Skessuhorn - 19.12.2018, Side 4

MIÐVIKUDAGUR 19. DESEMBER 20184
Leiðari
Við jól og áramót gefst gjarnan stund til að hugleiða. Rof kemur í hefð-
bundinn rythma vinnunnar, flestir fá frí í nokkra daga frá störfum og fjöl-
skyldur koma saman, borða góðan mat og þá gjarnan við kertaljós. Sumir
hlýða á messu í útvarpinu, eða spila jólalög, enn aðrir mæta sjálfir til guðs-
þjónustu. Hver hefur sinn háttinn á, bundinn venjum og hefðum sem oft
eru býsna frábrugðnar milli fjölskyldna. Vonandi fá öll börn eitthvað fallegt
sem þau geta glatt sig yfir. Jólin eru nefnilega umfram allt tími barnanna.
Þeirra er spenningurinn mestur. En auðvitað eigum við samt öll að rækta
barnið í okkur. Við þessi eldri erum kannski í ljósi fyrri reynslu farin að hóf-
stilla okkur í væntingum og kjósum fremur vinarþel, kyrrð og samveru við
okkar nánustu, umfram væntingar um veraldlega hluti og heimsins prjál.
Okkar er að vegleiða hinum yngri um að allt sé jú best í hófi. Sýna verði
t.d. biðlund meðan vaskað er upp eftir hátíðarmatinn og þá fyrst sé hægt
að setjast inn í stofu og kíkja í pakkana. Auðvitað man maður vel hversu sú
bið gat verið óralöng.
En þar sem við njótum mest jólanna sem börn, rifjast sá tími gjarnan
upp í huganum. Það er okkur hollt. Í barnæsku fannst mér jólin hreint út
sagt frábær tími. Ættingjar komu í heimsókn jafnvel þótt færð væri slæm
og veður viðsjárverð. En störfin við búskapinn og skepnuhirðingu breytt-
ust ekkert, þeim varð að sinna. Samt var engu líkara en skepnurnar skynj-
uðu að á jólum ríkti meiri friður en í annan tíma. Vissulega var aftansöng-
ur í Dómkirkjunni ætíð spilaður í fjósútvarpinu og kannski voru allavega
eldri kýrnar og ráðsettari farnar að læra inn á það. Köttunum sem vöpp-
uðu inn í fjós og fengu mjólkursopann sinn var meira sama, svo lengi sem
þeir fengju mjólk í skálina sína svo ég tala nú ekki um afgang af skötunni frá
því deginum áður í dallinn sinn. Ég held hins vegar að kettir séu ekki nærri
því eins hátíðlegir og kýrnar, þeir eru einþykkari og meiri tækifærissinnar.
Kýrnar hins vegar kunnu þessa yfirvegun betur en öll önnur húsdýr. Þakk-
látar þegar þær fengu reyrblandað og ilmandi heyið í jötuna sína á aðfanga-
dag og annað kjarngott fóður meðan þær voru mjólkaðar. Jafnvel á jólum
slógu þær síður skítugum halanum framan í mann meðan þær voru mjólk-
aðar. Í fjárhúsunum var hins vegar akkúrat þessa daga meira umleikis, enda
var það venjan á bænum að hrútarnir fengu að gera sér dælt við vinkon-
ur sínar skömmu fyrir jól og eitthvað fram á nýárið eftir því hvernig stóð á
þessum blessaða tíðahring. En eftir að tilhleypingum var lokið og kindurn-
ar fengu sælar og glaðar töðuna á garðann, ríkti bókstaflega himnesk þögn
í fjárhúsunum. Þá var gott að setjast á jötubandið og hlusta hvernig þær
kjömsuðu sælar og glaðar. Þá ríkti friður. Sjálfsagt hefur hljóðið ekki ver-
ið ósvipað og eftir að Jesúbarnið kom í heiminn í jötunni í Betlehem, enda
aðstæður svipaðar.
Eftir þessi bústörf var hraðað sér heim í bæ, þvottur var með betra móti
og klæðst alsparifötunum áður en sest var að veisluborði. Um kvöldið eft-
ir pakkastund var haldið á bláa Willys jeppanum til aftansöngs í Reykholti
og eftir messu komið við í kirkjugarðinum. Þetta var allt samkvæmt venju
og það hvarflaði ekki að nokkrum manni að breyta út af henni. Að kvöldi
var loks kíkt í bók, étnar mandarínur og blandað jólaöl. Það mátti líka fá
sér allt sem sparað hafði verið samviskusamlega vikurnar fram að jólum,
randalínur og spesíur.
Þetta er semsé brot af mínum minningum. Öll komum við úr mismun-
andi umhverfi og aðstæðum og minningar því ólíkar hjá okkur hverju og
einu. Við getum þó vonandi öll rifjað upp eitthvað jákvætt og fallegt, ylj-
að við upprifjun um tíma barnæskunnar og glaðst yfir því sem við höfum.
Vonandi geta allir skapað réttu stemninguna og átt þannig gleðileg jól.
Magnús Magnússon
Gleðileg jól
Íbúðalánasjóði bárust 33 umsóknir
frá sveitarfélögum á landsbyggðinni
vegna tilraunaverkefnis í húsnæð-
ismálum. Markmið verkefnisins er
að leita leiða til þes að bregðast við
þeim mikla húsnæðisvanda sem rík-
ir víðsvegar á landsbyggðinni, m.a.
vegna óvirks íbúða- og leigumark-
aðar og skorts á viðunandi íbúðar-
húsnæði eins og segir á vef Íbúðal-
ánasjóðs. Verkefnið tekur mið af
stjórnarsáttmála ríkisstjórnarinnar
sem og stefnumótandi byggðaáætl-
un sem samþykkt var á Alþingi 11.
júní sl. Í byggðaáætlun er m.a. kveð-
ið á um markmið um fjölgun íbúða
á svæðum þar sem skortur á hentugu
íbúðarhúsnæði hamlar uppbyggingu
í sveitarfélaginu.
