Breiðfirðingur - 01.04.1986, Page 14
12
BREIÐFIRÐINGUR
Blysför og glímubúningur
Hin næstu ár getur fundargerðarbókin um fátt markvert í
starfi félagsins, t.d. er ekki minnzt á glímumót, þótt glímu-
æfingar séu iðkaðar. Mestu áhrifamenn í félaginu á þessum
árum voru bræðurnir Jón Júlíus og Hildimundur Björnsson
(f. 1884, d. 1954), sem með ýmsu móti átti eftir að verða
tengdari glímufélögum í Stykkishólmi en flestir aðrir.
Félagið stóð fyrir blysför á þrettándanum 1907. Á fundi, sem
haldinn var litlu síðar, stakk séra Sigurður Gunnarsson upp
á, að félagið keypti hinn hvítbláa fána, enda var prófastur
ódeigur Landvarnarmaður. Var sú tillaga samþykkt. Um
svipað leyti var rætt um glímubúning og ákveðið, að menn
væru í hvítri skyrtu og hvítum buxum, er næðu niður fyrir
hné, með belti og sauðskinnsskó á fótum og helzt í svörtum
sokkum.
„Leikfimifélagið Fram“
Árið 1904 var stofnað „Leikfimifélagið Fram“ í Stykkis-
hólmi. Samkvæmt 2. gr. í lögum þess var „tilgangur félagsins
að iðka líkamsæfingar og glímur og reyna að efla þær á allan
mögulegan hátt“. Fyrirsvarsmenn þessa félags voru einkum
verzlunarmennirnir Reinhold Richter og Ólafur Blöndal.
Varð þetta til þess, að hið gamla félag varð brátt nafnið eitt.
Sama gjörðabókin er fyrir „Fram“ og „Stykkishólms glímu-
félag“. Hér var því einkanlega um nafnbreytingu að ræða og
yngra félagið ætlaði sér að sinna meira alhliða leikfimi.
Glímuæfingar féllu aldrei niður á árunum 1904 og þar til
félagið Þór var stofnað, en glímumót voru engin haldin og af
leikfimiæfingum varð minna en menn munu hafa gert sér
vonir um. Richter og Blöndal voru alla tíð fyrirliðar í
„Fram“ og höfðu þar mest áhrif. Hildimundur gekk aldrei til
liðs við þá og hafði nokkurn hóp í kringum sig af hinum
gömlu félögum. En menn sáu, að við svo búið mátti ekki