Morgunblaðið - 15.09.2016, Síða 6

6 FRÉTTIRInnlent
MORGUNBLAÐIÐ FIMMTUDAGUR 15. SEPTEMBER 2016
Glæsiverk til sölu
Ármúla 36 • 108 Reykjavík • Sími 568 3890
SMIÐJAN
Listhús - Innrömmun
Opið alla virka daga kl. 11-17, laugardaga kl. 12-14.
M
b
l1
60
19
45
Leitum að verkum
gömlu meistaranna
fyrir næstu sýningu okkar
Jón EngilbertsÞorvaldur Skúlason
Hafsteinn Austmann
Karl Kvaran
Hágæða
innrömmun
26 ára reynsla
umræðuskjali um nýtt samningalíkan
sem birt hefur verið á vef ASÍ í að-
draganda þingsins.
„Við hefðum viljað vera komin
lengra í málinu en það þarf að ljúka
þessum lífeyrismálum,“ segir Gylfi, en
jöfnun lífeyrisréttinda á almennum og
opinberum vinnumarkaði sé forsenda
fyrir nýju samningalíkani. „Við erum
búin að jafna okkar megin frá og
hækka iðgjöldin en opinberir starfs-
menn eru að semja um aðlögun síns
kerfis að slíku samræmdu kerfi.“
Áætlað er að haustið 2018 liggi fyrir
grundvöllur að nýju samningalíkani á
íslenskum vinnumarkaði sem hægt
verði að byggja á við gerð næstu kjara-
samninga.
en Gylfi segir hana lið í því að veita fé-
lagsmönnum efni um málið á íslensku.
„Við höfum að stórum hluta verið að
horfa á norræna módelið, en hann er
að fjalla um það og horfa á okkur í
gegnum þau gleraugu,“ segir hann.
Heildarsamtök launamanna og at-
vinnurekenda hafa nú skýrsluna til
umræðu, en áætlað er að hefja endan-
lega útfærslu á rammasamningi
heildarsamtaka á vinnumarkaði um
meginstoðir í íslensku kjarasamninga-
líkaninu í nóvember.
Tvö ár í nýtt samningalíkan
Næstu skref í átt að nýju samninga-
líkani á íslenskum vinnumarkaði hafa
verið mörkuð, eins og fram kemur í
Yfir ein milljón hrognkelsaseiða
hefur verið flutt út það sem af er
þessu ári. Hrognkelsin eru notuð til
að verjast laxalús í sjókvíum.
Skoskt skip lagði af stað með 350
þúsund hrognkelsaseiði í fyrradag.
Seiðin verða notuð í tilraunaverk-
efni í Skotlandi. Þeim verður sleppt
í laxeldiskvíar og hafa það hlutverk
að éta laxalýs sem herja á eldisfisk-
inn.
Stofnfiskur í Höfnum framleiðir
hrognkelsin. Fyrr á árinu flutti fyr-
irtækið út 700 þúsund seiði til Fær-
eyja. Þar gera þau sitt gagn sem líf-
rænar varnir gegn laxalús, að því
er fram kemur í tilkynningu frá
Matvælastofnun sem hefur eftirlit
með framleiðslu fiskeldisstöðva.
Samanburður sýnir að notkun seið-
anna skilar betri árangri en lyfja-
notkun og kostnaður er minni í bar-
áttunni við laxalúsina.
Mast vekur athygli á mikilvægi
þess að viðhalda góðri sjúkdóma-
stöðu í íslensku fiskeldi. Það er m.a.
forsenda slíks útflutnings.
Milljón hrogn-
kelsaseiði flutt út
 Étur lús af eldislaxi í sjókvíum
Morgunblaðið/Þorkell
Hrognkelsi Afkvæmi grásleppu og
rauðmaga nýtist í laxeldi.
Á þingi ASÍ verður einnig lagt til að hækka skatthlutfall
aðildarfélaga til ASÍ úr 7,4% í 8,3% eða um 0,9%.
„Við höfum gert þetta öðru hverju um áratugina að
fara í gegnum verkaskiptinguna milli Alþýðusambands-
ins, landssambandanna og aðildarfélaganna og stemma
okkur af í því að við séum að sinna þeim verkefnum sem
við teljum nauðsynleg,“ segir Gylfi en aukningin sé til-
komin vegna þess að tveimur nýjum starfsmönnum var
bætt við og ráðið í starf framkvæmdastjóra ASÍ.
„Eftir hrunið árið 2008 var ákveðið að ráða ekki í
stöðu framkvæmdastjóra til að spara vegna tekju-
samdráttar en það var niðurstaðan núna að það væri ástæða til þess að
endurskoða verkefnin og bæta við þjónustuna,“ segir hann en ákveðið
hafi verið að fara í aukna kynningu og upplýsingastarfsemi, vinnu með
ungu fólki og átakið „Einn réttur ekkert svindl“ sem taki á félagslegu
undirboði á vinnumarkaði. „Ég á ekki von á öðru en að þessu verði vel
tekið.
Ég finn ekki annað en að það sé sátt í okkar hreyfingu um þau verkefni
sem ASÍ er að sinna.“
Endurskoða og bæta þjónustu
VILJA HÆKKA SKATTHLUTFALL TIL ASÍ
Gylfi
Arnbjörnsson
Laufey Rún Ketilsdóttir
laufey@mbl.is
„Það er alveg handleggur að fara í
gegnum umræðu um að minna geti
orðið meira en þannig er það bara, að-
eins minni launahækkanir geta skilað
meiri kaupmætti, samfara lægri verð-
bólgu og lægri vöxtum,“ segir Gylfi
Arnbjörnsson, forseti Alþýðusam-
bands Íslands (ASÍ), í samtali við
Morgunblaðið, en á 42. þingi ASÍ sem
haldið verður dagana 26.-28. október
fer fram viðamikil umræða milli
aðildarfélaga um samningsmarkmið
Alþýðusambandsins varðandi þróun
nýs kjarasamningalíkans hér á landi
og samfélagsmódelsins í heild.
