Skessuhorn - 19.12.2018, Page 81

MIÐVIKUDAGUR 19. DESEMBER 2018 81
Metal-hljómsveit í
bílskúrnum
Guðmundur og Þórarinn eru
bræðurnir í hópnum og blaða-
maður grínast með að þeir hafi
kannski sameinast gegn systrun-
um með Brotajárni, metal hljóm-
sveitinni sem þeir stofnuðu saman
ásamt félaga sínum, Ragnari Jóni
Hrólfssyni trommara. „Við karl-
menn eigum undir mikið högg að
sækja, ég vil ekki líta á mig sem
fórnarlamb, en jú,“ segir Þórar-
inn í glettnum tón með semingi.
„Við erum í metal hljómsveit. Við
höfum þurft að öskra svo mikið í
gegnum tíðina, við eigum fimm
systur,“ bætir Guðmundur við.
En nú tekur Þórunn María orð-
ið. „Eigum við ekki að segja sann-
leikann? Þið voruð helst að öskra
á hvern annan,“ og Kristín tekur
undir. „Þeir slógust með húsgögn-
um.“ „Hvernig áttum við annars
að slást,“ spyr Þórarinn hneyksl-
aður og snýr svo talinu aftur að
Brotajárni. „Sko, ég er bara litli
óþolandi bróðir hans Guðmund-
ar. Hann gerði heiðarlega tilraun
til að taka svona Bob Dylan tíma-
bil, var kominn með kassagítar
og munnhörpu. Mig langaði allt-
af svo að vera með,“ segir hann og
uppsker smá hlátur. „Þannig að ég
þurfti að finna mér eitthvað til að
komast inn og mín leið var bjór og
bassaleikur.“ Hann bætir við að
æfingarnar hafi í byrjun að mestu
verið smá bjórdrykkja og glam-
ur. „Ég keypti svo trommusett og
þá fór Soffía að spila með okk-
ur, mömmu og pabba til mikill-
ar ánægju. Það er engin hljóðein-
angrun þar sem við æfðum,“ segir
Þórarinn hlæjandi. „Þau voru samt
ekkert óánægð með þetta,“ heyrist
úr hópnum. „Nei kannski ekki, en
klukkan tvö um nóttina...“ svarar
Þórarinn og leikur trommuslátt og
allir hlæja. Nú tekur Guðmund-
ur orðið og útskýrir að þetta hafi
nú kannski ekki verið alveg svona.
„Þetta byrjaði á því að við héldum
jólatónleika og æfðum upp nokk-
ur jólalög, þú keyptir kassabassa,“
segir hann og beinir orðum sínum
að Þórarni. „Svo fór Þórarinn á
HAM-tónleika og kom heim með
stef að lagi sem við sömdum svo
lag í kringum.“ Þar var kominn
fyrsti sprotinn að tónlist Brota-
járns sem Guðmundur segir vera
metal dómkirkju þungarokk.
Kaldhæðin Von
Trapp fjölskylda
Hvert systkini hefur nálgast list-
sköpunina á sínum forsendum.
Hver og einn hefur sitt tónlistar-
form eða listform til að vinna með
og þau segja að samkeppnin sé
engin þeirra á milli. „Það eru all-
ir að gera sitt eigið og það er eng-
in samkeppni í listinni. Við erum
bara að styðja hvert annað,“ segir
Sigríður Þóra. „Það væri hálf fá-
ránlegt ef það væri afbrýðisemi í
tónlist. Það er enginn eins,“ segir
Soffía Björg. „Það er sameining-
arafl í tónlistinni,“ segir Sigríður
Þóra.
Tónlist og sköpun hefur alltaf
verið í nærumhverfi systkinanna.
