Tímarit hjúkrunarfræðinga - 01.07.1999, Page 62

'Hír. Kliðín.
Puríður
— £?in^m^ður
Þrír hjúkrunarfræðingar
voru kjörnir á þing í nýaf-
stöðnum kosningum, þær
Ingibjörg Pálmadóttir fyrir
Framsóknarflokkinn, Ásta
Möiler fyrir Sjálfstæðisflokk
og Þuríður Backman fyrir
Vinstri hreyfinguna - grænt
framboð. Þuríður er Reyk-
víkingur: „Bjó í Reykjavík til
'83, en þá fluttum við
hjónin hingað austur á
Egilsstaði." Hún segir þau hafa viljað breyta til og flytja út á
land og hafi valið Egilsstaði vegna framhaldsskólans þar,
þau hafi hvorki viljað búa á ísafirði né Akureyri og eista
barnið var að hefja framhaldsskólanám. Aðalvandamálið
hafi verið að fá húsnæði, þau leigðu fyrstu árin en búa nú í
eigin húsnæði. Yngsta barnið er enn heima, en þau eldri
eru flogin úr hreiðrinu. Elsta dóttirin er íþróttakennari að
mennt og tveggja barna móðir í Reykjavík en sonurinn er í
framhaldsnámi í Leipzig. Yngsta barnið er að Ijúka
stúdentsprófi, frestaði því um eitt ár vegna söngnáms sem
hann stundar fyrir austan.
Þuríður lauk námi frá Hjúkrunarskóla (slands og fór svo
í framhaldsnám á handlækninga- og lyflækningadeild við
Nýja hjúkrunarskólann. Lengst af vann hún á gjörgæslu-
og lyfjadeild í Reykjavík en fór svo að vinna við Heilsu-
gæsluna á Egilsstöðum. „Fékk mikinn áhuga á forvörnum
og fyrirbyggjandi heilsuvernd, var m.a. lengi f Tóbaks-
varnarnefnd og lauk diplomanámi frá Heilbrigðisháskól-
anum í Gautaborg er ég var hjúkrunarforstjóri á Egils-
stöðum."
Þuríður hefur gegnt ýmsum trúnaðarstörfum fyrir hjúkr-
unarfræðinga, var í varastjórn HFÍ 1973-77, í stjórn frá
1977, þar af formaður 1977-1978, í stjórn Reykjavíkur-
deildar HFÍ 1974-1977, í kjararáði HFÍ frá 1976, í SSN
nefnd 1978 og í fræðslunefnd BSRB 1976-1979. Eftir
svæðaskiptingu félagsins var hún fyrsti formaður Austur-
landsdeildar Hjúkrunarfélags íslands. Hún hefur einnig setið
í stjórn Krabbameinsfélags íslands og Tóbaksvarnarnefnd
og er nú formaður í Krabbameinsfélagi Héraðssvæðis.
Hún segist hafa verið á leið í meistaranám f hjúkrun í
mörg ár, en alltaf hafi stjórnmálin tekið í taumana, fyrst
bæjarmálin og nú landsmálin. „Ég hef verið átta ár í bæjar-
stjórn, þar af forseti bæjarstjórnar síðustu fjögur árin. Ég
var ákveðin í að hætta, sérstaklega eftir landsfund Alþýðu-
bandalagsins sl. sumar, fann mig einhvern veginn ekki í
breiðfylkingunni. Þar sem ég var varamaður Hjörleifs
Guttormssonar á þingi, kynntist ég Vinstri hreyfingunni -
grænu framboði og eftir það var ekki aftur snúið.“
Kosninganóttina segir hún hafa verið ótrúlega spenn-
andi. „Ég var inni mest allan tímann, ýmist sem kjördæma-
kjörin eða uppbótarþingmaður, datt út einu sinni en vissi
ekki af því þar sem ég var á leiðinni í viðtal og er þangað
kom var ég komin inn aftur! Kosningamiðstöð okkar vinstri
- grænna var þjónustumiðstöð við tjaldstæðið sem skap-
aði skemmtilega umgjörð utan um hátíðarhöldin kosninga-
nóttina."
Þuríður er mikil útivistarkona og hefur yndi af
ferðalögum bæði innanlands og utan. Sjónvarpsáhorf-
endur sáu hana að störfum í garði við hús sitt á
Egilstöðum að loknum kosningunum og hún segist njóta
þess að slaka af við störf í garðinum, en þau hjón hafa
plantað um 100 mismunandi trjátegundum þar. Aðspurð
um hvaða málum hún hyggist beita sér fyrir á þingi segir
hún umhverfismálin vega þungt, svo og heilbrigðismál,
byggðamál og þau mál almennt sem hafi höfðað til hennar
hjá vinstri - grænum. „Að öðru leyti fer ég í alla þá vinnu
sem ég verð sett í, það verður að öllum líkindum nóg að
gera hjá okkur næstu vetur þar sem þingflokkurinn er ekki
mjög stór.“
vkj
206
Tímarit hjúkrunarfræðinga • 3. tbl. 75. árg. 1999