Tímarit hjúkrunarfræðinga - 01.07.1999, Page 52

'ræðsludagur kRsíjnAr
Innsýn, fagdeild hjúkrunarfræðinga sem starfa við lungna-
og meltingafæraspeglanir, hélt fræðsludag þann 7. maí sl.
Þetta var fyrsti fræðsludagur deildarinnar en fleiri slíkir
verða haldnir síðar. Lögð var áhersla á grunnfræðsluefni
og verður það undirstaða næstu fræðsludaga. Herdís
Ástráðsdóttir, hjúkrunarfræðingur, formaður Innsýnar, setti
fræðsludaginn og að því loknu voru fluttir fyrirlestrar. Hall-
grímur Guðjónsson, læknir á Landspítala, fjallaði um
„Irritable bowel syndrome, IBS“ og Jóhann Heiðar
Jóhannsson, læknir á Rannsóknastofnun Háskólans,
ræddi um vefjasýni. „Líffræði meltingarvegarins" nefndist
fyrirlestur Hallgríms Guðjónssonar, læknis á Landspítal-
anum, Þorsteinn Blöndal, læknir á Landspítala, fjallaði um
líffærafræði lungna og Mímir Arnórsson, lyfjafræðingur á
Sjúkrahúsi Reykjavíkur, fjallaði um lyfjafræði. Að loknu
matarhléi flutti Ásgeir Theodórs, læknir á Sjúkrahúsi
Reykjavíkur og St. Jósefsspítala, fyrirlestur um líffærafræði
gallvega og Þorvaldur Sigurðsson, tæknifræðingur, fjallaði
um uppbyggingu speglanatækja. Kjartan Örvar, læknir á
St. Jósefsspítala, ræddi um meðferð við bólgusjúkdómum
í ristli eftir speglun og Bergþóra Karlsdóttir, hjúkrunarfræð-
ingur, var með hugleiðingu sem hún nefndi „einmana og
einskis nýt“ en þar fjallaði hún um offitu kvenna. Fræðslu-
daginn sóttu 40 manns og var hann að sögn þátttakenda
vel heppnaður.
Austurland - bar sem tækifærin bjóðast!
Heilbrigðisstofnun Austurlands er ný stofnun þar sem sjúkrahús og heilsugæslustöðvar á Austurlandi, allt frá Vopnafirði til
Djúpavogs, sameinast í öfluga heild.
Við leitum eftir öflugu fagfólki í heilbrigðisþjónustu sem hefur vilja og metnað til að taka þátt í þróunar- og skipulagsstarfi hinnar
nýju stofnunar og starfa að þeim markmiðum að:
- móta öfluga stofnun, sem veitir góða þjónustu
- vera forustuafl í heilbrigðisþjónustu á landsbyggðinni
- framfylgja starfsmannastefnu með áherslu á mikilvægi hvers starfsmanns
- gefa starfsmönnum tækifæri til náms og rannsókna á sínu sviði með samvinnu við aðrar stofnanir
- skapa möguleika fyrir sérhæfingu og nýta sérþekkingu hvers starfsmanns sem best
- nýta sameinaða krafta starfsmanna
í boði eru áhugaverð og gagnleg störf í landshluta þar sem
náttúrufegurð er rómuð, tækifæri til hverskonar tómstundastarfa
og val um ólíka búsetumöguleika.
Hiúkrunarfræðingar - Seyðisfiörður.
Hjúkrunarfræðingar óskast til starfa við Heilbrigðisstofnunina á
Seyðisfirði, á sjúkradeild.
Sjúkradeildin er í nýlegu húsnæði þar sem öll aðstaða til
hjúkrunar og umönnunar er mjög góð. Hluti deildarinnar er
afmarkaður, þar sem vistaðir eru minnisskertir sjúklingar.
Aðalviðfangsefni eru á sviði öldrunarhjúkrunar, en einnig er
fengist við margskonar medicinsk vandamál, bæði bráð
og langvarandi.
Næturvaktir hjúkrunarfræðinga eru í formi bakvakta, heima.
Hafir þú áhuga á skemmtilegu en oft krefjandi starfi, hafðu þá
samband við Þóru hjúkrunarforstjóra á sjúkradeild
í síma 472-1406.
norðungssjúkrahúsið, Neskaupstað
Óskum eftir að ráða hjúkrunarfræðinga til sumarafleysinga og til
framtíðarstarfa.
Hafið samband og kynnið ykkur kjörin.
Upplýsingar gefur Guðrún Sigurðardóttir, hjúkrunarforstjóri
í síma 477-1401.
Heilbrigðisstofnunin, Egilsstöðum
Hjúkrunarfræðing vantar til starfa við Heilbrigðisstofnunina á
Egilsstöðum í júlí og ágúst.
Einnig vantar hjúkrunarfræðinga í fastar stöður í haust.
Hringdu og fáðu upplýsingar hjá hjúkrunarforstjóra Höllu
Eiríksdóttur í síma 471 -1400.
196
Tímarit hjúkrunarfræðinga • 3. tbl. 75. árg. 1999