Tímarit hjúkrunarfræðinga - 01.07.1999, Side 42

Fulltrúar íslands á stjórnarfundi SSN í Ósló i október
1997.
hugmyndir þar um. Var samþykkt tillaga um þetta efni á
fulltrúaþingi félagsins 20.-21. maí 1999 sem byggist á
hugmyndum nefndarinnar. Nefndin hefur ekki lokið störf-
um en þess er vænst að hún Ijúki störfum á næsta
starfstímabili stjórnar.
Samstarfsnefnd um menntunarmál hefur gert tillögur
um framtíðarskipan viðbótarnáms fyrir hjúkrunarfræðinga
er leiði til sérhæfingar innan hjúkrunar, og stjórn félagsins
hefur samþykkt þær fyrir sitt leyti.
í janúar 1998 hófst nám á vegum Endurmenntunar-
stofnunar Háskóla íslands fyrir hjúkrunarfræðinga í svæf-
ingar-, skurð- og gjörgæsluhjúkrun í samvinnu við náms-
braut í hjúkrunarfræði og viðkomandi fagdeildir innan
Félags íslenskra hjúkrunarfræðinga.
Þess má geta að starfsmenntunarsjóður breytti á
starfstímabilinu starfsreglum sínum að tilmælum stjórnar
félagsins, í þá veru að styrkir vegna formlegs náms þar
sem kostnaður er umfram venjubundinn innritunarkostnað
í háskóla, skyldu hækkaðir. Geta hjúkrunarfræðingar
fengið 45.000,- kr. styrki annað hvert ár vegna þessa.
Námsbraut í hjúkrunarfræði býður nú upp á meistara-
nám í hjúkrunarfræði. Fyrstu hjúkrunarfræðingarnir hófu
nám til meistaragráðu á haustönn 1998 og mun næsti
hópur hjúkrunarfræðinga hefja nám haustið 1999. Að
frumkvæði félagsins var komið á tengslum milli The Royal
College of Nursing í Bretlandi og heilbrigðisdeildar Háskól-
ans á Akureyri, sem leiddi til þess að 12 hjúkrunarfræð-
ingar hófu fjarnám í hjúkrun eftir þessari leið í janúar 1997.
Fyrstu hjúkrunarfræðingarnir í þessum hópi eru að Ijúka
námi nú í vor. Framhald hefur orðið á samstarfi þessara
aðila, og nýr hópur hjúkrunarfræðinga hóf nám í byrjun árs
1999. Um 30 hjúkrunarfræðingar eru því í námi til
meistaragráðu í hjúkrun við eða í tengslum við íslenska
háskóla.
Vísindasjóður félagsins hefur styrkt rannsóknir nokkurra
hjúkrunarfræðinga sem eru í doktorsnámi samkvæmt
umsóknum þeirra. Jafnframt hefur minningarsjóður Hans
A. Hjartarsonar, sem er í vörslu félagsins, styrkt hjúkrunar-
fræðinga í doktorsnámi.
Fyrir kjarasamningana 1997 setti félagið fram kröfur um
að bæta ákvæði um endurmenntun og námsleyfi hjúkr-
unarfræðinga. Þessar kröfur náðu ekki fram.
Félag íslenskra hjúkrunarfræðinga hefur um árabil verið
aðili að Alþjóðasambandi hjúkrunarfræðinga (ICN), Sam-
vinnu hjúkrunarfræðinga á Norðurlöndum (SSN) og í
Evrópusamstarfi um hjúkrunarrannsóknir (WENR). Félag
íslenskra hjúkrunarfræðinga tekur virkan þátt í starfi SSN.
Stjórn samtakanna mynda formenn aðildasamtakanna og
hefur Ásta Möller verið 1. varaformaður SSN frá hausti
1996. Markmið samtakanna er að vinna að eflingu og
þróun heilbrigðisþjónustu, einkum hjúkrunarþjónustu á
Norðurlöndum. Hin síðari ár hefur þó meiri áhersla verið
lögð á að ræða sameiginleg hagsmunamál hjúkrunarfræð-
inga samkvæmt tillögu fulltrúa FÍH. SSN hefur í auknum
mæli staðið fyrir opnum norrænum ráðstefnum fyrir hjúkr-
unarfræðinga, svo sem gæðastjórnunarráðstefnu í Stokk-
hólmi í febrúar 1996 og ráðstefnu um stjórnun í heil-
brigðisþjónustu í Reykjavík í mars 1999. Aðildafélög eru
sex, Sjúkrasystrafélag Föroya var formlega tekið inn í
samtökin í september 1997. Á árinu 1997 var stofnaður
ráðcjjafahópur innan SSN um þróun ICNR flokkunarkerfi
hjúkrunargreininga sem unnið er að frumkvæði alþjóða-
samtaka hjúkrunarfræðinga ICN. SSN gefur út fagtímaritið
Várd i Norden og á Þorgerður Ragnarsdóttir sæti í ritnefnd
fyrir hönd íslenskra hjúkrunarfræðinga.
ICN eru alþjóðleg hagsmunasamtök hjúkrunarfræð-
inga. Formaður félagsins tók þátt í fundi sem skipulagður
var af ICN um kjara- og réttindamál í október ‘97. Ásta
Möller var nýverið beðin um að taka sæti í stjórn og mun
sitja til fulltrúaþings samtakanna árið 2001.
Markmið 3
Að hafa samskipti við erlend samtök hjúkrunarfræðinga.
WENfí
Félag íslenskra hjúkrunarfræðinga er aðili að WENR
(Workshop of European Nurse Researchers). Félag
íslenskra hjúkrunarfræðinga mun sjá um og halda hér á
landi WENR ráðstefnuna árið 2000.
PCN.
Stjórn Félags íslenskra hjúkrunarfræðinga ákvað að
þiggja boð samtaka fastanefndar ESB um hjúkrunarmál
um aðild og gerðist aðili að þeim í mars 1998.
Samstarf evrópskra félaga hjúkrunarfræðinga og Ijós-
mæðra og Evrópudeildar Alþjóðaheilbrígðismálastofnunar-
innar.
Stofnfundur samstarfs Alþjóðaheilbrigðismálastofnun-
arinnar og evrópskra félaga hjúkrunarfræðinga og Ijós-
mæðra var haldinn í Grikklandi haustið 1997. Félag
íslenskra hjúkrunarfræðinga gerðist aðili að þessu sam-
starfi haustið 1998.
186
Tímarit hjúkrunarfræðinga • 3. tbl. 75. árg. 1999