Tímarit hjúkrunarfræðinga - 01.10.2005, Side 28

Bergdís H. Kristjánsdóttir, hjúkrunarfræöingur
Undirrituð var ráöin til þess af Fíh á vormisseri 2005 aö safna og skrá
muni sem tengjast hjúkrun, í samvinnu við Þjóðminjasafnið.
Ég er hjúkrunarfræðingur frá HSÍ, útskrifuð 1964. Hef unnið við ýmis
hjúkrunarstörf hér heima og í Svíþjóð, þó lengst af á skurðstofum og viö
stjórnunarstörf. Tók sérnám á skurðstofu og í stjórnun.
Sá hluti nefndarinnar sem leitaði leiöa til að safna
og varðveita hjúkrunarmuni hóf störf haustið 2001.
í skýrslu sem sú nefnd skilaði til stjórnar í febrúar
2003 má skoða undirbúningsvinnuna sem fram fór, s.s.
vettvangsheimsóknir og viðræður við marga aðila, þar á
meðal Þjóðminjasafnið.
Þegar Landspítalinn átti 60 ára starfsafmæli 1990 fékk ég það hlutverk
að setja upp sjúkrastofu sem sýna átti gamla og nýja tímann.
Ekki hafði farið fram nein markviss söfnun á munum á spítalanum
þannig að töluverð vinna var fólgin í því að draga fram úr geymslum og
skotum muni sem þar höfðu dagaö uppi. Viö það vaknaöi áhugi minn á
því að safna gömlum munum í hjúkrun.
í byrjun árs 2000 skipaði stjórn Fíh sögu- og minjanefnd. Fékk ég sæti
þar. Nefndinni var ætlað þaö hlutverk annars vegar aö skoða og ákveða
á hvern hátt mætti skrá og varðveita sögu hjúkrunar á íslandi, og hins
vegar að leita leiða til að safna saman og varðveita minjar sem tengjast
hjúkrun með það í huga að stofnsetja minjasafn hjúkrunar.
Á næsta vori er von á bók Margrétar Guðmundsdóttur sagnfræðings um
sögu hjúkrunar á íslandi þannig aö þeim þætti er nær lokið.
í framhaldi af því var tekin sú ákvörðun að ráöa
starfsmann í hlutastarf til að safna og skrá muni
í samvinnu við Þjóðminjasafniö. Síðastliðið vor var
undirrituð ráðin til starfans.
Við munum byrja á að skrá þá muni sem til eru í dag og
eru í eigu félagsins og Landspítala - háskólasjúkrahúss.
Síðar munum við skrá, ef eigendur óska eftir, þá muni
sem til eru víðsvegar um landið. Ekki þarf að flytja
munina sem þegar eru á ýmsum stöðum á landinu en
fengur væri að því að hafa þá skráða og þar með merkt
hvar þeir eru varðveittir. Ef munaskrá er aðgengileg eru
alltaf möguleikar á að setja upp sýningar, bæði minni
og stærri. i byrjun starfs mins hef ég einbeitt mér að
búningum og er sá þáttur kominn nokkuð á skrið.
Tímarit hjúkrunarfræöinga 3. tbl. 81. árg. 2005