Morgunblaðið - 06.04.2017, Page 28

28 FRÉTTIRInnlent
MORGUNBLAÐIÐ FIMMTUDAGUR 6. APRÍL 2017
Kringlunni • Sími 568 7777 • heyra.is HEYRNARSTÖ‹IN
Enn snjallara heyrnartæki
Beltone Legend
Nýja Beltone Legend™ heyrnartækið tengist þráðlaust beint í iPhone, iPad og iPod touch.
Komdu í ókeypis heyrnarmælingu og fáðu heyrnartæki lánað til reynslu.
Beltone Legend gengur með iPhone 6s og eldri gerðum, iPad Air, iPad (4. kynslóð), iPad mini með Retina, iPad mini og iPod touch (5. kynslóð) með iOS eða nýrra stýrikerfi.
Apple, iPhone, iPad og iPod touch eru vörumerki sem tilheyra Apple Inc, skráð í Bandaríkjunum og öðrum löndum.
™
Ókeypis
heyrnarmælingsíðan 2004
Sigtryggur Sigtryggsson
sisi@mbl.is
Dagur B. Eggertsson borgarstjóri
og Birna Einarsdóttir, bankastjóri
Íslandsbanka, skrifuðu nýlega undir
samning um byggingarrétt og upp-
byggingu á Kirkjusandi þar sem
byggðar verða um 300 íbúðir af öll-
um stærðum og gerðum á 9 lóðum.
Gert er ráð fyrir allt að 300 nýjum
íbúðum í fjölbýli á 31.000 fermetrum
en hverfið verður blanda atvinnu- og
íbúðabyggðar þar sem atvinnu-
húsnæði verður um 48.000 fermetr-
ar. Heildarstærð húsnæðis ofanjarð-
ar verður um 79.000 fermetrar.
Bjarg íbúðafélag, sem er húsnæð-
issjálfseignarstofnun ASÍ og BSRB,
fékk úthlutaðan byggingarrétt á
Kirkjusandi við Hallgerðargötu en
þar er gert ráð fyrir 63 íbúðum. Þá
munu Félagsbústaðir einnig eignast
íbúðir á reitnum.
Í skipulagi er gert ráð fyrir al-
menningstorgi á svæðinu, nýjum
leikskóla ásamt verslun og þjónustu
sem nýtist íbúum hverfisins sem og
öðrum borgarbúum. Bílastæði verða
flest neðanjarðar og lögð er áhersla
á góðar gönguleiðir og hjólastíga. Á
næstu vikum verður gefin út nánari
framkvæmdaáætlun um uppbygg-
ingu á svæðinu, að því er upplýst
var við undirritunina.
Kirkjusandsreitur liggur í beinu
framhaldi af einu stærsta atvinnu-
svæði borgarinnar við Borgartún
ásamt því að liggja samhliða rótgró-
inni íbúðabyggð við Laugarnesveg
og Kirkjusand. Svæðið er við sjáv-
arsíðuna og mynni Laugardals.
Strætisvagnar Reykjavíkur voru
með bækistöðvar sínar á Kirkju-
sandi í rúmlega hálfa öld eða fram
til ársins 2001. Það er einmitt á
svæði Strætó sem hin nýja byggð
hefur verið skipulögð.
Glitnir eignaðist Strætólóðina
Fróðlegt er að rifja upp að fyrir
rúmum áratug voru menn með
metnaðarfull áform um byggingu
íbúða- og skrifstofuhúss á Stætólóð-
inni. Bankinn Glitnir, sem var með
höfuðstöðvar á Kirkjusandi, keypti
Strætólóðina árið 2006 á 972 millj-
ónir króna. Efnt var til alþjóðlegrar
samkeppni um skipulag á svæðinu
þar sem gera átti ráð fyrir nýjum
höfuðstöðvum Glitnis auk frekari
skrifstofubygginga og takmark-
aðrar íbúðabyggðar. Arkitekta-
stofan Monarken í Svíþjóð fór með
sigur af hólmi. Fékk lóðin nafnið
Glitnisreitur.
Á seinni stigum var tillögunni
breytt í þá veru, að íbúðabyggð var
stækkuð umtalsvert og skrifstofu-
byggingum fækkað. Í greinargerð
arkitektanna sagði að meginmark-
mið deiliskipulags fyrir svæðið væri
að skapa ramma fyrir skrifstofu-
svæði („business park“) í háum
gæðaflokki og með afgerandi virðu-
leika í bland við íbúðahúsnæði og
þjónustustarfsemi. Einnig að móta
skjólsæl útirými af háum gæðum
sem stuðli að öflugu mannlífi þar
sem svo til öll bílastæðaþörf sé leyst
í neðanjarðargeymslum.
