Morgunblaðið - 15.09.2016, Page 92

Nýgift Brúðhjónin ljómuðu af hamingju og skáluðu að lokinni athöfn.
Atli Vigfússon
laxam@simnet.is
Það var mikið um að vera hjá sauðfjárbændum í
Suður-Þingeyjarsýslu um síðastliðna helgi en þá
var víða réttað. Veðrið var ekki alltaf upp á það
besta og það rigndi mikið á laugardeginum þeg-
ar réttað var í Skógarétt í Reykjahverfi. Þetta
beit þó ekki mjög á menn því veðrið var fremur
hlýtt, en á þessum árstíma hafa bændur séð
stórhríðar og telja allt betra en það, minnugir
þess þegar fé fennti fyrir fjórum árum á þessu
landsvæði.
Í réttunum gerist margt skemmtilegt, enda
margt fólk sem kemur til þess að hjálpa til við að
draga féð, frændur og vinir. Margir voru í
Skógarétt, enda hefur fé í Reykjahverfi fjölgað á
síðustu árum. Í réttarhléi, þegar fólk ætlaði að fá
sér kaffi, gekk séra Sólveig Halla Kristjáns-
dóttir, prestur og sauðfjárbóndi á Þverá í
Reykjahverfi, í fullum skrúða inn í réttina og
vakti máls á því að góður dagur væri fyrir brúð-
kaup. Þar gaf hún saman bændur á Litlu-
Reykjum, þau Signýju Valdimarsdóttur og Val-
þór Frey Þráinsson, en skrítinn svipur kom á
marga réttargesti sem höfðu alls ekki átt von á
brúðkaupi. Þetta þótti öllum skemmtilegt og það
sem var gott var að rigningin minnkaði aðeins
meðan á athöfninni stóð. Svaramenn voru þau
Valdimar Gunnarsson, faðir brúðarinnar, og Est-
her Björk Tryggvadóttir, móðir brúðgumans, en
með foreldrum sínum voru börnin Valdimar Óli
Valþórsson og Sigrún Stella Valþórsdóttir. Feður
brúðhjónanna, þeir Valdimar Gunnarsson kenn-
ari og Þráinn Ómar Sigtryggson bóndi á Litlu-
Reykjum, voru forsöngvarar í laginu „Vel er
mætt“ og sungu allir í réttinni saman.
Áfram dregið að lokinni athöfn
Brúðhjónunum var klappað mikið lof í lófa af
réttargestum sem ekki hafði órað fyrir að þeir
væru á leið í brúðkaup. Að lokinni athöfn rigndi
yfir nýju hjónin árnaðaróskum og síðan var hald-
ið áfram að draga.
Valþór Freyr og Signý, hin nýgiftu hjón, sögðu
að þetta hefði verið mjög skemmtilegur dagur í
alla staði, en um kvöldið var kaffi og terta fyrir
allra nánasta fólk heima á Litlu-Reykjum. Signý
sagði að þetta hefði verið virkilega íslenskt og
rigningin hefði bara sett góðan svip á athöfnina.
Þetta er annað brúðkaupið á Litlu-Reykjum
þetta sumarið, en í júní giftu sig bróðir Valþórs
Freys, Hilmar Kári Þráinsson, og hans kona,
Karen Ósk Halldórsdóttir, í garðinum á Litlu-
Reykjum og var þar margt fólk samankomið.
Hvað gerist næst í Skógarétt skal ósagt látið, en
víst er að allir komu glaðir heim til þess að segja
frá þessu óvanalega brúðkaupi.
Brúðkaup kom öllum á óvart
 Prestur í fullum skrúða birtist í Skógarétt og gaf saman bændahjón
FIMMTUDAGUR 15. SEPTEMBER 259. DAGUR ÁRSINS 2016
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 517 KR. ÁSKRIFT 5613 KR. HELGARÁSKRIFT 3505 KR. PDF Á MBL.IS 4978 KR. I-PAD ÁSKRIFT 4978 KR.
1. Konan bannaði honum að ferðast
2. Hafði verið látinn í einhverja daga
3. Fannst látinn í nágrenni Öskju
4. Jón Magnússon kvænist ástinni
»MEST LESIÐ Á mbl.is
FÓLK Í FRÉTTUM
 Frændsystkinin Anna Gréta Sigurð-
ardóttir píanóleikari og Sölvi Kol-
beinsson saxófónleikari halda tón-
leika í Hannesarholti í kvöld kl. 20.
Þau hafa þekkst alla ævi en fóru fyrst
að spila saman þegar þau byrjuðu í
Tónlistarskóla FÍH fyrir fimm árum.
