Heimsmynd - 01.07.1990, Page 12

ARNARFLUG
FRA FLUGTAKl
TIL FERÐALOKA
Andlit hans birtist á skjánum teglt,
þreytulegt, svipurinn dálítið sorgmædd-
ur, röddin lágt stillt, róleg, svörin greið
og yfirveguð: Staðan er erfið en ekki
vonlaus . . flugfélagið er að vísu án
vélar í svipinn, verður að reiða sig á
keppinautinn að koma farþegum á
áfangastað . . ., önnur vél er á leiðinni,
tafðist vegna misskilnings . . ., jú við
skuldum flugvallarskatt en höfum boðist
til að borga verulega upp í hann, skil
ekki yfirlýsingar flugmálastjóra um að
loka fyrirtækinu vegna svona smáupp-
hæðar . . ., skil ekki í bankanum að loka
tékkareikningnum með pottþéttar
ábyrgðir sem útiloka að hann geti tapað
krónu . . ., skil ekki í flugvallarstjóra að
hóta að bera okkur út úr aðstöðu okkar í
Flugstöðinni . . ., skil ekki í lífeyris-
sjóðnum að innsigla skrifstofur okkar og
hóta gjaldþrotsbeiðni, það yrði aðeins til
að hann fengi ekkert ef af gjaldþroti
yrði . . ., vél væntanleg frá Camival Air-
lines, kemur á morgun . . ., fór ekki af
stað vegna ágreinings um leigukjör . . .,
furðulegt að Hótel Bláalónið skuli kyrr-
setja farangur áhafnar vélarinnar því að
þeir hafa fengið greidd 800 þúsund inn á
gistinguna og óverulegt sem eftir stend-
ur . . ., ný vél kemur innan
skamms . . ., óskiljanlegar tafir á af-
skráningu hennar í Bandaríkjunum, ut-
anríkisráðherra og sendiherra Bandaríkj-
anna gengu í málið, vélin er komin. . .,
samstarf að hefjast við norður-írska flug-
félagið Emerald Airlines . . . það hefur
að vísu enn ekki hafið starfsemi en byrj-
ar í nóvember . . . ef það er stefna
stjórnvalda að hér starfi tvö flugfélög í
samkeppni í utanlandsflugi verða þau að
deila flugleiðunum réttlátar niður . . .
enginn rekstursgrundvöllur með þessu
lagi ■ • •
Maðurinn er Kristinn Sigtryggsson,
framkvæmdastjóri Arnarflugs, sem hefur
verið nær daglegur gestur á skjám land-
ans í allan vetur eftir að fjármálaráð-
herra seldi einu vél Arnarflugs í byrjun
ársins og hremmingar félagsins byrjuðu,
með eina leiguflugvélina af annarri.
Smám saman hefur seigla hans og tauga-
ró gagnvart aðgangshörðum fréttamönn-
um sjónmiðlanna vakið athygli og aðdá-
un. Þessi grannholda og tálgaða týpa
hefur orðið tákngervingur Amarflugs.
Hér er ekki feitur og pattaralegur for-
stjóri á ferð, sem kæruleysislega tilkynn-
ir um nokkurra hundruða milljóna króna
gjaldþrot. Hann dregur ekkert úr hrak-
förunum, en ævinlega tekst honum að
benda á ljósglætu framundan, von svo
lengi sem menn berjist og það er barist
harðar en í mörgum þeim fyrirtækjum,
sem við vitum að
eiga í erfiðleikum.
Hann er stöðugt
umkringdur fjöl-
miðlaljósi; óþægileg-
um staðreyndum og
spumingum, sem
þær vekja, er
slöngvað framan í
hann og svarað með
þessari lágmæltu
kurteisi, æðruleysi
og opnu einlægni.
Sú samúð sem Arn-
arflug nýtur enn er sjálfsagt mikið hon-
um að þakka.
Frá árdögum flugs á íslandi hefur saga
þess verið saga mikilla átaka milli einok-
unartilhneiginga og frjáls framtaks. Bæði
í flugrekstri og í stjórnmálum hafa jafnan
verið menn, sem óttast hafa að kakan
væri ekki til skiptanna, samkeppni leiddi
til óhagkvæmni, sem gengi af báðum eða
öllum keppendum dauðum.
Þrír ungir menn, sem lærðu flug úti í
Kanada á stríðsárunum, festu kaup á
ltilli vél til að tryggja sér atvinnu við
heimkomuna. Þetta voru þeir Alfreð El-
íasson, Kristinn Olsen og Siguröur Ól-
afsson. Þeir buðu Flugfélagi Islands vél-
ina til kaups gegn því að fá vinnu hjá því.
Þeirri tillögu var hafnað. Þeir buðu sam-
vinnu um rekstur vélarinnar. Þeim var
sett það skilyrði að þeir samþykktu að
eignast aldrei nema eina flugvél. Þar
með lauk þeirra skiptum. Þremenning-
arnir fengu menn til liðs við sig um
stofnun félags um vélina. Þetta varð
upphafið að Loftleiðaœvintýrinu, því ís-
ARNARFLUG HF.
Stofnað 10. apríl 1976
Hluthafar í dag 2003
Fyrsta flug (leiguflug til Spánar) 5. júni 1976
Innanlandsflugið hefst 14. september 1979
Fyrsta áætlunarflug til Ziirich 4. júlí 1982
Fyrsta áætlunarflug til Amsterdam
og Dússeldorf 7. júlí 1982
Fyrsta áætlunarflug til Hamborgar 10. apríl 1986
Fyrsta áætlunarflug til Mílanó 23. júní 1988

Kristinn Sigtryggsson, ímynd
Arnarflugs út á við. Grannur og
holdskarpur og eygir alltaf birtu
framundan mitt í svartnættinu.
12 HEIMSMYND
eftir ÓLAF HANNIBALSSON