Skírnir - 01.09.2014, Blaðsíða 139

363snorri í odda
sögumaður árið 1215. Við lögsögumannatal vekur það athygli hvað
við vitum lítið um marga sem þar eru taldir upp. Hérna er skrá um
lögsögumenn á bilinu 1108–80:
Úlfhéðinn Gunnarsson 1108–1116
Bergþór Hrafnsson 1117–1122
Guðmundur Þorgeirsson 1123–1134
Hrafn Úlfhéðinsson 1135–1138
Finnur Hallsson prestur 1139–1145
Gunnar Úlfhéðinsson 1146–1155
Snorri Húnbogason prestur 1156–1170
Styrkár Oddason 1171–11808
Við vitum að Snorri prestur Húnbogason bjó að Skarði á Skarðs -
strönd og mun hafa verið goðorðsmaður en var sennilega afar
friðsamur því hann kemur ekkert við sögu. Um 1150 bjó Oddi Þor-
gilsson frá Staðarhóli á sjálfu Skarði og því líkast sem Snorri hafi
dregið sig í hlé (Sturlunga saga I 1946: 64, 66). Vegna þessarar bú-
setu Odda dettur manni í hug að Skarðsbóndinn Snorri Húnboga-
son hafi verið undirgefinn Þorgilsi á Staðarhóli og Odda, syni hans,
og kannski lögsögumaður í skjóli þeirra. Guðmundur Þorgeirsson
hét mágur Þorgils Oddasonar og var í liði hans, kannski var það
lögsögumaðurinn með þessu nafni og var þá líka í skjóli Þorgils.
Úlfhéðinn Gunnarsson telst í gömlum ættartölum hafa verið sonur
Gunnars hins spaka sem var lögsögumaður en þeir munu ekki hafa
verið goðorðsmenn eða náskyldir þeim, m.ö.o. ekki valdamiklir
höfðingjar. Hrafn Úlfhéðinsson telst í ættartölu vera sonur Úlf -
héðins lögsögumanns og það er giskað á að Gunnar Úlfhéðinsson
hafi líka verið sonur hans (Gísli Sigurðsson 2002: 74 87). Hér eru þá
lítt þekktir feðgar sem hafa sennilega valist til starfs lögsögumanns
af því að þeir voru vel að sér um lög, þeir voru sérfræðingar á laga -
sviðinu en ekki valdamenn. Þeir hafa væntanlega staðið í skjóli ein-
hverra höfðingja en um það er ekki vitað. En lögsögumenn þurftu
ekki að vera stórættaðir eða eiga mikið undir sér, eins og sést þegar
hugað er að Styrkári Oddasyni. Björn M. Ólsen benti á að Styrkár
skírnir
8 Um lögsögumenn er farið eftir skrá í Jón Jóhannesson 1956: 427 428.
Skírnir Haust 2014 umbrot.qxp_Layout 1 6.10.2014 13:19 Page 363