í tísku hjá
unga fólkinu í dag að
vera með voldug og
áberandi heyrnartól
á höfðinu. Sigurður
segir að litlu nettu
Apple-heyrn-
artólin, Apple
Earpods, sem
stungið er
inn í eyrað,
eigi samt
alltaf dygg-
an hóp aðdá-
enda.
Eru heyrn-
artól einmitt á
því verðbili sem
hentar þegar verið er
að leita að jólagjöf
handa unglingnum á
heimilinu. „Í hópi
stóru heyrnartólanna
sem leggjast yfir eyr-
un trónir á toppnum
þýski framleiðandinn
Beyerdynamic. Þar
er á ferð virt og
þekkt merki sem
fengið hefur fram-
úrskarandi dóma í
öllum tímaritum
sem fjalla um
heyrnartól. Efst í
vörulínunni eru
heyrnartólin Custom
One Pro á 38.990 kr og
DT 1350 á 52.990 kr.“
Heyrnartól sem tekið er eftir
Saltkaup ehf | Cuxhavengata 1 | 220 Hafnarfjörður
Sími: 560 4300 | www.saltkaup.is
Salt - Umbúðir - Íbætiefni