„Við höfum að stórum hluta verið að
horfa til þessa norræna módels en það
er öllum ljóst að á Norðurlöndunum er
samningslíkanið ekki aðskilið frá nor-
ræna samfélagsmódelinu. Það er eng-
in launung á því að verkalýðshreyfing-
in og Alþýðusambandið telur okkur
svolítið hafa villst af leið þar,“ bætir
Gylfi við, en það snerti þætti eins hús-
næðismálin, heilbrigðismálin, lífeyris-
málin, öldrunarþjónustu og mennta-
mál.
„Við munum fjalla um þetta á
þinginu og reyna að setja þetta í sam-
hengi. Ef fólk á að axla ábyrgð á for-
sendum efnahagsmála, sem er sjálf-
sagt, vill fólk líka geta búið við meira
öryggi og velferð.“
Steinar Holden, vinnumarkaðs-
sérfræðingur frá hagfræðideild
Óslóarháskóla, sem fenginn var af
SALEK-hópnum til að kynna lykil-
atriði og skilyrði fyrir góðu kjarasamn-
ingalíkani ásamt reynslu og lausnum
frá Noregi, Danmörku og Svíþjóð, hef-
ur skilað af sér skýrslu þess efnis.
Skýrslan verður til umræðu á þinginu,
Morgunblaðið/Ómar
Stilla strengi Alþýðusamband Íslands heldur 42. þing sitt dagana 26.-28. október, en tvö ár eru frá síðasta þingi.
Tvö ár í grundvöll nýs
kjarasamningalíkans
 Ný skýrsla Steinar Holden til umræðu á 42. þingi ASÍ
Helgi Bjarnason
helgi@mbl.is
Mikil starfsemi verður í fiskeldi á
Austfjörðum ef áætlanir fiskeldis-
fyrirtækjanna ganga eftir. Fiskeldi
Austfjarða áformar að komast í 54
þúsund tonna framleiðslu í mörgum
fjörðum Austfjarða og Laxar fisk-
eldi áforma 25 þúsund tonna fram-
leiðslu. Gangi áformin eftir verða til
hundruð starfa við fiskeldi á Djúpa-
vogi og í Fjarðabyggð.
Fiskeldi Austfjarða er með leyfi
til framleiðslu á 11 þúsund tonnum í
Berufirði og Fáskrúðsfirði og er
með aukningu upp í 24 þúsund tonn
í leyfisveitingaferli. Fyrirtækið hef-
ur nú kynnt matsáætlanir um allt að
30 þúsund tonna eldi samtals í
þremur 10 þúsund tonna einingum í
Seyðisfirði, Mjóafirði, Norðfirði,
Hellisfirði og Viðfirði.
Laxar fiskeldi undirbúa fram-
leiðslu í Reyðarfirði út á sex þúsund
tonna leyfi sem fyrirtækið hefur afl-
að sér þar. Jafnframt er fyrirtækið
með áform um 19 þúsund tonna
framleiðslu í Berufirði og Fáskrúðs-
firði.
Fullnýta leyfin á næstu árum
Guðmundur Gíslason, stjórnarfor-
maður Fiskeldis Austfjarða, segir að
fyrirtækið fari langt með að fullnýta
núverandi leyfi sín og áformaða við-
bót í Berufirði og Fáskrúðsfirði á
næstu tveimur til þremur árum.
Hafin verði framleiðsla á nýju svæð-
unum í framhaldinu. Tekur hann
fram að það taki ákveðinn tíma að
fara í gegnum umhverfismat og fá
rekstrar- og starfsleyfi. Eftir að
leyfin liggi fyrir þurfi að byggja upp
seiðastöðvar og ala seiðin til að
koma framleiðslunni af stað.
Fiskeldi Austfjarða hefur stundað
eldi á regnbogasilungi en Guðmund-
ur segir að laxinn vaxi betur hér við
land. Því hefur verið ákveðið að
slátra upp regnbogasilungnum í ár
og á næsta ári og leggja áherslu á
laxeldi. Fyrsti áfanginn í því er út-
setning á laxaseiðum sl. vor.
Stórfelld laxeldi þarfnast þó
nokkurs mannafla við eldi, vinnslu
og þjónustu. Guðmundur bendir á
að þumalputtareglan segi að 15 störf
þurfi við hver 1.000 tonn í eldi. Sam-
kvæmt því fá mörg hundruð manns
vinnu, gangi áform fiskeldisfyrir-
tækjanna eftir. Guðmundur vill þó
fara farlega í sakirnar og nefnir 150-
200 bein störf hjá hans fyrirtæki.
Laxeldið skapi góð og örugg störf og
heilmikil tækifæri til vaxtar í þess-
um byggðarlögum. Nefnir hann
driftina sem er á Djúpavogi og
sunnanverðum Vestfjörðum sem
dæmi um það.
Mikil áform í laxeldi á Austfjörðum
 Fiskeldi Austfjarða leggur fram matsáætlun fyrir 30 þúsund tonna eldi í nokkrum fjörðum
 Tvö stærstu fiskeldisfyrirtækin eystra stefna að samtals 80 þúsund tonna framleiðslu á laxi á ári