Tímarit hjúkrunarfræðinga - 01.10.2005, Page 5

FORMANNSPISTILL
Elsa B. Friöfinnsdóttir
Tími til breytinga
Starfsáætlun stjórnar Félags íslenskra hjúkrunar-
fræðinga fyrir tímabilið 2005-2007 var afgreidd
samhljóða á fulltrúaþingi félagsins í maí sh Segja
má að tvennt einkenni þessa starfsáætlun, þ.e. að
aðalkjarasamningar félagsins eru í höfn til 2008
og að mikil endurskoðun á starfsemi félagsins er
framundan.
A tímamótum hefur tíðkast að líta yfir farinn
veg, meta árangur af störfum, horfa til framtíðar
og breytinga sem hugsanlega væru til bóta.
Félag íslenskra hjúkrunarfræðinga fagnaði 10 ára
sameiningarafmæli og 85 ára afmæli á síðasta
ári. Slík tímamót eru kjörin til endurskoðunar á
starfsemi félagsins. Ljóst má vera að uppbygging
og ýmsar áherslur í starfi félagsins hafa að
mörgu leyti ekki verið í takt við nýja tíma,
nýja tækni og nýjar áherslur í menntunarmálum
og heilbrigðisþjónustu. Forsvarsmenn félags,
sem í senn er fagfélag og stéttarfélag, þurfa
jafnan að vera vakandi yfir kröfum og þörfum
iélagsmanna sinna og leitast við að félagið
þjóni félagsmönnunum sem best. Þá er einnig
mikilvægt að uppbygging félagsins sé þannig að
hjúkrunarfræðingum finnist þeir geta haft áhrif á
áherslur í störfum þess og framgang mála eftir því
sem við á hverju sinni.
I starfsáætluninni er gert ráð fyrir að gerð verði
viðamikil könnun á starfsemi félagsins nú á
haustmánuðum. Um fjórþætta könnun verður
að ræða; í fyrsta lagi verður almenn þjónusta
skrifstofu og starfsmanna félagsins skoðuð; í öðru
lagi verður kallað eftir viðhorfum félagsmanna
til nýtingar þess fjár sem greitt er í orlofssjóð
félagsins; í þriðja lagi verður leitað upplýsinga um
símenntun hjúkrunarfræðinga og hvert hlutverk
félagsins á að vera í þeim málum; og í fjórða lagi
verður spurt um viðhorf hjúkrunarfræðinga til
efnistaka í tímaritinu okkar.
Hlutverk skrifstofu félagsins og starfsmanna þess
er fyrst og fremst að þjónusta hjúkrunarfræðinga
og gæta hagsmuna þeirra á víðum grunni. Með
hreytingum í samskiptatækni og upplýsingagjöf
opnast nýjar leiðir til að þjónusta hjúkrunarfræð-
inga. Ymsir þjónustuþættir félagsins byggjast á
gömlum hefðum sem krefjast endurskoðunar.
Elsa B. Friöfinnsdóttir
Upplýsingar frá félagsmönnum um ánægju
þeirra t.d. með upplýsingagjöf og fræðslu,
um hagsmunagæslu í réttindamálum, um
vefsvæði félagsins, um almenna afgreiðslu, og
reyndar starfsemina í heild, eru grundvöllur
réttra áherslna í þjónustu félagsins.
Á hverju vori berast allmargar kvartanir til skrifstofunnar vegna
ráðstöfunar orlofsfjár félagsins. Launagreiðandi greiðir nú
0,25% af heildarlaunum hvers hjúkrunarfræðings í orlofssjóð
félagsins. Eins og fram kemur í starfsreglum orlofssjóðs Fíh
er tilgangur sjóðsins að auðvelda hjúkrunarfræðingum að njóta
orlofs síns. Hvort það er best gert með því að bjóða upp á sem
flesta sumarbústaði, orlofsíbúðir hérlendis og/eða erlendis, eða
veita hjúkrunarfræðingum orlofsstyrki, er hjúkrunarfræðinga
sjálfra að svara.
Hjúkrunarfræðingar leggja milda áherslu á að viðhalda þekkingu
I sinni í hjúkrun og afla sér þekkingar á öðrum sviðum. Fjölmargar
umsóknir í starfsmenntunarsjóð félagsins bera því glöggt
vitni. Félag íslenskra hjúkrunarfræðinga hefur undanfarin
ár ekki átt virka aðild að sí- og endurmenntunarmálum
hjúkrunarfræðinga. Að því leyti hefur faghluti félagsins vikið
fyrir stéttarfélagshlutanum. Hvert hlutverk félagsins á að vera í
símenntunarmálum er þó óljóst, ekki síst með hliðsjón af ágætu
framboði á styttri og lengri námskeiðum og formlegu námi.
Tímarit félagsins hefur löngum mátt sæta gagnrýni. Sitt sýnist
hverjum um efnistök. Á meðan sumir hjúkrunarfræðingar
kvarta yfir því að blaðið sé allt of þungt, allt of mikið sé af
rannsóknagreinum þar sem hver tilvitnunin relcur aðra, kvarta
aðrir yfir því að auka þurfi vægi fræðilegs ritrýnds efnis til að
gera tímaritið að sönnu vísindariti. Gagnrýni á efnistök blaðsins
er ekki ný af nálinni. I 4. tbl. Tímarits Hjúkrunarfélags Islands
frá 1970 birtist lesendabréf þar sem finna mátti eftirfarandi
umsögn um tímaritið og í raun einnig félagið: „Blaðið er, eins
og félagið, sem gefur það út: dauf glansmynd. Þar er svo til
aldrei tekið á þeim málefnum, sem verða að teljast stórvægileg
fyrir hjúkrunarstéttina.“ Vonandi líta fáir hjúkrunarfræðingar
félagið sitt og tímaritið þessum augum í dag en áherslur í
efnistökum blaðs, sem í senn á að vera fræðandi og upplýsandi
fyrir félagsmenn en einnig að vera kynning á félaginu út á við,
verða að vera þannig að hver og einn hjúkrunarfræðingur kynni
sér meginefni hvers tölublaðs og sé stoltur af „tímaritinu sínu“.
Afrakstur könnunar eins og hér er lýst er alfarið háður
þátttöku hjúkrunarfræðinga sjálfra. Því fleiri svör og því fleiri
ábendingar sem fást, þeim mun betri árangurs má vænta. Eg
biðla því hér með til hjúkrunarfræðinga að þeir bregðist vel
við, svari könnuninni fljótt og vel og hjálpi þannig stjórn og
starfsmönnum félagsins við að gera gott félag enn betra.
Tímarit hjúkrunarfræðinga 3. tbl. 81. árg. 2005