Tímarit Máls og menningar - 01.06.2013, Síða 114

Ú l f h i l d u r D a g s d ó t t i r
114 TMM 2013 · 2
Svo lásum við alla fræðilega texta sem við komumst í, og fengumst við surrealíska
starfssemi. Til dæmis var einn okkar látinn snúa frá hinum út í horn, og hann
teiknaði eitthvað á blað, en hinir reyndu að finna með hugarafli hvað það var.33
Seinna segir Sjón:
Ólafur Engilbertsson sat við að vélrita Efnahagslíf í stórborgum, á meðan vorum við
í einhverjum surrealískum leikjum, transi og svoleiðis. Svo sneri hann sér við og las
yfir okkur ljóðið sem hann hafði verið að vélrita, síðan var það hlífðarlaust gagn-
rýnt. Bók í smíðum var mikið rædd, fram og til baka. Samráðið hefur örvað menn
til dáða. Það er svo mikill stuðningur, þegar maður er að gefa eitthvað út, að finna
að einhverjum fleirum sé annt um þetta.34
Og áfram lýsir Sjón ferli og útgáfustarfsemi Medúsu, tengslum við útlönd og
sýningum í Skruggubúð. Að lokum fjallar Örn á jákvæðan hátt um nokkrar
bækur Medúsumanna: „oft eru þetta hrífandi textar, þegar lesandinn er
búinn að láta þá orka á sig um stund, kominn inn í þá ef svo mætti segja“.35
Sú samantekt endar á umfjöllun um þann fjölda sjálfsútgáfa sem einkenndi
þetta tímabil og segir að því miður sé erfitt að finna þetta efni því höfundar
hafi ekki sinnt skilaskyldu til Landsbókasafnsins sem skyldi. Í þessu sam-
bandi bendir Ólafur Jóhann sérstaklega á að bækur Medúsu voru allar prent-
aðar á fjölritunarstofunni Letur hjá Sigurjóni Þorbergssyni, en þáttur hans
er vanmetinn í bókaútgáfu. Útlit bókanna var jafnvel ekki fullmótað fyrr
en á þeim stað, en bækur Medúsu einkennast af frumlegri og fjölbreytilegri
hönnun með sérstakri áherslu á myndefni og myndmál.
Grein ‚Birgittu‘ í NT er öllu framúrstefnulegri, en hún er sett fram í sjö
númeruðum atriðum, eins og í lista.36 Fyrsta atriðið byrjar á „Einu sinni
voru nokkrir drengir“, og það næsta telur upp nöfn þeirra. Þriðja atriðið
hljóðar svo:
„MEDÚSAN“ var búin til úr 7 kílóum af hveiti, 23 grömmum af súrrealisma, 13
grömmum af dada, teskeið af pönki, kílómetra af jasmínte og 666 lítrum af galdri.
Öllu hrært saman.37
Og þannig heldur upptalningin áfram, með praktískum upplýsingum í
bland við súrrealískan húmor og nokkur áhersla er lögð á samstarf og vini:
Samt eiga þeir fullt af vinum. Fullt, fullt af vinum. Þeir eiga Flóka og Hilmar,
Gyrði og Braga og Þorra, Hallgrím og Skara Storm, Sigga Páls og Kristínu, Möggu
Lóu og Dag, Björk og Kukl og Gramm og fullt í viðbót. Já, þessir drengir eru sko
óútreiknanlegir. (Áðan hringdi síminn hjá einum þeirra og hann svaraði bara út í
hött. Já, út í hött.)38
Lokaatriðið á listanum hljóðar svo: „Og að lokum spyr ég, er von að ég spyrji,
HVAð ER MEDÚSA?“ Og þar með erum við komin í hring.
Viðtalið við Sjón sem birtist í DV er einnig stórfróðleg heimild um það