Skessuhorn - 19.12.2018, Síða 34

MIÐVIKUDAGUR 19. DESEMBER 201834
Þ-H leið sem liggur um Teigsskóg og D2 leið sem liggur í
göngum undir Hjallaháls og með nýjum vegi um Ódrjúgs-
háls. Málið fór því til áframhaldandi vinnslu. Íbúar á Reykhól-
um söfnuðu í vor undirskriftum þar sem skorað var á sveitar-
stjórn að taka til skoðunar að kanna vænleika þess að farin yrði
leið framhjá þorpinu og brú lögð yfir Þorskafjörð. Var norskt
verkfræðifyrirtæki fengið til að leggja mat á þann kost í sam-
anburði við aðra. Niðurstaða fyrirtækisins var að ódýrast væri
að brúa Þorskafjörð. Því mati er Vegagerðin hins vegar ósam-
mála og vill halda sig við Þ-H leið um Teigsskóg. Nú í des-
ember var það niðurstaða valkostagreiningar sem hreppur-
inn lét vinna, að vænlegast væri að halda sig við R-leið. Málið
er því enn á borði hreppsnefndar og Vegagerðarinnar og alls
ekki ljóst hvaða leið verður fyrir valinu með framtíðar veg-
tengingu við sunnanverða Vestfirði. Málið er að verða lengsta
og erfiðasta deilumál varðandi vegalagningu hér á landi.
Stórhýsi í Borgarnesi
Síðastliðið sumar var nýtt 85 herbergja hótel á fimm hæð-
um, Hótel B-59, vígt við Borgarbraut 59 í Borgarnesi. Sam-
byggt því á lóðinni Borgarbraut 57 er auk þess risið ríflega 28
íbúða fjölbýlishús. Skipulagsmál og deilur vegna þeirra hafa
vafist fyrir þessari uppbyggingu í nokkur ár og hefur málið
m.a. snert fyrirtæki sem hafa starfsemi á samliggjandi lóð, sem
ljóst er að verða að víkja til að skapa megi rými við hlið fjöl-
býlishússins fyrir innkeyrslu. Engu að síður er hótelið og fjöl-
býlishúsið stór framkvæmd á mælikvarða sveitarfélagsins og
mannvirkin setja sterkan svip á miðbæ Borgarness.
Áfram vöxtur í ferðaþjónustunni
Á þessu ári hefur ferðaþjónustan á landsvísu farið vaxandi, þótt
dregið hafi úr þeim árlega vexti sem einkennt hefur síðustu
árin. Á Mannamóti markaðsstofa landshlutanna sem haldið er
í janúar ár hvert kynna ferðaþjónustufyrirtæki það helsta sem
í gangi er í greininni. Mikill vöxtur er á sviði afþreyingar, veit-
ingasölu og hótelstarfsemi og bættust nokkur fyrirtæki við á
Vesturlandi á árinu. Á meðfylgjandi mynd er Kjartan Ragn-
arsson í Landnámssetrinu í Borgarnesi að ræða við Þórdísi
Kolbrún R Gylfadóttur ferðamálaráðherra og Kristján Guð-
mundsson, þáverandi forstöðumann Markaðsstofu Vestur-
lands. Kristján hvarf til annarra starfa á árinu og er nú mark-
aðsstjóri Ferðaþjónustunnar Húsafelli.
Vesturlandsvegur stórhættulegur
Á þessu ári var daglegum vegfarendum um Vesturlandsveg á
Kjalarnesi nóg boðið og var kallað til fundar á Akranesi þar
sem ástandi vegarins var mótmælt og kallað eftir aðgerðum
stjórnvalda. Alvarleg umferðarslys, þar á meðal eitt banaslys í
byrjun árs, hafa orðið á veginum. Djúpar rásir og slæmur veg-
ur gera akstur um veginn stórhættulegan. Samgönguráðherra
mætti á fundinn og tók undir að ástand vegarins væri í engu
samræmi við umferðarþunga. Í sumar var ríflega þriggja kíló-
metra kafli vegarins lagður nýju malbiki. Annað hefur ekki
enn gerst til bóta á þessum vegi, sem þykir einn af hættuleg-
ustu vegum landsins. Á borði Alþingis liggja nú tillögur um að
flýta vegalagningu á öllum stofnvegum frá höfuðborgarsvæð-
inu og fleiri vegum einnig með því að innheimta hófleg veg-
gjöld. Málið verður tekið upp á Alþingi eftir jólafrí og vænta
má ákvarðana í byrjun árs.
Byggja frístundamiðstöð
Í janúar var tekin fyrsta skóflustungan að nýrri þúsund fer-
metra frístundamiðstöð við Garðavöll á Akranesi. Eru það
Golfklúbburinn Leynir og Akraneskaupstaður sem standa að
framkvæmdinni. Mun ný frístundamiðstöð hýsa félagsstarf
Leynis og aðra frístundastarfsemi á vegum ÍA og Akranes-
kaupstaðar. Framkvæmdir hafa gengið vel og áætlað að húsið
verði tekið í notkun næsta vor.
