Skírnir - 01.04.2014, Blaðsíða 202

200
GESTUR GUÐMUNDSSON
SKÍRNIR
eins konar páfi á hinu listræna skauti sviðsins, en Gunnar L. Hjálm-
arsson var sá sem einna einbeittast veitti honum samkeppni með
öllu hvassari skrifum. Á hinu skautinu bar Ásgeir Tómasson ægis-
hjálm yfir aðra sem leituðust við að sýna öllum sanngirni en þó
einkum því „sem fólkið vill“.
Samantekt og niðurstöður
I greininni hefur því verið lýst hvernig íslensk poppgagnrýni varð
til á árunum 1967-1969 í kjölfar bítlabylgjunnar og að þeir fyrstu
sem stunduðu poppgagnrýni að staðaldri leituðust við að meta
styrkleika og veikleika íslenska poppsins af hófsemi og sanngirni
og gefa góð ráð. Tæpum áratug síðar komu fram skýrar andstæður
milli gagnrýni sem lagði áherslu á listrænan metnað og félagslega
skírskotun og gagnrýni sem lagði áherslu á „show-mennsku“ og
stuð. Eftir þau átök varð almennari sátt um að gagnrýni ætti að efla
metnað íslenskra poppara og hvetja þá til að tileinka sér erlendar
nýjungar á skapandi hátt, og íslensk nýbylgja áranna 1980-1983
varð um tíma óskabarn gagnrýninnar.
Þegar Sykurmolarnir skutust upp á alþjóðlegan stjörnuhimin
1987 kom aftur í ljós að gagnrýnendur voru þjálfaðir og viðbúnir því
að lýsa tónlist þeirra og skýra alþjóðlegar vinsældir fyrir íslenskum
almenningi og reyna að breyta einnar-hljómsveitar-vinsældum í
nýja framsækna bylgju.
Sé litið til annarra þjóða bendir margt til þess að skortur á al-
varlegri umfjöllun hafi átt talsverðan þátt í því að skapandi nýjungar
í íslenskri dægurtónlist 1969-1972 runnu fljótt út í sandinn. I Bret-
landi, Bandaríkjunum, nágrannalöndum okkar Danmörku og
Svíþjóð og víðar fengu slíkar nýjungar að dafna, meðal annars vegna
framlags þjálfaðra gagnrýnenda sem útskýrðu nýjungarnar fyrir al-
menningi og veittu hljómsveitunum aðhald. Á íslandi varð þessi
nýsköpun dægurtónlistar útundan í andlegu lífi og lítil vitræn um-
ræða varð um hana.
Tuttugu árum síðar vakti alþjóðleg velgengni Sykurmolanna
víðtæka forvitni um það hvað væri að gerast í hinu listhneigðara
horni dægurmenningarinnar, og þá gátu Árni Matthíasson, Gunnar