Tímarit hjúkrunarfræðinga


Tímarit hjúkrunarfræðinga - 01.10.2005, Blaðsíða 50

Tímarit hjúkrunarfræðinga - 01.10.2005, Blaðsíða 50
sem væri öruggt umhverfi fyrir sjúklinginn væri einnig öruggt umhverfi fyrir hjúkrunarfræðinginn". Fulltrúar ICN bentu á að það hefðu verið gefnar út leiðbeiningar á alþjóðavettvangi af ICN um hvaða þjálfun þyrfti til að starfa á hverju sviði fyrir sig. Einnig um hlutfall hjúkrunarfræðinga og sjúklinga á hinum mismunandi sviðum. Því hefði verið unnin töluverð vinna af hálfu ICN íþessum málaflokkum. Þá kom fram að mörg lönd myndu ekki geta uppfyllt þessar leiðbeiningar, því var einnig kallað eftir leiðbeiningum um hvort og þá hvar mætti draga úr kröfunum, hverjar væru lágmarkskröfurnar. Af þessum umræðum var Ijóst að nokkuð langt er í land í þessum málum og að alþjóðasamfélag hjúkrunarfræðinga á eftir að vinna verulega í öryggismálum sjúklinga og hjúkrunarfræðinga á næstu árum. Nánari samantekt frá vinnuhópunum verður send frá ICN til aðildarfélaganna þegar búið er að vinna úr fundargögnum. Að lokinni vinnu í umræðuhópunum héldu áfram hefðbundin fundarstörf. Mikill tími og umræður höfðu farið í skýrslu formanns ICN og því varð lítill tími fyrir skýrslu framkvæmdastjóra samtakanna en hún er mjög ýtarleg og fjallar um starfsemi skrifstofu ICN. Einnig var farið yfir reikninga ICN og lá fyrir fundinum tillaga frá stjórn um að hækka árgjald aðildarfélaganna til ICN og var hún samþykkt. Það er hefðbundið að stjórn ICN kynni fyrir fulltrúum aðildarfélaganna þau málefni sem hafa haft mikil áhrif á störf hjúkrunarfræðinga og félög þeirra undanfarið. I ár voru það Bernard Ascher, fyrrverandi framkvæmdastjóri Service Industry Affairs of the Office of the U.S. Trade Representative, en hann fjallaði um frjálsan flutning heilbrigðisstarfsfólks milli landa samkvæmt alþjóðasamningum GATS; og síðan prófessor James Buchan frá Queen Margaret University College í Edinborg sem fjallaði um fólksflutninga og reglugerðir, stöðuna í dag. Flutningur hjúkrunarfólks milli landa hefur haft mikil áhrif á stöðu heilbrigðisþjónustunnar í þeim löndum sem fólkið flytur frá til hins verra en leysir ekki allan vanda í þeim löndum sem það kemur til. Voru þetta mjög fróðlegir fyrirlestrar sem góður rómur var gerður að. Síðast en ekki síst voru kynningar frá tveimur hjúkrunarfélögum í Asíu sem sögðu frá reynslu sinni vegna „tsunami"- jarðskjálftans þar. Voru það formaður hjúkrunarfélagsins í Indónesíu og formaður hjúkrunarfélagsins í Srí Lanka. Kom það fram í málflutningi þeirra hversu erfitt þetta hefði verið, en heimamenn voru nokkuð fljótir að ná tökum á aðstæðum og að besta aðstoðin utan frá hefði verið fjárframlög beint til hjúkrunarfélaganna sjálfra. Að lokinni aðalráðstefnu ICN hinn 28. maí fórum við í fagheimsókn til Buddhist Tzu Chi-háskólasjúkrahússins Tímarit hjúkrunarfræðinga 3. tbl. 81. árg. 2005 í Hualien, Taívan (http://www.tccn.edu.tw/). Var þetta hin fróðlegasta heimsókn. Okkur var sýndur háskólinn, umhverfi hans og kennslu- og námsaðstaða. Einnig nokkrar rannsóknar- og sjúkradeildir sjúkrahússins. Sjúkrahússamfélag þetta byggðist upp á kærleiksboðskap búddanunnunnar Cheng Yen sem stofnaði sjúkrahúsið og samtökin sem eru því téngd. Var öll umgjörð sjúkrahússins hin fallegasta og heimsóknin mjög ánægjuleg. Samtök þessi starfa um allan heim með það að markmiði að koma þeim til hjálpar sem þess þurfa. Þessi samtök byrjuðu 1966 með aðeins 30 meðlimum en hafa vaxið og telja nú um fjórar milljónir meðlima í dag. Markmiðið er að hjálpa þeim fátækari og mennta þá betur settu til að deila hvorir með öðrum auðlegð hvorra um sig. Þessi samtök hafa komið til aðstoðar þegar náttúruhamfarir hafa átt sér stað víða um heim. Þau hafa einnig komið til hjálpar og veitt þeim læknishjálp sem ekki hafa sökum fjárskorts getað leitað sér aðstoðar og læknishjálpin í heimalandinu ekki þess megnug að veita aðstoðina. Næsti fundur og ráðstefna ICN verða haldin 27. maí til 1. júní 2007 í Yokohama í Japan. Erlín Óskarsdóttir júlí 2005
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60

x

Tímarit hjúkrunarfræðinga

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tímarit hjúkrunarfræðinga
https://timarit.is/publication/1159

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.