Reitnum átti að skipta upp í 7
byggingarlóðir sem hverfist um „að-
algötu“ milli Kirkjusands og Borg-
artúns og skipti reitnum í tvö und-
irsvæði. Annars vegar atvinnu- og
íbúðasvæði næst Sæbraut og hins
vegar hreina íbúðabyggð samsíða
núverandi íbúðabyggð við Laugar-
nesveg.
Allar byggingarnar áttu að vera
hvítar og klæddar sléttri klæðingu,
múraðar og klæddar málmplötum
eða flísum. Íbúðabyggingarnar áttu
að vera 4-11 hæðir. Hins vegar var
byggingamagn óákveðið á þessum
tíma. Rífa átti byggingu bankans og
byggja nýjar höfuðstöðvar. Þær
áttu að vera 14 þúsund rúmmetrar,
helmingi stærri en þær sem rífa átti.
En í kjölfar bankahrunsins 2008
beyttist allt. Glitnir varð gjaldþrota,
Nýi Glitnir tók við og hann varð
skömmu síðar Íslandsbanki.
„Starfsfólk bankans gerir sér fulla
grein fyrir því að nafnið Glitnir hef-
ur beðið hnekki í því aftakaveðri
sem gengið hefur yfir íslenskt fjár-
málalíf undanfarna tvo mánuði,“
segir Birna Einarsdóttir bankastjóri
í tilkynningu 17. desember 2008.
Þráðurinn tekinn upp að nýju
Byggingaáformin, sem voru á for-
ræði Lóms ehf., dótturfélags Glitnis,
voru lögð til hliðar en nú hefur þráð-
urinn verið tekinn upp aftur með
nýju skipulagi og nýjum arkitekt-
um.
Á Kirkjusandi stendur mikil
bygging sem upphaflega var reist
sem frystihús uppúr 1950. Í núgild-
andi skipulagi á þetta hús að standa
en það kann að breytast.
Tölvumynd/Monarken
Fyrri áform Hér er horft frá sjónum. Allar byggingarnar á reitnum áttu að vera hvítar
Kirkjusandur fær nýja ásýnd
 Innan skamms hefst á reitnum uppbygging 300 íbúða hverfis  Heildarstærð húsnæðis ofanjarðar
verður um 79.000 fermetrar  Glitnir hafði skipulagt byggð á reitnum áður en bankarnir hrundu
Tölvumynd/ASK-arkitektar
Seinni áform Byggðin verður lægri. Ljósi liturinn allsráðandi en smá litur kominn á húsin.
Enn hefur
ekki verið
tekin
ákvörðun
um framtíð
Íslands-
bankahúss-
ins á Kirkju-
sandi, að
sögn Eddu
Hermannsdóttur, samskipta-
stjóra bankans. Sérfræðingar
eru að skoða húsið og meta
ástand þess.
Mygla fannst í húsinu í
fyrra og í framhaldinu voru
höfuðstöðvar bankans fluttar
í Norðurturninn við Smára-
lind. Skrifstofubyggingin er
7.719 fermetrar. Verði hún rif-
in verður til verðmætt bygg-
ingarland.
Framtíðin er
enn óráðin
ÍSLANDSBANKAHÚSIÐ
Ríkarður Másson, fyrr-
verandi sýslumaður á
Sauðárkróki, lést á
sjúkrahúsinu á Sauðár-
króki mánudaginn 4.
apríl.
Ríkarður fæddist 29.
janúar 1943 í Reykja-
vík og ólst þar upp.
Hann lauk stúdents-
prófi frá MR 1964,
stundaði nám í læknis-
fræði við HÍ 1964-66 og
lauk embættisprófi í
lögfræði við HÍ 1975.
Ríkarður var fulltrúi
hjá sýslumanninum í
Barðastrandarsýslu 1975-76 og hjá
sýslumanninum í Dalasýslu 1975-76,
hjá bæjarfógetanum í Hafnarfirði,
Garðabæ og á Seltjarnarnesi og
sýslumanninum í Kjósarsýslu 1976-
77, fulltrúi hjá sýslumanninum í Snæ-
fellsnes- og Hnappa-
dalssýslu 1976 og 1977-
83, settur sýslumaður í
Strandasýslu 1980, sett-
ur sýslumaður í Snæ-
fellsnes- og Hnappa-
dalssýslu 1982, skipaður
sýslumaður í Stranda-
sýslu 1983, skipaður
sýslumaður á Hólmavík
1992 og var skipaður
sýslumaður á Sauðár-
króki 1996 og gegndi
auk þess setudómara-
störfum.
Ríkarður var for-
maður Rauða kross-
deildar Strandasýslu 1984-92, for-
maður Sjálfstæðisfélags Stranda-
sýslu 1986-91 og sat í stjórn Sýslu-
mannafélags Íslands 1986-93.
Eftirlifandi eiginkona Ríkarðs er
Herdís Þórðardóttir.
Andlát
Ríkarður Másson
ÞÚ FINNUR ALLT Á FINNA.IS
HVAR ER NÆSTA
VERKSTÆÐI?