„Þetta á allt uppruna sinn í því
að mamma var formaður fræðslu-
nefndar og í stjórn tónlistarskól-
ans. Svo er hún með áttunda stig í
klassískum söng. Hún var rúmlega
fertug þegar hún byrjaði á söngn-
um,“ segir Sigríður Þóra. „En
hún var líka „bissý“ alveg þang-
að til hún varð fertug, gettu hvað
hún var að gera?“ segir Þórunn
María brosandi. „Það er svaka-
legur kraftur í þessum litla lík-
ama. Hún er með rosalega rödd,“
segir Soffía Björg. „Ég hef sungið
við hliðina á henni á þorrablóti og
það heyrðist ekkert í mér.“ Systk-
inin samsinna þessu. „Þegar hún
var að syngja sem mest eða æfa
sig hérna heima, þá heyrðist ekki
bara í henni hérna. Það heyrðist
út á Hamar,“ segir Þórarinn. „Svo
er líka svo mikil tónlist í föðurfjöl-
skyldunni okkar. Þegar ég var lítil
að alast upp þá var ekkert óvenju-
legt að öll sjö systkini pabba hrúg-
uðust hérna inn og þegar þau voru
orðin fleiri en tvö á sama stað þá
var spilað og sungið. Einn kominn
á gítar, annar á harmonikku, einn
á píanó og svo sat fólk og spilaði
og söng,“ segir Þórunn María.
Kvöldin eftir heyannir á sumrin
einkenndust af söng og tónlist sem
og hestaferðirnar. „Það er samein-
ingarafl í tónlistinni „Það má eig-
inlega segja að við séum svona
fjölskyldu-tónlistar-kommúna,“
segir Guðmundur. „Já, eða kald-
hæðin Von Trapp fjölskylda,“ tek-
ur Soffía Björg undir.
klj
Söngurinn brýst út í
kórnum
Svo færast samræðurnar yfir á
Kristínu Birnu, sem ákvað í byrj-
un árs að taka þátt í Kór Linda-
kirkju sem flytur kraftmikla go-
spel tónlist. Hún segir að mamma
hennar hafi verið helsta hvatakona
fyrir því að hún ákvað að ganga í
kórinn. „Hún var eitthvað svo æst
yfir þessu og hún er aldrei æst yfir
einhverju svona. Hún hefur mjög
sterkar skoðanir á svona,“ segir
Kristín sem áður hafði reynt fyrir
sér sem sólósöngkona. „Það er svo
mikið bras að koma sér á framfæri.
Ég er með þrjá orkumikla krakka
og í fullri vinnu,“ segir Kristín.
Þess vegna henti það henni ágæt-
lega að vera í kór og sinna listsköp-
uninni þannig. „Ég hélt að þetta
væri kannski ekki fyrir mig, þetta
kóradæmi. En það kom mér samt
á óvart hvað þetta var sterkur kór
og margir góðir söngvarar þarna.“
Kristín hefur nýlega lokið tón-
leikaferð um Snæfellsnesið með
Kór Lindakirkju. „Ég get vottað að
þetta er mjög öflugur kór,“ sting-
ur Soffía Björg að og segir frá tón-
leikum sem hún fór á með kórn-
um. „Ég hafði reyndar daginn áður
gæsað vinkonu mína,“ segir hún af-
sakandi og uppsker rífandi hlátur.
„Þið hefðuð ekki þurft að setja upp
neitt kerfi, þið voruð alveg nóg,“
segir hún hlæjandi. „Þessu batt-
eríi er stýrt af Óskari Einarssyni.
Það er frábært að starfa með fag-
mönnum eins og honum sem stöð-
ugt tengja kórinn inn í ný spenn-
andi verkefni eins og til dæmis Jes-
us Christ Superstar. Hann er eins
og gangandi kjarnorkuver og með
endalausa orku sem dregur kór-
inn áfram,“ segir Kristín. „Það er
alltaf eitthvað nýtt á hverri æfingu
og þar af leiðandi alltaf gaman að
mæta á æfingar því maður er alltaf
að fá ný viðfangsefni upp í hend-
urnar.“ Með kórnum hefur Krist-
ín endurnýjað kynni sín af tónlist-
inni og stefnir að því að hafa sóló-
tónleika í Lindakirkju 18. desemb-
er næstkomandi með undirleikur-
um. „Í fyrra var ekkert að frétta, en
nú er bara allt að frétta,“ segir hún
glaðlega. Hún bætir því þó snöggt
við að þótt það hafi verið minna
um að vera fyrir ári síðan, þá hafi
hún nú samt komist í úrslit í jóla-
lagakeppni Rásar 2 með lag sem
pabbi þeirra systkina samdi bæði
lag og texta að. Lagið Nóttin kem-
ur verður flutt á tónleikunum 18.
desember. „Það er mjög gaman að
vinna útsetningu á lagi eftir pabba
og klára eitthvað tilbúið verk sem
er eftir hann.“
Samræðurnar leysast aftur upp í
allskyns samtal og út í matargerð.