Þrífösun rafmagns
mikið hagsmunamál
Á undanförnum árum hefur þörfin fyrir þrífösun rafmagns
aukist. Tæki sem notast er við í landbúnaði, iðnaði og í fleiri
atvinnugreinum eru bæði ódýrari í innkaupum og rekstri, ef
þau eru gerð fyrir þriggja fasa rafmagn. Mjaltabásar og við-
kvæmur tæknibúnaður í þeim er t.d. hannaður með það fyr-
ir augum að slík orka sé í boði. Stjórnvöld hafa verið sofandi
í þessum málum á liðnum árum. Snemma árs héldu sveitar-
stjórnarmenn í Borgarbyggð fund með bændum á Mýrum.
Umræðuefnið var hvernig flýta mætti lagningu þriggja fasa
rafmagns um starfssvæði félagsins og það skoðað hvort hægt
væri t.d. að leggja strenginn samhliða ljósleiðara. Heima-
menn á starfssvæði Búnaðarfélags Mýramanna lýstu sig jafn-
framt reiðubúna til að leggja fram vinnu við undirbúning
lagningar þriggja fasa rafmagns, undirbúa framkvæmdir og
þannig gera sitt til að lækka kostnað við raforkukaup. Mark-
miðið var að geta afhent Rarik fullbúna línu til rekstrar og
eignar.
Fiskmarkaður undirstaða útgerðar
Við greindum frá því á árinu að fiskmarkaði var tvívegis opn-
aður á Akranesi. Í fyrra skiptið í janúar, en honum var svo
lokað aftur í sumar. Í haust hófst rekstur markaðar að nýju
og Böðvar Ingvason tók við rekstrinum í nafni Fiskmarkaðar
Snæfellsbæjar. Starfræksla fiskmarkaðar er talin forsenda út-
gerðar, en slík starfsemi hefur átt verulega í vök að verjast á
Akranesi á liðnum árum, enda fáir bátar gerðir þar út í seinni
tíð.
Hestamannafélagið Borgfirðingu
Snemma árs voru hestamannafélögin Skuggi og Faxi form-
lega sameinuð í nýtt félag sem hlaut nafnið Hestamannafélag-
ið Borgfirðingur. Meðfylgjandi er mynd frá fyrsta stjórnar-
fundi undir forystu Þórdísar Arnardóttur.
Töluverð nýsköpun
Á yfirstandandi ári hef-
ur töluverð nýsköpun
átt sér stað og ný fyrir-
tæki og starfsemi hafist
í landshlutanum. Mörg
þeirra tengjast ferða-
þjónustu enda hefur
sú atvinnugrein verið
í hvað mestum vexti á
liðnum árum. Auk hót-
ela og afþreyingar fyrir
ferðafólk, á borð við ka-
jakaleigu, norðurljósa-
sal eða leigu á hestum,
hafa ný fyrirtæki tekið
til starfa svo sem í fisk-
vinnslu, vinnslu land-
búnaðarafurða, silki-
ormaræktun og ýmsu
fleiru áhugaverðu.
Meðfylgjandi mynd er tekin í brugghúsinu Draug´r á Kala-
stöðum í Hvalfjarðarsveit.
Óveður af og til
Krappar lægðir gengu yfir Vesturland nokkrum sinnum á
árinu. Talsvert oft urðu óhöpp en sjaldnast alvarleg slys af
þeim sökum. Rúta með frönskum skólabörnum fauk út af
Borgarfjarðarbraut við Kvígsstaði í febrúar og var mikill við-
búnaður sökum þess. Enginn slasaðist þó alvarlega, enda allir
farþegar í bílbeltum. Þá fuku flutningabílar, húsbílar, mjólk-
urbíll og smærri bílar í ýmsum veðrum víðsvegar um lands-
hlutann á þessu ári. Veðurstofa Íslands tók á árinu upp nýtt
viðvörunarkerfi og hafa litamerkingar þær reynst vel í við-
leitni fjölmiðla og annarra til að vara við erfiðum akstursskil-
yrðum og almennt að leiðbeina fólki að taka mið af veðurað-
stæðum.
Umdeildar tillögur í safnamálum
Tillögur sem snertu Safnahús Borgarfjarðar og hugsanlega
færslu starfseminnar urðu mikið hitamál snemma árs í Borg-
arbyggð. Vinnuhópur sem sveitarstjórn skipaði á síðasta ári
til að vinna tillögur um framtíðarskipan safnamála í sveitarfé-
laginu skilaði tillögum sem urðu mjög umdeildar. Tillögurnar
fólu m.a. í sér færslu starfsemi Safnahúss frá Bjarnarbraut og í
framhaldi þess selja húsið. Bókasafni yrði komið fyrir í Hjálm-
Framhald á næstu opnu
Fréttaannáll ársins 2017 í máli og myndum