Heimsmynd - 01.10.1990, Síða 11

eru óákveðin eða neita að svara. Þetta
segir þá sögu að Kvennalistinn sé ekki í
hugum kvenna almennt sá vettvangur
tækifæranna sem hann gefur sig út fyrir
að vera. Þá hefur Kvennalistinn einnig
verið harðlega gagnrýndur fyrir útskipta-
reglur sínar en þó er ekki loku fyrir skot-
ið að konurnar tefli fram kvenkostum
sem laða að fylgi, eins og Ingibjörgu Sól-
rúnu Gísladóttur eða jafnvel Sigríði
Dúnu Kristmundsdóttur sem lét af þing-
mennsku 1987.
Sumir segja að samstarf við Kvenna-
lista væri kjörstaða fyrir Sjálfstæðisflokk-
inn. Aðrir telja að Kvennalistinn sé
hugsanlegt fjórða hjól undir vagni í
áframhaldandi vinstri stjórn þar sem
Borgaraflokkurinn verði ekki til staðar
eftir næstu kosningar en fylgi hans mæl-
ist nú innan við hálft prósent.
Verði Þorsteinn Pálsson í aðstöðu til
að mynda stjórn er ekki ólíklegt að
Kvennalistinn komi við sögu jafnvel þótt
um reginágreining verði að ræða í
stefnumálum. Konurnar eru þekktar fyr-
ir að standa við gerða samninga en hið
sama verður ekki sagt um marga aðra.
Stóra spurningin eftir sem áður er í
hvaða hlutverki Davíð Oddsson verður í
næstu kosningum. Hann er í ákveðnum
ógöngum þótt hann standi sterkar að vígi
en nokkur annar stjórnmálamaður á Is-
landi nú. Taki hann sæti á þingi sem
óbreyttur þingmaður undir ríkisstjórn
með þátttöku Sjálfstæðisflokks fær hann
ekki tækifæri til að taka við flokknum
fyrr en eftir tvö til þrjú ár. Þá verður
hann að rýma borgarstjórastólinn fyrir
arftaka sínum, eins og Birgir ísleifur
rýmdi fyrir honum og Geir Hallgrímsson
fyrir Birgi á sínum tíma. Þá er óhugsandi
að hann láti af embætti sínu sem borgar-
stjóri til að verða fagráðherra.
Hingað til hafa margir Sjálfstæðis-
menn verið andvígir því að halda lands-
fund fyrir kosningar í vor til að losna við
að opinbera ágreininginn innan flokks-
ins. Nú gætu mál skipast þannig að Dav-
íð ynni það mikinn sigur í prófkjöri í
Reykjavík að landsfundur yrði kallaður
saman fyrir kosningar. Enda segir sagan
að Þorsteinn Pálsson standi ekkert of
sterkt í eigin kjördæmi, Suðurlandi, og
fari hann illa út úr prófkjöri leiðir það
næstum sjálfkrafa til landsfundar og for-
mannsskipta. Leiði Þorsteinn hins vegar
flokk sinn í komandi kosningum og tak-
ist honum að mynda ríkisstjórn í kjölfar
þeirra er hugsanlegt að hann verði for-
maður lengur en margur ætlar nú. Mis-
takist Þorsteini Pálssyni hins vegar eru
dagar hans í stjórnmálum taldir og þá á
Davíð vart neitt val lengur.
Sumir sjálfstæðismenn eru yfirmáta
bjartsýnir á úrslit næstu þingkosninga og
telja að Sjálfstæðisflokkurinn nái jafnvel
meirihluta. Hinir raunsæju gera sér í
mesta lagi vonir um 40 prósent sigur og
telja flokkinn geta vel við unað. En þá er
líka ljóst að miðað við óbreytta forystu
er Þorsteini Pálssyni mikill vandi á hönd-
um. Það er hætt við því að þegar viðræð-
ur hefjast á milli hans og formanna nú-
verandi stjórnarflokka að þráðurinn
slitni með minningarbrotum úr fortíð-
inni, núverandi ráðherrar dæsi og segi
sem svo, best að reyna aftur sjálfir.
Þá er það ekki bara tilhugsunin um
vinstri stjórn næstu árin sem mun vefjast
fyrir Þorsteini Pálssyni heldur einnig
hans eigin pólitíska framtíð. Því væri
klókt hjá honum að snúa sér að ljósk-
unni á myndinni að ofan og stöllum
hennar strax.D
VANDLÁTIR VELJA VOSSEN
Stœrðir. 50x100 30x50 22x15 67x140 100x150
,'fvossen
S. ARMANN MAGNUSSON HEILDVERSLUN
SKÚTUVOGI 12j SÍMI 6870 70
HEIMSMYND 11