„Það er alltaf gert grín að mér
þegar ég elda, ég hef mjög gam-
an að því að elda. Staðaluppskrift-
in er bara fyrir tíu manns,“ seg-
ir Þórunn María hlæjandi. „Ég er
ekki að kvarta,“ heyrist frá Karítas
sem hingað til hefur setið nokkuð
þögul.
Í Evrópuferð með
Reykjavíkurdætrum
Karítas er yngst í hópnum og býr
eins og er hjá Þórunni Maríu. Hún
byrjaði að læra á fiðlu fjögurra ára
gömul og hefur lært á píanó og gít-
ar og daðrað við sönginn. Karítas
starfar í dag sem DJ í Reykjavík.
„Ég byrjaði að dútla við þetta fyrir
fimm árum. Svo komst ég fljótlega
í það að spila inni á skemmtistöð-
um í Reykjavík og hef verið að spila
hverja einustu helgi eiginlega,“ seg-
ir Karítas sem játar seinna að hún
hafi spilað til hálf fimm um morg-
uninn á skemmtistaðnum Húrra! í
Reykjavík og ekki farið að sofa fyrr
en klukkan sex og sé örlítið slæpt. Í
sumar bauðst henni tækifæri að fara
í Evrópureisu með rapphljómsveit-
inni Reykjavíkurdætrum. „Þetta var
bara geggjað. Það var stappað á öll-
um tónleikum á hátíðunum sem við
vorum að spila á. Einu sinni spiluð-
um við í risa sirkustjaldi og það var
alveg fullt og fólk stóð fyrir utan
það líka. Þetta var alveg geggjað,“
segir Karítas. „Maður sá líka mynd-
ir úr túrnum og það var bara súp-
erstjörnufílingur í þessu,“ skýtur
Soffía Björg að. Soffía Björg hefur
sjálf náð langt í tónlist. Hún sem-
ur og syngur á gítar og vinnur að
mestu fyrir sér sem tónlistarkona.
Í tónlistarnámi án
nótnakunnáttu
„Ég fékk fyrsta gítarinn í jólagjöf
árið 2009,“ segir Soffía Björg. Hún
notar þó Gibson US-1 rafmagns-
gítar í dag, gítar sem Þórarinn
keypti fyrir fermingarpeningana
sína. „Ég keypti hann af honum
fyrir tveimur árum síðan,“ útskýr-
ir hún. „Sem krakki og unglingur
gat ég bara ómögulega tjáð mig
svo tónlistin opnaði tjáningarform
fyrir mér og hún hefur hjálpað mér
alveg gríðarlega.“ Hún er með BA
í tónsmíðum frá Listaháskólan-
um. „Ég svindlaði mér eiginlega í
gegnum söngskólann,“ segir hún
hlæjandi. „Einhvern veginn komst
ég í gegnum skólann án þess að
kunna nótur. Ég hafði alltaf náð að
syngja og spila allt eftir eyranu. Mér
fannst það bara betra. Þegar ég kom
í Listaháskólann þá horfði kennar-
inn bara á mig og spurði hvað hann
ætti eiginlega að gera við mig.“
Kennarinn og Soffía Björg fundu
þá einhver sameiginlegan grundvöll
og Soffía Björg útskrifaðist og hefur
núna gefið út eina plötu og tónlistin
hennar er spiluð í útvarpi.
Bræðurnir í hópnum, Guðmundur Bergmann og Þórarinn Halldór, stofnuðu metal-hljómsveitina Brotajárn og hafa gefið út
tvö lög á Spotify þegar þetta er skrifað.
Kristín Birna syngur með Kór Lindakirkju, kraftmiklum gospelkór. Myndin er tekin
á tónleikum með kórnum þegar Kristín var með sólósöng og allur kórinn stendur
stutt frá en náðist ekki á myndina.
Karítas hefur starfað sem DJ eða plötusnúður í nokkur ár og fór síðasta sumar í
tónleikaferð með Reykjavíkurdætrum til Evrópu.
Soffía Björg vinnur fyrir sér sem tónlistarkona og hefur nú þegar gefið út eina
plötu. Ljósm. Birta Rán.