Tímarit hjúkrunarfræðinga - 01.08.2006, Blaðsíða 29
Alheimsathvarf (Global Retreat Center) í Oxford
auknum lærdómi, sjálfsþekkingu og
auknum samskiptahæfileikum. Ég lenti
í vinnuhópi sem í voru konur eingöngu
og við bjuggum í sameiningu til risastórt
skip sem sigldi milli heimshafna með
heilunarstöð innanborðs. Við fengum
kassa með ýmsum efnum til að vinna
að hugarfóstri okkar, og með skærum,
litum, efnisbútum, pappír og öðrum
verkfærum ásamt því að vinna saman
að skipulagningu og úrlausn hugmyndar
varð hin siglandi heilunarstöð til. Það
var gaman að fylgjast með ráðsettu
fólki „leika sér“ en námsefnið byggist á
ýmsum æfingum þar sem sköpunargleði
og leikur fá að njóta sín. Á milli. voru
slökunaræfingar og æfingar sem
byggðust á sjónmyndun og líkamsæfingar
til að fá blóðið til að streyma eftir langar
setur. Þátttakendur voru sammála um
að þeir hefðu fengið nýja sýn á störf sín
enda voru þeir hvattir til að lýsa afstöðu
sinni til ýmissa vandamála og þeir lærðu
að hlusta betur á sjálfa sig og aðra.
Sumir sögðu að þeir hefðu að lokinni
ráðstefnunni velt meira fyrir sér hvers
vegna þeir ynnu tiltekin störf fremur en
hvernig þeir ynnu þau. Fulltrúar nokkurra
landa veltu fyrir sér hvernig unnt væri að
koma á breytingum innan heilbrigðiskerfa
landa sinna. Og flestir fóru með nokkrar
spurningar í farteskinu til að svara þegar
heim væri komið.
Á mánudagsmorgni var kominn tími til
að kveðja og fara aftur út í grákaldan
hversdagsleikann. Meðan ég beið eftir
leigubílnum fékk ég mér sæti á „drauma-
bekknum" en það er ósköp venjulegur
bekkur sem er fyrir utan sveitasetrið og
hefur hlotið þessa nafngift, líklega til að
lyfta anda þeirra sem á hann setjast.
Er bíllinn rann í hlað kom í Ijós að
franski skurðlæknirinn gat deilt bílnum
með mér.
Þegar leigubíllinn nálgaðist rútubílastöðina
í Oxford velti ég fyrir mér þeim lærdómi
og þeirri reynslu sem helgin hafði fært
mér. Líkt og um alla góða og nýja reynslu
var hugurinn upptekinn af því að melta
hana og hefur haldið því áfram síðan...
Tímarit hjúkrunarfræöinga - 3. tbl. 82. árg. 2006