Jökull - 01.01.2013, Qupperneq 141

Vorferð Jöklarannsóknafélags Íslands 2011
Á leið upp Tungnaárjökul. Gjóskan lá í sköflum langleiðina upp Tungnaárjökul. – Tephra on Tungnaárjökull.
Ljósm./Photo. MTG.
Vatnajökulsferð á næstunni. Henni var því frestað um
ókveðinn tíma. En á þriðja degi gossins dró mjög
úr því og á fimmta degi þess var afráðið að leggja í
heldur styttri og fámennari ferð en upphaflega stóð til
jafnskjótt og gosi lyki.
Gjóska þakti nú allan vestanverðan Vatnajökul og
vegna hennar var ljóst að breyta þyrfti verulega ferða-
mátanum. Vélsleðar áttu ekki erindi í þessa ferð og
snjóbílar ekki heldur. Eingöngu yrði farið á jeppum
og öðrum bílum sérbúnum til jöklaferða.
Áætlunin um ferðina gekk upp, því sunnudaginn
29. maí, degi eftir að eldurinn slokknaði, lagði 19
manna hópur af stað í Jökulheima. Vegna gossins
var hætt við sum verkefni en önnur tekin upp í stað-
inn. Aðalviðfangsefnið varð að sjálfsögðu að rann-
saka ummerki um gosið.
Fyrsta daginn ókum við í Jökulheima. Fyrir innan
Búrfell voru fjöll öll grákrímótt af gjósku og kringum
Jökulheima voru á stöku stað litlir gjóskuskaflar, en
mikill vindur af norðaustri hafði verið daginn áður. Í
Jökulheimum var askan þrifin úr húsunum og kom í
góðar þarfir ryksuga sem tekin hafði verið með í því
augnamiði. Sama þurfti að gera á Grímsfjalli þegar
þangað kom. Innandyra á fjallinu var þó heldur minni
aska enda húsin mun þéttari.
Mánudaginn 30. maí var haldið upp Tungnaárjök-
ul til Grímsvatna í góðu færi. Auk þess var GPS tækj-
um komið fyrir á Pálsfjalli og Hamrinum og gjósku-
þykktir mældar víðsvegar um suðvesturhluta jökuls-
ins. Einnig var hægt að fara fram á brúnir Gríms-
fjalls austan gíganna og skoða ummerki um umbrotin
í góðu skyggni. Gosgjáin er yfir 1,5 km á lengd og
800 m á breidd. Í botni hennar var vatn og flaut á því
vikur. Vatnsborð reis nokkuð meðan á ferðinni stóð
en ekki tókst að komast niður að vatnborðinu til ná-
kvæmra mælinga eða sýnatöku. Miklar sprungur voru
JÖKULL No. 63, 2013 141