Morgunblaðið - 15.09.2016, Side 62

62
MORGUNBLAÐIÐ FIMMTUDAGUR 15. SEPTEMBER 2016
HAUSTFATNAÐUR
Hamraborg 10 – Sími 554 3200
Opið: Virka daga 9.30-18, laugardaga 11-14
Verið velkomin
í sjónmælingu
Traust og góð þjónusta í 20 ár
Ásgeir Ingvarson
ai@mbl.is
Vöruframboðið hjá Ellingsen er í
stöðugri þróun og segir Sölvi Snær
Magnússon að í versluninni megi
núna finna fatnað sem hentar nánast
öllum tegundum útivistar. Sölvi er
markaðs- og þjónustustjóri Ellingsen
og segir hann að megi sjá á klæða-
burði fólks á götum úti hvernig lífs-
stíll Íslendinga hefur breyst til batn-
aðar upp á síðkastið:
„Útivistarfatnaður, sportfatnaður
og tíska fléttast saman. Ætti t.d. ekki
að koma á óvart að sjá samsetningu á
borð við útivistarjakka með tískubux-
um og sportskóm. Fólk fer á leikhús-
og óperusýningar í veglegum dún-
úlpum og skrifstofufólkið klæðir sig í
Gore-Tex jakka utan yfir jakkafötin,
og margir vilja láta áhugamálin og
útivistarlífsstílinn sjást á fatnaðinum
sem notaður er hversdags.“
Sorel kuldaskórnir eru
strax farnir að seljast
Meðal þeirra merkja sem finna má
hjá Ellingsen nefnir Sölvi Columbia og
Mountain Hardwear. „Svo má ekki
gleyma Sorel kuldaskónum sem voru
svo vinsælir síðasta vetur að þeir seld-
ust upp í nóvember. Við pöntuðum því
sérstaklega mikið af skóm í ár og nú
þegar eru fyrstu pörin farin að seljast
þó að sólin skíni enn.“
Sölvi leggur líka á það áherslu að
Ellingsen hugsar vel um þarfir smá-
fólksins. „Íslensku börnin eru í raun
hinar einu sönnu útivistarhetjur
landsins, þurfa að fara fótgangandi til
og frá skólanum í hvaða veðri sem er
og láta sér líka það vel að fara út í frí-
mínútur í öllum veðrum. Fyrir þessa
viðskiptavini höfum við mikið úrval af
ullarsokkum, ullarundirfötum frá De-
vold og kuldagöllum frá framleið-
endum á borð við Columbia og Di-
driksons.“
Allt sem er á listanum
Foreldrar geta stundum átt erfitt
með að átta sig á fataþörfum
barnanna , og hvað þarf að vera til í
fataskápnum áður en veturinn geng-
ur í garð. Þar segir Sölvi að hjálpi
mjög til að leikskólarnir og skólarnir
gefa margir út innkaupalista sem
hægt er að fylgja. „Við erum verslun
þar sem má kaupa allt á listanum,
hvort sem um er að ræða lista frá
leikskólanum, eða nýliðalista björg-
unarsveitanna. Allt þetta helsta eig-
um við til.“
Spurður um nýjungar og framfarir
nefnir Sölvi Out/dry-undraefnið frá
Columbia. „Þetta er miðlag sem er al-
gjörlega vatnshelt en andar samt sem
áður. Outdry er meðal annars notað í
gönguskóm sem eru miklu léttari en
fólk á að venjast.“
En gamla góða ullin stendur líka
alltaf fyrir sínu og segir Sölvi til
dæmis að undirfatnaður úr ull hafi
sjaldan verið vinsælli. „Við höfum selt
ullarlínuna frá norska fyrirtækinu
Devold í hálfa öld, og alltaf eru fleiri
og fleiri að enduruppgötva hvað ullin
er frábær.“
Fegrandi og vönduð
Framleiðendurnir eru ekki aðeins
að þróa ný efni heldur þurfa sniðin og
útlitið að falla að kröfum neytenda.
Þar sem íþrótta- og útivistarfatnaður
verður æ stærri hluti af daglegum
klæðnaði fólks þá þurfa fötin að vera
klæðileg og fegrandi. „Krafan er að
þessi fatnaður sé smart; að hann bæði
„fúnkeri“ og sé fallegur. Fólk vill geta
farið í sömu flíkinni á Laugaveginn í
miðbænum og Laugaveginn við
Landmannalaugar.“
„Útivistarfatnaður, sportfatnaður
og tíska fléttast saman“
 Íslendingar vilja útivistarfatnað sem
hentar bæði á Laugaveginn í Reykjavík og
Laugaveginn við Landmannalaugar  Nota-
gildi og falleg hönnun þurfa að fara saman
Morgunblaðið/Ófeigur
Hreyfing Sölvi Snær hjá Ellingsen segir hægt að sjá breyttan lífsstíl landsmanna á klæðaburði fólks á götum úti.
Mörkin milli útivistar- og íþróttafatnaðar og tískuflíka eru ekki jafn skýr og þau voru áður.
Aðstæður Ekki má vera illa klæddur ef á að takast á við íslenska veturinn.
Hlýir kuldagallar og skór sem halda táslunum þurrum eru ómissandi.
Óstöðvandi „Íslensku börnin eru í raun hinar einu sönnu útivistarhetjur
landsins,“ segir Sölvi Snær. Litríkir kuldagallar fyrir útileikina.