Nú fyrst eru þau með sameiginlegt
dúóverkefni þar sem áhersla er á
samspil og sameiginlegan spuna. Þau
leika frumsamda tónlist og útsetn-
ingar sem þau hafa unnið að síðasta
mánuð. Þau hafa bæði hlotið titilinn
„Bjartasta vonin“ á Íslensku tónlist-
arverðlaununum. Verkefni þeirra
verður framlag Íslands á hinni árlegu
kynningarhátíð „Nordic Jazz Co-
mets“ sem haldin verður á vegum
Nord Jazz í Umeå í október.
Anna og Sölvi leika
djass í Hannesarholti
 Fríspunalistamenn frá Eistlandi,
Skotlandi og Íslandi, ásamt nem-
endum tónlistardeildar LHÍ, koma
fram á þrennum tónleikum dagana
15.-17. september. Fram koma m.a.
Anto Pett píanóleikari og Anne-Liis
Poll söngkona sem bæði kenna við
Tónlistarháskólann í Tallinn, Alistair
MacDonald, prófessor í tónsmíðum
við Konunglega tónlistarháskólann í
Glasgow, Marta Hrafnsdóttir söng-
kona, Liis Viira hörpuleikari og Berg-
lind María Tóm-
asdóttir flautuleik-
ari. Tónleikarnir
verða í Mengi í
kvöld kl. 21, að
Sölvhóli á morgun
kl. 17:30 og í Sel-
tjarnarneskirkju
á laugardag kl.
13 og 16.
Þriggja daga spuna-
veisla hefst í kvöld
Á föstudag Sunnan og suðvestan 3-8 m/s og skúrir, en úrkomulít-
ið norðaustantil. Hiti 7-13 stig. Á laugardag Suðlæg eða breytileg
átt og stöku skúrir, en þurrt og bjart veður norðaustantil.
SPÁ KL. 12.00 Í DAG Suðaustan 10-18 m/s og víða rigning,
hvassast við suðvesturströndina. Hægari vindur norðaustantil.
Lægir síðdegis, austan og suðaustan 3-8 í kvöld. Hiti 7-14 stig.
VEÐUR
Samkvæmt heimildum
Morgunblaðsins er megn
óánægja meðal margra eldri
og reyndari leikmanna inn-
an Badmintonsambandsins
hvað varðar landsliðsmál og
samskiptaleysi við stjórn
BSÍ. Formaður sambandsins
segir að eðlilegt sé að
ósætti komi upp á tímum
breytinga og segir kyn-
slóðaskipti vera að eiga sér
stað. Hann fagnar aðhaldi á
stjórn sambandsins. »2
Skiptar skoðanir
um stjórn BSÍ
„Ég var mjög spennt að heyra að ég
fengi þetta tækifæri og ég held að ég
sé tilbúin að takast á við það,“ sagði
framherjinn Berglind Björg Þorvalds-
dóttir sem mun fylla skarð Hörpu
Þorsteinsdóttur í leik Íslands og
Slóveníu í undankeppni EM annað
kvöld. »3
Tilbúin að takast á við
þetta tækifæri
„Ég vil meina að hún sé með flott-
ustu undirhandarskot sem ég hef séð
lengi í deildinni,“ segir Íris Ásta Pét-
ursdóttir, handknattleikskona hjá
Val, um Diönu Satkauskaite, einn af
nýjustu liðsfélögum sínum. Satkaus-
kaite er landsliðskona frá Litháen
sem hóf leiktíðina vel með Valsliðinu
í Olísdeild kvenna þegar liðið lagði
Fylki í 1. umferðinni. »4
Flottustu undirhand-
arskot sem ég hef séð
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Á Litlu-Reykjum í Reykjahverfi er blandað bú
þar sem er mjólkurframleiðsla, nautaeldi,
hestabúskapur og sauðfjárrækt. Litlu-Reykir
ehf. heitir fyrirtækið og að því standa þeir
Hilmar Kári Þráinsson og Valþór Freyr Þráins-
son og þeirra konur, Signý Valdimarsdóttir og
Karen Ósk Halldórsdóttir. Einnig standa að
búinu foreldrar bræðranna, þau Esther Björk
Tryggvadóttir og Þráinn Ómar Sigtryggsson.
Blandað bú er
á Litlu-Reykjum
MJÓLK, NAUT, HESTAR OG SAUÐFÉ
Morgunblaðið/Atli Vigfússon
Réttarbrúðkaup Séra Sólveig Halla Kristjánsdóttir gaf brúðhjónin saman.