Heimsmynd - 01.10.1990, Side 32
BÆKUR
Flett ofan af Mossad
Höfundar: Dan Raviv og Yossi Melman
Fljótlega eftir myndun ísraelska ríkisins var komið upp
þrenningu stofnana sem mynda leyniþjónustu ríkisins: Mos-
sad, sem sér um njósnir utanlands; Shin Bet, sem sinnir njósn-
um innanlands og Aman, sem hefur hernaðarnjósnir á sinni
könnu. Af þeim er Mossad frægust og hefur hún áunnið sér þá
ímynd að vera ein
snjallasta, miskunn-
arlausasta og árang-
ursríkasta leyniþjón-
usta í heimi. Hún
þykir ganga eins
langt og þörf krefur
til að þjóna pólitísk-
um yfirboðurum sín-
um og til að tryggja
öryggi ríkisins. Pessi
ímynd grundvallast
meðal annars á af-
rekum á borð við
handtöku Adolf
Eichmanns, nasist-
ans fræga, og árásina eftirminnilegu á Entebbe. Bókin
EVERY SPY A PRINCE: The Complete History of Israel’s
Intelligence Community eftir Dan Raviv og Yossi Melman,
þykir ein skilmerkilegasta úttekt á starfsemi ísraelsku leyni-
þjónustunnar sem gerð hefur verið.
Bókin dregur líka fram í dagsljósið þá óhuggulegu atburði
sem gengið hafa eins og rauður þráður í gegnum sögu Mos-
sad. Pessi sama stofnun sem skipulagði hina djörfu björgun
hundrað og þriggja gísla sem rænt var á Entebbe 1976, myrti
líka í misskilningi saklausan þjón frá Marokkó í Lillehammer í
Noregi þegar hún gerði tilraun til að hefna fyrir morðin á ísra-
elsku íþróttamönnunum á ólympíuleikunum í Múnchen 1972.
Pá hefur ísraelska leyniþjónustan staðið fyrir sprengjuárásum
á bandarískar byggingar í Egyptalandi í þeirri von að þarlend
stjórnvöld myndu ranglega saka stjórnvöld í Kaíró um verkn-
aðina. Hún hefur staðið fyrir hörmulegum pyntingum og
drápum á aröbum sem hún hefur haft undir grun. Hún hefur
njósnað um fjölmiðla og stjórnarandstöðuflokka heima fyrir
og hylmt yfir pólitísk hneykslismál. Hún borgaði Jonathan
Pollard, njósnasérfræðingi í bandaríska flotanum, fyrir að
stunda njósnir fyrir sig í Bandaríkjunum, en þau hafa verið
einn tryggasti bandamaður Israelsríkis í gegnum árin.
Höfundar bókarinnar telja ísraelsku leyniþjónustuna gjalda
þess hversu hrokafull og sjálfsánægð hún er og fyrir að álíta
sig yfir lögin hafin. Bókin greinir einnig frá snilldarverkum,
mistökum, sigrum og ósigrum. Af nægu er að taka og í bók-
inni er að finna efni í tugi kvikmynda. Raviv, fréttaritari
bandarísku sjónvarpsstöðvarinnar CBS í London og Mið-
Austurlöndum, og Melman, nafntogaður ísraelskur blaða-
maður, eru oft gagnrýnir á starfshætti ísraelsku leyniþjónust-
unnar en þeir gleyma ekki dulúðinni og goðsögnunum sem
hún hefur verið sveipuð. Sagt er frá Eli Cohen, njósnaranum
fræga sem komst á fölskum forsendum í innsta hring aðal-
stöðva herstjórnarinnar í Sýrlandi, en var síðan uppgötvaður
og hengdur í Damaskus árið 1965. Einnig er greint frá Wolf-
Saga Mossad, leyniþjónustu
ísraelska ríkisins, einnar
miskunnarlausustu
leynisþjónustu í heimi er
blóði drifin. Starfsemi
hennar teygir anga sína
lengra en nokkurn gæti
órað fyrir.
GAUKUR Á STÖNG er elsti og vinsælasti ,,pub“ landsins.
Annálaður fyrir magnaða stemningu og dáður fyrir frábæra
matreiðslu sem er ógleymanleg maga og mönnum. Staður þar
sem góður matur og góð stemning eiga saman.
• TRYGGVAGATA 22 • 101 REYKJAVIK • SIMI 91-11556 •
32 HEIMSMYND