Skessuhorn - 19.12.2018, Side 66

MIÐVIKUDAGUR 19. DESEMBER 201866
Kveðjur úr héraði
Ég er mikið jólabarn og hlakka allt-
af til jólanna. Samverustundirnar
með fjölskyldunni finnst mér mik-
ilvægastar og ég held að ég sé lík
mömmu varðandi það – vil alltaf
hafa sem flesta í kringum mig. Svo
er það jólamaturinn, kökurnar, gjaf-
irnar, tilhlökkunin og gleðin sem
skín úr andlitum barnanna. Til-
hlökkunin og gleðin þeirra er svo
smitandi, enda er það alveg rétt sem
Megas syngur; „ef þú smælar fram-
an í heiminn þá smælar heimurinn
framan í þig“.
Mér finnst jólaskreytingar einn-
ig ómissandi partur af jólunum. Ég
vil helst byrja að skreyta um miðj-
an nóvember, stundum fyrr. Mér
finnst heimilið aldrei jafn fallegt og
um jólin og það er sko aldeilis ekki
vegna þess að allt er svo hreint, ný-
skúrað og fínt, heldur vegna þess
hve kyrrlátt það verður og róman-
tískt þegar jólaljósin og skrautið er
komið. Dimmir dagar verða bjartir
og notalegir. Ég hef það líklega frá
pabba, hann hefur alltaf verið dug-
legur að skreyta og fjárfestir í nýju
skrauti árlega. Það er stundum eins
og maður sé komin til Las Vegas
þegar pabbi er búinn að skreyta.
Í ár er fyrsta skiptið sem ég sem
held ekki jólin með mömmu og
pabba. Ég er 33 ára gömul - já,
stundum gerast hlutirnir hægt. Ég
hlakka til að vera hjá tengdafjöl-
skyldu minni og það verður spenn-
andi að kynnast nýjum hefðum. Á
næsta ári munu jólin svo breytast
enn meira því lítill moli er vænt-
anlegur í líf okkar Hlöðvers í maí.
Forgangsröðunin mun breytast og
lífið mun snúast um litla gullið. Ég
hlakka mikið til að fara í fæðingar-
orlof, ég veit að þetta verður áskor-
un, en ég hlakka til vera í rólegheit-
unum í Búðardal umvafin fjölskyld-
unni minni. Ég tel það forréttindi
að alast upp úti á landi, fá að kynn-
ast sveitinni. Frelsið og öryggið hér
er ómetanlegt.
Það eru spennandi tímar fram-
undan í Dölunum. Nýlega fékk ég
nýja nágranna sem byggðu fyrsta
einbýlishúsið í 10 ár hér í Búðardal.
Einnig stefnir í uppbyggingu Vín-
landsseturs hér, þar sem við Dala-
menn getum kynnt eina af mörg-
um Íslendingasögum Dalanna. Svo
er von margra að á næsta ári hefjist
bygging íþróttamannvirkis í Búð-
ardal, en það mun bæta þjónustuna
hér margfalt, jafnt fyrir unga sem
aldna. Fyrirtæki á svæðinu leita að
möguleikum til að styrkja og efla
sinn rekstur og má þar nefna Sæfrost
sem er að hefja ostruframleiðslu. Ég
hef trú á því að árið 2019 verði ár
framkvæmda til framtíðar í Dölun-
um, samfélagið hér muni styrkjast
og Dalirnir heilla sem aldrei fyrr.
Með þessum orðum óska í Dala-
mönnum og öðrum Vestlendingum
gleðilegra jóla og farsældar á kom-
andi ári.
Svana Hrönn Jóhannsdóttir
Dalakona
Jólakveðja úr Dölunum
Jólaskreytingar í Las Vegas
Nú þegar líða fer að jólum er
það gömul og góð venja að horfa
til baka yfir árið, rifja upp góð-
ar stundir á árinu og þakka fyrir
það sem á daga manns hefur drif-
ið. Jafnvel þakka erfiðu stundirn-
ar því þær kenna okkur svo margt,
þær kenna okkur margt um okkur
sjálf og fólkið okkar. Það eru góðu
stundirnar sem lifa og vaxa í minn-
ingunni á meðan hugurinn fel-
ur erfiðu tímana. Þær stundir sem
virðast erfiðar á meðan við upplif-
um þær verða þó oft á tíðum góðar
vegna einhvers sem þær færa okk-
ur.
Á árinu fórum við með miðju-
drenginn okkar erlendis í aðgerð
á hrygg. Vissulega erfið upplif-
un á meðan og alls konar tilfinn-
ingar sem maður upplifir. Þær eru
ólíkar tilfinningarnar fyrir, á með-
an og svo eftir svo stóran viðburð
í lífi manns. En það sem stendur
uppúr, ásamt öðru, er það hversu
þétt fólk stóð við bakið á okkur.
