Tímarit hjúkrunarfræðinga - 01.10.2005, Page 30

Herdís Jónasdóttir
Ráðstefna um heildræna nálgun umönnunar
innan heilbrigðisþjónustunnar
„Do you know Erna Haraldsdottir?" var meðal þess sem Christopher Johns spurði mig á fyrsta fundi okkar
á Englandi í febrúar 2003. Hann hafði samþykkt að vera leiðbeinandi minn í rannsóknarverkefni mínu
til meistaragráðu við RCNI (Royal College of Nursing Institute) á Englandi (í fjarnámi í gegnum Háskóla
Akureyrar). Það var mjög sérstakt að hann skyldi spyrja mig að þessu því viö Erna höfðum kynnst á sínum
tíma þegar ég hóf störf á krabbameinslækningadeild Landspítalans. Ég sagðist þekkja hana já, en vissi að hún
væri nú flutt til Edinborgar og væri í doktorsnámi sínu þar í tengslum við líknandi hjúkrun. Þá sagöi hann
mér að Erna, Sigríður Halldórsdóttir prófessor og hann hefðu hist á ráðstefnu fyrir nokkrum árum sem var um
líknandi meöferð og þau hefðu haft áhuga á að setja saman ráðstefnu um svipað efni á Islandi.
Christopher Johns er með þekktari nöfnum innan hjúkrunar
hvað viðkemur þróun og innleiðingu á virkri ígrundun í starfi
(reflective practitioner). Hann er upphafsmaður ráðstefnu
sem er haldin árlega þar sem fagaðilar koma saman og ígrunda
ákveðin málefni innan heilbrigðisþjónustunnar. Hann spurði
mig hvort ég hefði áhuga á að vera með þeim í að undirbúa
ráðstefnu á Islandi sem væri ígrundun á heildrænni umhyggju
(reflection on holistic care).
Frá því ég kynntist ígrundun í meistaranámi mínu
hef ég haft mikinn áhuga á því og hafði einnig
leitt hugann að því hvernig hægt væri að hafa
góða kynningu á því hér á landi. Með ráðstefnu
er væri ígrunduð (reflective) gæfist einstakt
tækifæri til að koma á fót almennri umræðu um
virka ígrundun í starfi sem og heildræna nálgun
innan heilbrigðisþjónustunnar.
28
Tímarit hjúkrunarfræöinga 3. tbl. 81. árg. 2005