Jökull - 01.01.2013, Síða 146

Magnús Tumi Guðmundsson
Lónið á gosstöðvunum að tæmast þann 3. júní. Leifar gíganna frá 2011 sjást vel. – The lake over the craters
draining on 3rd of June. Ljósm./Photo. MTG.
þangað á tveimur vélsleðum og dvöldu við mælingar
fram eftir vikunni. Mælingarnar eru hluti af doktors-
verkefni Hrafnhildar við Háskóla Íslands.
11. Skipt var um hitarör milli nýja skála og
vélageymslu en það gamla var stíflað vegna útfellinga.
Gufubaðið hresstist verulega við þessar framkvæmdir.
12. Valdimar Leifsson og Jón Kjartansson unnu að
upptökum fyrir heimildarmyndir um jökulinn, en
þetta verkefni er m.a. stutt af Vinum Vatnajökuls.
Verkefnin gengu nokkuð vel. Hinsvegar var
heilsufar leiðangursfólks ekki sem skyldi, því skæð
smitandi magapest gekk á fjallinu og á föstudags-
morgni var svo komið að 17 af 20 höfðu legið veikir
1–3 daga hver. Allavega fimm af þeim sjö sem fóru
fyrir miðja viku veiktust einnig. Var helst talið að
nóróveira hefði óboðin tekið sér far með leiðangurs-
mönnum og síðan tekið til óspilltra málanna á Gríms-
fjalli.
Niðurferðin var óvenju þægileg enda færi með al-
besta móti. Snjóbíllinn var kominn í jökulrönd eftir
þriggja tíma ferð og aðrir á svipuðum tíma. Vegna
veikindanna var lítil stemning fyrir grilli um kvöldið,
fólk fýsti að komast heim sem fyrst og jafna sig. Því
varð úr að halda rakleiðis til byggða og náðum við til
Reykjavíkur áður en langt var liðið á föstudagskvöld.
Ekki urðu frekari eftirköst af pestinni en ferðin verður
minnisstæð þeim sem hana fóru.
Til að vorferð verði að veruleika þarf samvinna og
framlag margra aðila. Jarðvísindastofnun Háskólans
og Veðurstofan tóku þátt og lögðu til mannskap og
farartæki. Hlutur Landsvirkjunar er mikill enda lagði
hún til mælingamann, bíl og vélsleða auk þess að sjá
til þess að snjóbíll HSSR væri með í för. Vegagerðin
veitti styrk til eldsneytiskaupa.
Þátttakendur: Andri Gunnarsson, Carolyn Gorny,
Eiríkur Lárusson, Erik Sturkell, Evgenía Ilyienskaya,
Finnur Pálsson, Guðfinna Alda Ólafsdóttir, Gunn-
ar Hallsson, Hlynur Skagfjörð Pálsson, Hrafnhildur
Hannesdóttir, Magnús Tumi Guðmundsson, Róbert
Sigurjónsson, Sjöfn Sigsteinsdóttir, Sólveig Kristjáns-
146 JÖKULL No. 63, 2013