Ég upplifði það mjög raunverulega
að hafa verndarhjúp góðra hugs-
ana umhverfis mig á meðan hann
var í aðgerðinni. Fyrirbænir og
góðar hugsanir umvöfðu okkur á
meðan við sátum á sjúkrastofunni
í Þýskalandi og eins undarlega og
það hljómar þá höfðum við ekki
áhyggjur. Eftir á þótti mér þetta
mjög merkileg tilfinning, en þarna
upplifði ég áþreifanlega hvað sam-
hugur getur verið öflugur. Þann-
ig hefur þessi erfiði tími í okkar
lífi sem fjölskyldu sýnt okkur hvað
við eigum gott fólk og gott samfé-
lag í kringum okkur. Fyrir það verð
ég ævinlega þakklát. Vonandi get
ég endurgoldið því fólki sem stóð
þétt við okkur en jafnframt óska ég
engum að þurfa þann stuðning sem
við vissulega þurftum. Öll knúsin,
allar góðu hugsanirnar og kveðj-
urnar, þeir sem héldu utan um hina
drengina á meðan við vorum úti,
þeir sem gættu heimilisins og kisu,
þeir sem aðstoðuðu okkur fjárhags-
lega og listinn gæti haldið áfram.
Þetta skipti okkur miklu máli.
Ein vinkona mín sagði við mig
um daginn að hún væri svo ánægð
með það hvað ég væri dugleg að
gera hluti og rækta fólkið í kring-
um okkur. Það varð til þess að ég
fór að hugsa aðeins um það. Eins
og oft þá á maður það til að vera
neikvæður við sjálfan sig og telur
að aldrei sé nóg gert. En eitthvað
höfum við gert rétt því við höfum
umvafið okkur góðu fólki. Það höf-
um við séð.
Mitt heilræði á aðventunni til
þín kæri lesandi er að nýta stund-
ir sem gefast til að rækta fólkið í
kringum þig. Það munu allir vera
þakklátir ef þú stingur uppá ein-
hverju skemmtilegu nú eða bara
hringir og spjallar um ekkert sér-
stakt. Ég lofa að amma þín og afi
verða þakklát fyrir símtal eða stutta
heimsókn. Það þarf ekki að vera
brjálaður viðburður til að gefa okk-
ur gott í hjartað.
Vissulega er þetta kveðja úr mínu
héraði þó svo að ég hafi tekið ansi
persónulega til máls í þessari jóla-
kveðju. Mitt samfélag er ekki bara
vinir mínir og fjölskylda heldur líka
fólkið í Grundarfirði og enn frekar
fólkið á Snæfellsnesi. Ég er Grund-
firðingur og ég er Snæfellingur.
Hér í bænum okkar hefur öflugt
fólk tekið sig til og endurvakið og
byggt upp að nýju skíðasvæðið hér
í bænum. Þetta er þvílík perla fyr-
ir samfélagið okkar, bæði Grund-
arfjörð og vonandi allt Snæfells-
nesið, og í mínum huga er eins og
heilum mánuði sé bætt við vetur-
inn. Þá meina ég að í minning-
unni vaxa þessir dagar sem svæð-
ið er opið, þrátt fyrir að þeir telj-
ist rétt um það bil jafn margir og
puttarnir á fingrum okkar verður
minningin einhvern vegin stærri.
,,Veturinn þegar við vorum allt-
af á skíðum“. Verandi íþrótta-
mamma, bæði í þeim skilningi að
vera sjálf hálfgerður íþróttaálfur og
strákarnir mínir, er ég þakklát fyr-
ir alla uppbyggingu og hugmynda-
vinnu sem eykur möguleika okkar
og barnanna okkar til að hreyfa sig
og auka útivist í æskuminningum
sínum. Það er svo dýrmætt að búa
til þannig umhverfi að barnæsk-
an sé björt og fjörug. Þannig vil ég
helst hafa þetta. Er nokkuð dásam-
legra en að sofna þreyttur á kvöld-
in eftir leik.
Mig langar að óska þér les-
andi góður innilega gleðilegra
jóla, megir þú njóta aðventunnar
í faðmi vina og fjölskyldu. Leikið
ykkur inni, leikið ykkur úti, próf-
ið að segja já þegar börnin stinga
uppá einhverju sem þið ef til vill
nennið ekki. Ég lofa að það verð-
ur gaman - jafnvel þó það þurfi að
laga eitthvað til eftir á. Vonandi
hefur þetta ár fært þér margar góð-
ar minningar og megi næsta ár vera
þér farsælt.
Freydís Bjarnadóttir
Grundarfirði
Jólakveðja úr Grundarfirði
Samhugur getur
verið öflugur