Jökull - 01.01.2013, Page 136

Magnús T. Guðmundsson
Úr vorferð: Á Tungnaárjökli á heimleið 3. júní. Jökullinn var sem eyðisandur yfir að líta. – Spring expedition:
Ash from the Grímsvötn eruption blanketed the glacier. Ljósm./Photo. MTG.
en þar sem suðuvél var með í för tókst að koma bílnum
saman og fór hann síðan klakklaust til Reykjavíkur.
Að auki var farin dagsferð á Mýrdalsjökul til afkomu-
mælinga um vorið. Hinar ferðirnar voru vinnuferðir í
Jökulheima.
ÁRSHÁTÍÐ
Haldin var árshátíð laugardagskvöldið 5. nóvember
í Reiðhöllinni í Víðidal eftir fordrykk í boði Garmin
búðarinnar í Ögurhvarfi 2 í Kópavogi. Í Víðidal var
borinn fram matur og síðan stiginn dans eins og hver
orkaði. Hátíðin var vel heppnuð og þátttakendur voru
um 50. Skemmtinefnd bar hitann og þungann af und-
irbúningi en forystu hafði nýr formaður, Hlín Finns-
dóttir.
SAMÚT
Ástvaldur Guðmundsson var valinn í svæðisráð Vest-
ursvæðis Vatnajökulsþjóðgarðs sem fulltrúi SAMÚT.
Á árinu lauk einnig setu Magnúsar Hallgrímsson-
ar sem áheyrnarfulltrúa í stjórn Vatnajökulsþjóðgarðs
fyrir hönd SAMÚT.
LOKAORÐ
Það starfsár sem nú er á enda runnið er það 62. í röð-
inni. Það var um líkt mörgum þeim sem á undan fóru
enda snýst starfsemin að verulegum hluta um lang-
tímaverkefni í samræmi við markmið félagsins, að
efla jöklarannsóknir, gefa út tímaritið Jökul og stuðla
að ferðalögum um jökla. Í þessu skyni stendur félagið
fyrir ferðum þar sem gerðar eru mikilvægar mæling-
ar og hefur lagt krafta sína í að byggja upp aðstöðu
á jöklum fyrir vísinda- og ferðamenn, ekki síst með
smíði og rekstri skálanna á Grímsfjalli og í Jökulheim-
um. Horfur eru á að þessi meginverkefni muni halda
áfram á næstu árum. Félagið þarf því stöðugt að huga
að endurnýjun í sínum röðum. Það þarf áhugasama
vísindamenn, vísindalega sinnaða áhugamenn og yf-
ir höfuð fólk sem hefur gaman að hæfilegu basli og
langar til að taka til hendinni við þjóðþrifaverk. Með-
an slíkt fólk býður sig fram til starfa mun félaginu vel
farnast.
Magnús Tumi Guðmundsson
136 JÖKULL No. 63, 2013