Síðastliðinn miðvikudag var til-
kynnt í Leifsbúð í Búðardal hvaða
sjö sveitarfélög hafa verið val-
in í verkefnið. Sveitarfélögin Dala-
byggð og Vesturbyggð hafa verið
sett saman sem samstarfsverkefni en
auk þeirra fengu þátttöku Snæfells-
bær, Skeiða- og Gnúpverjahrepp-
ur, Seyðisfjarðarkaupstaður, Norð-
urþing og Hörgársveit. Sveitarfé-
lögin sjö glíma við ólíkar áskoranir
enda horft til þess að verkefnið nái
að fanga mismunandi áskoranir á
ólíkum landssvæðum. sm
Sjö sveitarfélög valin í tilrauna-
verkefni Íbúðalánasjóðs
Þeir sem standa að verkefninu ásamt nokkrum fulltrúum sveitarfélaga: Rebekka
Hilmarsdóttir Vesturbyggð, Ásmundur Einar Daðason félagsmálaráðherra,
Kristinn Jónasson Snæfellsbæ, Kristján Sturluson Dalabyggð, Elmar Erlendsson
frá Íbúðalánasjóði og Kristján Þ. Halldórsson frá Byggðastofnun. Ljósm. sm.
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Katrín Lilja Jónsdóttir klj@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Um kvöldmatarleytið síðastliðinn
fimmtudag var brotist inn í íbúð-
arhús í Borgarnesi og meðal annars
stolið skartgripum. Að svo búnu
lét þjófurinn sig hverfa. Lögregl-
an á Vesturlandi leitaði mannsins
fram yfir miðnætti en varð einsk-
is vísari.
Að sögn Jóns S. Ólasonar, yfir-
lögregluþjóns hjá Lögreglunni á
Vesturlandi, ber innbrotið í Borg-
arnesi merki þess að hafa verið
skipulagt. „Þetta innbrot er keim-
líkt því sem við höfum séð víða á
landinu undanfarna mánuði þar
sem farið er inn í hús, þjófarnir
eru þar aðeins stutta stund og taka
ýmsa smáa en verðmæta muni,“
segir Jón í samtali við Skessuhorn.
Aðspurður segir Jón að engin
önnur innbrot hafi verið tilkynnt
í landshlutanum. Hann vill engu
að síður beina því til fólks að hafa
augun hjá sér. „Fólk er beðið að
vera á varðbergi og hafa auga með
nágrenni sínu, sérstaklega ef það
veit af mannlausum húsum í hverf-
inu, og láta lögreglu vita af óvenju-
legum eða grunsamlegum manna-
ferðum við hús með því að hringja
í 112,“ segir Jón að endingu.
kgk
Innbrotsþjófurinn í
Borgarnesi ófundinn
Lögregla telur að um skipulagt
innbrot hafi verið að ræða
Á fundi í stjórn Samtaka sveitar-
félaga á Vesturlandi 12. desember
síðastliðinn var samþykkt ályktun
um samgöngumál og fyrirhugaða
flýtingu vegagerðar eins og meiri-
hluti umhverfis- og samgöngu-
nefndar hefur talað fyrir á Alþingi.
Beinlínis er því fagnað að notuð
verði veggjöld til að flýta fram-
kvæmdum. Ályktunin er svohljóð-
andi:
„Stjórn Samtaka sveitarfélaga á
Vesturlandi fagnar áformum um
að notuð verði veggjöld til að fjár-
magna stórfelldar og nauðsynleg-
ar samgöngubætur sem fyrirhug-
aðar eru á næstu árum. Með inn-
heimtu veggjalda er einnig hægt að
fjármagna átak til uppbyggingar á
leiðum á Vesturlandi eins og Uxa-
hryggjum, Skógarströnd og fjöl-
mörgum tengivegum sem ekki voru
á samgönguáætlun næstu fimm ára.
Í samgönguáætlun Vesturlands sem
samþykkt var af sveitarfélögunum
á Vesturlandi árið 2017 er sérstak-
lega fjallað um forsendur þess hve-
nær komi til greina að nota veg-
gjöld til þess að fjármagna fram-
kvæmdir. Í fyrsta lagi á það við
þegar það er verulegur hagur íbúa
af því að framkvæmdum verði flýtt,
í öðru lagi að gjaldtöku sé stillt í hóf
gagnvart þeim sem eru reglulega í
förum á leiðum þar sem veggjald
er lagt á og í þriðja lagi þá þurfi
að liggja fyrir almenn stefnumót-
un stjórnvalda um í hvaða tilvik-
um skuli beita veggjöldum til þess
að flýta framkvæmdum eða koma
nauðsynlegum öryggisúrbótum í
verk. Ef þessar forsendur eru hafð-
ar að leiðarljósi telur stjórn SSV að
ásættanlegt sé að nota veggjöld til
að flýta framkvæmdum. Jafnframt
hvetur stjórn SSV til þess að ný
samgönguáætlun verði kláruð hið
fyrsta þannig að hægt sé að ráðast í
nauðsynlegar framkvæmdir.“
mm
Samtök sveitarfélaga fagna áformum
um flýtingu vegabóta